Ովքե՞ր են և ի՞նչ մասնագիտություն ունեն պաշտոնյաների կանայք (ֆոտոշարք)

 Shabat.am-ը գրում է.

Կանանց միջազգային օրվա կապակցությամբ Shabat.am-ն առանձնացրել է հայ պաշտոնյանեևրի և քաղաքական գործիչների կանանց, ինչպես նաև քիչ թե շատ հայտնի կին քաղաքական գործիչներին:

ՀՀ նախագահ Սերժ Սարգսյանի կինը՝ Ռիտա Սարգսյանը ավարտել է Ստեփանակերտի Ա. Գրիբոյեդովի անվան 3-րդ միջնակարգ դպրոցը՝ ստանալով երաժշտական կրթություն:Որոշ ժամանակ աշխատել մանկապարտեզում որպես երաժշտության ուսուցչուհի: Հայաստանի Հանրապետություն տեղափոխվելուց հետո չի աշխատել: Հայաստանի Հանրապետության առաջին տիկինը բարեգործական աշխատանք է ծավալում արվեստի եւ առողջապահության ոլորտներում: Ռիտա Սարգսյանը հանդիսանում է «Նվիրիր կյանք» բարեգործական հիմնադրամի հոգաբարձուների խորհրդի պատվավոր նախագահ, ինչպես նաև` «Արմավենի» բարեգործական հիմնադրամի հոգաբարձուների խորհրդի պատվավոր նախագահ:

ՀՀ երկրորդ նախագահ Ռոբերտ Քոչարյանի կինը՝ Բելլա Քոչարյանը ավարտել է Երևանի բժշկական ինստիտուտը, Հանրապետության նախկին առաջին տիկինը ոսկրածուծի տրանսպլանտացիայի դոնորների համահայկական ռեեստրի պատվավոր նախագահն է։ Նա պատվավոր նախագահն է նաև Վլադիմիր Սպիվակովի «Հայաստանի տաղանդավոր երեխաները» միջազգային բարեգործական հիմնադրամի Հայաստանի մասնաճյուղի։ 

ՀՀ երորդ նախագահի Լևոն Տեր- Պետրոսյանի կինը՝  Լյուդմիլա Տեր-Պետրոսյան, օրիորդական ազգանունը Պլեսկովսկայա (ծնվ. 1947թ.), գերմանագետ, հեռուստալրագրող, Լենինգրադի Գերցենի անվան մանկավարժական ինստիտուտի շրջանավարտ։

 

ՀՀ վարչապետ Հովիկ Աբրահամյանի կինը՝ Ջուլիետա Աբրահամյանը, նրա կրթության, մասնագիտության մասին տեղեկություններ չկան: 

Երևանի քաղաքապետ Տարոն Մարգարյանի կինը՝ Գոհար Սարգսյանըը, որպես քաղաքապետի կին Մայրության եւ գեղեցկության տոներին այցելում է   Երեւանի ծննդատներ ու շնորհավորում մայրացած կանանց։

 

Պաշտպանության նախարար Սեյրան Օհանյանը կինը՝ Ռուզաննա Խաչատրյանը 1991 թվականին ավարտել է Երևանի պետական բժշկական համալսարանը՝ ստանալով բժիշկ-ստոմատոլոգի մասնագիտություն[1]: 1992 թվականին ավարտել է նույն համալսարանի ինտերնատուրան[1]: 2003 թվականին Ֆրանսիայի մայրաքաղաք Փարիզում գործող Paris VII համալսարանում ստացել է բժիշկ իմպլանտոլոգի գիտական աստիճան[1]: 2013 թվականին Երևանում ստացել է Բժշկական գիտությունների թեկնածուի կոչում, հեղինակել է 20-ից ավել գիտական հոդվածներ և 1 մենագրություն:Առ այսօր հանդիսանում է ՀՀ Առողջապահության նախարարի խորհրդականը:  

Գագիկ Ծառուկյանի կինը՝ Ջավահիր Ծառուկյանը երբեմն ամուսնու ուղեկցում է պաշտոնական միջոցառումներին, սակայն նրա կրթության մասին տեղեկություններ չկան: 

 

 

 

 

Առողջապահության նախարար Արմեն Մուրադյանի կինը՝ Ելենա Ամիրխանյանը մասնագիտությամբ նույնպես բժիշկ է: Նա ավարտել է Ամերիկյան համալսարանը, աշխատում է որպես առողջապահության ոլորտի կազմակերպիչ: 

 

Աշխատանքի և սոցիալական հարցերի նախարար Արտեմ Ասատրյանի կինը՝  Մարինե Պետրոսյանն է, ով մասնագիտությամբ բժշկուհի է։ Իրենց առաջին հանդիպումը կայացել է հիվանդանոցում, երբ կինը ուսանողուհի էր եւ միաժամանակ աշխատում էր այնտեղ։Ինչպես նախարարն է նշում, հանդիպումը պատահական է եղել. նա հիվանդանոց է այցելել ու այնտեղ էլ ծանոթացել իր ապագա կնոջը։