Խաչերթ` Ոստանի 180-ամյա խոնարհված եկեղեցին վերակառուցելու նպատակով
ОБЩЕСТВОԱրարատի մարզում մարտի 12-ին տեղի ունեցած Խաչապտույտը Գրիգոր Լուսավորչի տոնը նշանավորելուց, ժողովրդի հավատը նորոգելուց, Հայ առաքելական եկեղեցու դավանանքը քարոզելուց բացի` նպատակ ուներ հավատավոր ժողովրդի ուշադրությունը հրավիրելու 180 տարի առաջ մարզի Ոստան համայնքում կառուցված եւ այժմ խոնարհված Սբ Սարգիս եկեղեցու կառուցման հիմնախնդրի վրա: Լուս ավորչի մուտքն ի Վիրապ տոնի կապակցությամբ Խաչապտույտը կատարվեց Արարատյան հայրապետական թեմի առաջնորդական փոխնորդ Տեր Նավասարդ Կճոյանի օրհնությամբ, որին մասանակացում էին 400 ուխտավորներ: Այն սկսվեց Բյուրավան համայնքի Սբ Հակոբ եկեղեցուց` Տեր Ղազար քահանա Պետրոսյանի առաջնորդությամբ: Ուխտավորներին Ոստան համայնքում դիմավորեցին համայնքապետ Հակոբ Խաչատրյանը, դպրոցի տնօրեն Գեղամ Արշակյանը, համայնքի բնակիչները, այլք: Արդեն եկեղեցում հոգեւորականներն անդաստանի արարողությունը սկսեցին Տերունական աղոթքով`օրհնելով Հյուսիսն ու Հարավը, Արեւլքն ու Արեւմուտքը` մոլորակին ցանկանալով խաղաղություն:
Իր խոսքում Տեր Ղազար քահանա Պետրոսյանն Աստծուց օրհնությունը խնդրեց, որպեսզի շուտով կատարեն այս եկեղեցու հիմնարկեքի արարողությունը: «Ապաշխարհենք կառուցելով» ծրագիրը իրականացնենք նաեւ Ոստան համայնքում` քանզի քրիստոնեության ջահակիր ժողովրդին հարիր չէ Աստծո տաճարն ավերված թողնել: Եթե կառուցենք Աստծո տաճարը` այն համայնքին բարօրրություն, առողջություն եւ Աստծո օրհնությունը կբերի»,-շարունակելով խոսքն ավելացրեց հոգեւոր հայրը:Գրիգոր Լուսավորչի տոնի կապակցությամբ ուխտավորները ոտքով հասան նաեւ Խոր Վիրապ եկեղեցի: Այնտեղ նրանց միացան Վեդի քաղաքի, Արարատ գյուղի հոգեւորականները, ինչպես նաեւ հավատավոր ժողովուրդը, որոնք միասին մասնակցեցին ժամերգությանը: Խաչերթին մասնակցում էին նաեւ հոգեւորականներ Երեւանի Սբ Սարգիս առաջնորդանիստ եկեղեցուց, Բյուրավանի եւ շրջակա համայնքների հոգեւորականները, հյուրեր Մայր Աթոռից, ուխտավորներ արտերկրից: Թափորի մասնակիցներին բաժանեցին «Ինչու՞ պետք է եկեղեցի կառուցել» շքագրքույկը:
Լիլիթ Մաճկալյան



