Զինծառայողների մեքենան գլորվել է ձորը. Երեք մարդ տեղում մահացել է
ОБЩЕСТВОՓրկարար ծառայությունը մարտի 9-ին, ժամը 23.57-ին տեղեկատվություն է ստացել, որ Արարատի մարզի Զանգակատուն գյուղի մոտակայքում (Թուխ Մանուկի լեռնանցք) տեղի է ունեցել ավտովթար. կան տուժածներ, անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ «Օպել» մակնիշի 34 CC 745 պետհամարանիշի ավտոմեքենան դուրս է եկել երթեւեկելի գոտուց եւ գլորվել ձորը (250 մ):
Shamshyan.com-ի փոխանցմամբ, տեղում զոհվել են երեք տղամարդ, իսկ եւս երկու տուժած՝ տեղափոխվել Արարատի ԲԿ:
Դեպքի վայր են ժամանել մեծ թվով ՀՀ ռազմական ոստիկանության եւ ՊՆ աշխատակիցներ: Ոստիկանությունն ու քննչական բաժինը պարզում են վարորդի, մահացածների եւ վիրավորների ինքնությունը: Դեպքի վայրում հավաքվածները հայտնել են, որ մահացածներն ու վիրավորները պայմանագրային զինծառայողներ են:



