Սևանա լճի ավազանում կստեղծվի Սևանի իշխանի մանրաձկան արտադրության գործարան
ОБЩЕСТВОՀՀ կառավարությունը Գյուղատնտեսության նախարարությանը հատկացրեց 3,1 մլրդ դրամ՝ Սևանի իշխանի պաշարների վերականգնման և ձկնաբուծության զարգացման հիմնադրամին կանոնադրական նպատակների իրականացման նպատակով անհատույց տրամադրելու համար: ՀՀ գյուղատնտեսության նախարար Սերգո Կարապետյանը նշեց, որ միջոցներն ուղղվելու են Սևանա լճում իշխանի պաշարների վերականգնման և ձկնաբուծության զարգացման համալիր ծրագրի իրականացմանը:
«Ծրագրով նախատեսվում է Սևանա լճի ավազանում ստեղծել Սևանի իշխանի մանրաձկան արտադրության գործարան, ձկան վերամշակման գործարան և լճում տեղակայվող տնտեսություններ»,- ասաց նախարարը:
Մանրաձկան տնտեսությունում կիրականացվի կենսական ցիկլերի ամբողջական ապահովումը՝ մայրական վտառի կազմավորումը, շարունակական ապահովումը, զարգացումը, սելեկցիան, ձկնկիթի ստացումը, բեղմնավորումը և ինկուբացիան, թրթուրի և մանրաձկան աճեցումը, կենսունակ մանրաձկան տեղափոխումը Սևանա լիճ: Կենսացիկլի ամբողջական համակարգի ստեղծումը հնարավորություն կտա վերահսկել արտադրության բոլոր փուլերը՝ դրանով երաշխավորելով իշխանի էկոլոգիապես կայուն արտադրություն: Լճում տեղակայվող տնտեսություններում տեղափոխվելու են մանրաձկան տնտեսությունում աճեցվա ծ մանրաձկները, որտեղ այն աճեցվելու է մինչև ապրանքային քաշի հասնելը, այնուհետև վերամշակվելու է վերամշակման գործարանում և իրացվելու է:
Մանրաձկան և ձկան վերամշակման գործարանները հիմնվել են «Սևանի իշխան» ՓԲԸ-ի կողմից:



