Առաջիկա օրերին սպասվում են տեղումներ և ջերմաստիճանի նվազում
ОБЩЕСТВОՀանրապետության տարածքում մարտի 13-ի գիշերը առանձին շրջաններում սպասվում է կարճատև անձրև: Մարտի 14-ի երեկոյան ժամերին, ինչպես նաև մարտի 15-ին, 16-ի գիշերն ամենուրեք, 16-ի ցերեկը Վայոց Ձորում և Սյունիքում, 17-ին Լոռիում, Տավուշում, Սյունիքում և Արցախում ժամանակ առ ժամանակ սպասվում են տեղումներ, լեռնային շրջաններում‵ ձյուն:
Ինչպես հաղորդում է «Արմենպրես»-ը, այս մասին տեղեկացնում է Արտակարգ իրավիճակների նախարարության Հիդրոմետ ծառայությունը:
Մարտի 13-ին քամու արագությունը կլինի 2-7 մ/վրկ, իսկ մարտի 14-15-ը սպասվում է քամու ուժգնացում‵ 15-20 մ/վրկ արագությամբ: Օդի ջերմաստիճանը մարտի 15-16-ը հիմնականում ցերեկը կնվազի 8-10 աստիճանով:

Երևանում մարտի 13-ի գիշերը հնարավոր է կարճատև անձրև, 14-ի երեկոյան ժամերին, 15-ին, 16-ի գիշերը ժամանակ առ ժամանակ սպասվում է անձրև: Մարտի 13-ի ցերեկը, 14-ի գիշերը, ինչպես նաև մարտի 17-ին սպասվում է առանց տեղումների եղանակ:




