Մեր սեղանի 6 մահացու «թունավոր» մթերքները

ЛАЙФ 11 Март, 2016 2:51

Մարդը երկրագնդի վրա միակ էակն է, ով կարող է իրեն մահացու ռիսկի ենթարկել միայն հանուն հաճույքի կամ զվարճանքի: Մենք անգամ սննդից ենք սիրում ստանալ վտանգավոր ատրակցիոն, օրինակ՝ ֆուգու ձուկը, որից կարելի է մահացու թունավորում ստանալ:

Past.am-ը ներկայացնում է այն պարզ մթերքները, որից կարելի է թունավորվել, սակայն արդյոք գիտեիք այդ մասին:

1. Հնդկական ընկույզ

Թույնը՝ ալերգիկ ուրուշիոլ տոքսին:

Ինչպե՞ս է գործում: Մաշկի վրա ցավոտ ցան է առաջացնում:
Հետաքրքիր փաստ. «Հում» հնդկական ընկույզը, որը վաճառվում է սուպերմարկետներում, իրականում մշակված է տաք գոլորշու օգնությամբ, ինչը չեզոքացնում է թունավոր նյութը:

2. Կարտոֆիլ և պոմիդորներ

Թույնը՝ սոլանին

Կարտոֆիլի պալարներում պարունակվում է քիչ քանակությամբ (մինչև 0,05%), սակայն կանաչած ու ծլած կարտոֆիլներում դրա մակարդակը զգալիորեն բարձրանում է:
Վտանգավոր սոլանինը պարունակվում է նաև կանաչ պոմիդորներում: Տոքսինի պարունակությունը զգալի նվազում է, երբ պտուղն սկսում է դեղնել՝ դառնալ սպիտակավուն կամ վարդագույն: Այդ ժամանակ պոմիդորները կարելի է համարձակորեն թթու դնել:

Ինչպե՞ս է գործում: Գրգռում է նյարդային համակարգը, խախտում մարսողությունը: Ուժեղ թունավորվել կարելի է մի քանի կիլոգրամ պոմիդոր կամ չմաքրված կարտոֆիլ ուտելու դեպքում միայն:

Ախտանշաններ՝ գլխացավ, թուլություն, գիտակցության խառնաշփոթ, դիարեա, փսխում, ծանր դեպքերում՝ կոմա:

3. Ֆերմերական թառափ

Թույն: 13 տարբեր տոքսիկ նյութեր:

Ինչպե՞ս է գործում: Ընկճում է իմունիտետը, ախտահարում մաշկը, երիկամները, նյարդային համակարգը, անգամ քաղցկեղ առաջացնում:

Ի՞նչ է պետք իմանալ: Եթե թառափ ուտում եք ամիսը երկու անգամ, դա չի վնասի ձեր առողջությանը: Սակայն եթե չեք ցանկանում ռիսկի դիմել, ապա գնեք վայրի թառափ:

4. Խավարծիլի տերևներ

Թույն: Շավելի թթու

Ինչպե՞ս է գործում: Երիկամներում առաջացնում է մահացու բյուրեղային նստվածքներ:
Ախտանշաններ: Դժվարացած շնչառություն, փսխում, դիարեա, ցավ աչքերում, այրոց բերանում:

5. Աբսենտ

Թույն: Մարդու համար մահացու տույոն նյութ, որը մեծ քանակությամբ պարունակվում է այդ ալկոհոլային ըմպելիքի կարևորագույն բաղադրիչում՝ օշինդրում:

Ինչպե՞ս է գործում: Չի թողնում կենտրոնանալ: Մեծ չափաքանակի դեպքում առաջացնում է մկանային սպազմեր ու ցնցումներ՝ մահացու ազդելով գլխուղեղի, երիկամների ու լյարդի վրա:

6. Շամբուկ (թանթրվենի)

Թույն: Ցիանիդ

Ինչպե՞ս է գործում: Եթե ուտեք չհասած կամ սխալ պատրաստված հատապտուղները, կարելի է ցնցումների մեջ ընկնել:

Ախտանշաններ: Գլխացավ, գլխապտույտ, քնկոտություն, փսխում: