Չինացի հայտնի լրագրողը կորել Է Հոնկոնգ մեկնելու ճանապարհին
ОБЩЕСТВОՊեկինցի լրագրող Ցզյա Ցզյան կորել Է Հոնկոնգ մեկնելու ճանապարհին: Այդ մասին նրա փաստաբան Յան Հինը հայտարարել Է BBC-ին տված հարցազրույցում:
Լրագրողի մասին ոչ մի տեղեկություն չկա մարտի 15-ից. այդ օրը նա պետք Է թռչեր Պեկինից:
Նրա անհետացման մասին հայտնել Է կինը:
Ինչպես հայտնում Է BBC-ի թղթակիցը, Ցզյա Ցզյայի անհետացումը կարող Է կապված լինել այն անանուն նամակի հրապարակման հետ, որը պաշտոնաթողության կոչ Է անում ՉԺՀ-ի նախագահ Սի Ցզինպինին:
Լրագրողն ինքն ասում Էր, որ այդ նամակի հետ ոչ մի կապ չունի:
Նամակը, որն ստորագրված Է «Կոմունիստական կուսակցության լոյալ կողմնակիցների կողմից», հայտնվել Էր չինական Watching նորությունների պորտալում, բայց շուտով այնտեղից հեռացվել Էր:
Պորտալի խմբագրությունում BBC-ին հաստատել են, որ Չինաստանի իրավապահ մարմիններն այդ հրապարակման հայտնվելու հանգամանքների հետաքննություն են անցկացնում:
Ցզյա Ցզյան հայտնի Է իր սոցիալ-քաղաքական մեկնաբանություններով, որոնք հրապարակվում են Tencent նորությունների պորտալում:



