«Երբեք չեմ զղջում իմ արած որևէ մի քայլի համար...». սիրված դերասան Խորեն Լևոնյանի կանայք. ո՞վքեր են նրանք. լուսանկարներ

Դերասան, ով միշտ հանրության ուշադրության կենտրոնում է թե´ իր աշխատանքային գործունեությամբ, թե´ իր անձնական կյանքով: Պատվավոր դերասանի պատվավոր թոռ. ազգանուն, որը կրում է հպարտությամբ և պատվով էլ դուրս է գալիս այդ հաճելի, բայց, միևնույն ժամանակ, պատավորեցնող առաջադրանքից: Նա այն դերասաններից է, ում վերագրել են բազմաթիվ սիրավեպեր այս կամ այն դերասանուհու կամ երգչուհու հետ:

 

Այսօր Ձեզ ենք ներկայացնում դերասան, հաղորդավար Խորեն Լևոնյանի անձնական ու գործնական կյանքի որոշ մանրամասներ, որոնք միշտ էլ հետաքրքիր են հանրությանը:

 

Խորեն Լևոնյանն այն դերասանն է, ում անձնական կյանքը միշտ հետաքրքիր է եղել բոլորին: Ինչպես գիտենք, նա ամուսնացած է եղել պարուսույց Մերի Հովհաննիսյանի հետ, սակայն երջանիկ զույգի սիրո պատմությունը հավերժ չտևեց: Նրանք ամուսնալուծվեցին:

 

Մամուլում լայնորեն քննարկվեց նրանց բաժանումը, այնուհետև համացանցում հայտնվեցին լուսանկարներ, որտեղ աղջիկների սիրելի դերասանը երգչուհի Լիլուի ընկերակցությամբ էր: Սիրավեպի մասին Խորենը երբեք մեկնաբանություն չի տվել, իսկ Լիլուն մեկնաբանել է՝ ասելով, թե դա իրենց անձնական կյանքն է և ոչ ոք իրավունք չունի խառնվել իրենց աձնական կյանքին:

Խորենի նախկին կինն էլ զերծ չմնաց մեկնաբանություններից և ամսագրերից մեկին տված հարցազրույցում նշեց. «Ցանկացած զույգի կյանքում էլ խնդիրներ լինում են, իսկ հետո՝ հարթվում»:

Ամիսներ հետո համացանցը ողողվեց Խորենի և Լիլուի բաժանման մասին լուրերով, իսկ թե ինչ էր տեղի ունեցել իրականում, ոչ ոքի հայտնի չէ:

Իսկ հերթական սիրավեպը, պարզվեց, որ սիրավեպ չէ, այլ իսկական սիրո մի պատմություն, որը կապված է Լիկա Մեսրոպյանի անվան շուրջ: Լիկա Մեսրոպյանը Խորենի հետ հանդես է եկել «Արմենիա» հեռուստաընկերությամբ ցուցադրվող «Խաղից դուրս» բազմասերիանոց գեղարվեստական ֆիլմում: Ֆիլմի նկարահանման հրապարակում նրանք պարզապես շատ լավ ու մտերիմ ընկերներ էին, իսկ հետո նրանց հարաբերություններն սկսեցին այլ ընթացք ստանալ ֆիլմի ավարտից բավական ժամանակ հետո:

«Այո´, մենք շատ մոտ ընկերներ էինք դարձել սերիալի նկարահանման ժամանակ: Եվ հատուկ ուզում եմ նշել, որ այն ժամանակ մեր միջեւ դեռեւս ոչինչ չկար: Ամեն ինչ սկսվեց ավելի ուշ»,- պատմում է Լիկան:

Գեղեցիկ սիրո պատմություն, որը ավարտվեց գեղեցիկ, հաճելի, բայց ոչ հայկական ավանդական հարսանեկան միջոցառմամբ: Զույգի հարսանեկան արարողությունը կայացել է Երևանից դուրս գտնվող հյուրանոցային մի համալիրում, որը, ըստ Լիկայի, հեքիաթային ու գեղեցիկ է եղել: Այդ օրվա բարենպաստ եղանակն էլ նպաստել է, որպեսզի Խորենն ու Լիկան անմոռանալի օր ունենան:

«Շատ գեղեցիկ էր մեր մուտքը. կանաչ տարածության մեջ սպիտակ սեղանիկներ էին դրված, մեր մուտքն էլ Մենդելսոնի երաժշտության ներքո եղավ. ջութակահարուհին Խորենի քույրն էր»,- պատմել է նա:

 

Իսկ ամուսնության առաջարկ դերասանը Լիկային արել է Դիլիջանում, ուր նա մեկնել էր նկարահանումների, իսկ Լիկան էլ ուղեկցում էր իր սիրելիին: «Նկարահանումների ժամանակ Խորենը շատ անսպասելի առաջարկություն արեց ինձ, ինչը շատ հաճելի էր: Երբ Խորենն ինձ նվիրեց մատանին, մենք նկարահանման հրապարակի կենտրոնում էինք, իսկ շուրջը նկարահանող խումբն էր»,- հայտնել է դերասանուհին:

 

Նշենք, որ դերասանն ունի երկու երեխա: Առաջնեկը նախկին կնոջից է, ով արդեն հասցրել է նկարահանվել տեսահոլովակում, իսկ Լիկայի և Խորենի որդին դեռ փոքր է:

 Պատրաստեց Past.am-ը: