Երեւան-Երասխ ճանապարհին 3 մեքենաներ իրար են բախվել. 4 մարդ վիրավոր է
ОБЩЕСТВОՀայաստանի ԱԻՆ-ում, այսօր՝ մարտի 19-ին, ժամը 08.11-ին տեղեկատվություն է ստացվել, որ Երեւան-Երասխ ավտոճանապարհին՝ Մարմարաշեն գյուղի մոտակայքում, տեղի է ունեցել ավտովթար, կան տուժածներ. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Պարզվել է, որ դեռեւս չբացահայտված հանգամանքներում Երեւան-Մեղրի ավտոճանապարհի 16-րդ կմ-ին բախվել են «Օպել Աստրա» մակնիշի 15 OT 001 պ/հ, «ՎԱԶ-2106» մակնիշի 25 SL 551 պ/հ եւ «ԳԱԶ-3110» մակնիշի 34 TU 441 պ/հ ավտոմեքենաները:
Մինչ հրշեջ-փրկարարների կանչի վայր հասնելը՝ տուժածներ 36-ամյա Ա. Թ.-ն, 24-ամյա Ն. Հ.-ն, 48-ամյա Վ. եւ 45-ամյա Տ. Շահբազյանները հոսպիտալացվել են Մասիս քաղաքի ԲԿ. բժիշկները տուժածների առողջական վիճակը գնահատել են բավարար:
Հրշեջ-փրկարարները հոսանքազրկել են ավտոմեքենաները եւ փակել գազի բալոնների փականները:



