Բերքի արարումն առանց կնոջ ապրեցնող ջերմության անհնար է պատկերացնել. ՀՀ գյուղատնտեսության նախարար
ОБЩЕСТВОՀՀ գյուղատնտեսության նախարար Սերգո Կարապետյանը շնորհավորական ուղերձ է հղել մարտի 8-ի առթիվ։ Ինչպես տեղեկացրին ՀՀ գյուղատնտեսության նախարարության հասարակայնության հետ կապերի բաժնից, ուղերձում նշված է.
«Սիրելի կանայք, մայրեր, քույրեր և դուստրեր,
Սրտանց շնորհավորում եմ Ձեզ կանանց միջազգային օրվա` մարտի 8-ի առթիվ:
Թող գարնանային այս ծաղկաբույր տոնը Ձեզ անսահման ուրախություն ու բերկրանք պարգևի: Թող Ձեր կանացի հմայքը, քնքշությունն ու նվիրվածությունը ջերմացնեն բոլոր գարունները և լիացնեն բարությամբ ու սիրով:
Հատկապես ցանկանում եմ շնորհավորել գյուղատնտեսության ոլորտում ներգրավված կանանց և շնորհակալություն հայտնել քրտնաջան աշխատանքի, նվիրումի, տոկունության ու սրտացավության համար: Բերք ու բարիքի արարումն առանց կնոջ հոգատար ձեռքի և ապրեցնող ջերմության անհնար է պատկերացնել:
Մեր ոլորտում Դուք մշտապես կարևոր դերակատարում եք ունեցել, և այսօր էլ հաջողված պատմություններ ունեցող շատ նախաձեռնությունների հեղինակները հենց Դուք եք:
Վերստին շնորհավորում եմ բոլոր կանանց այս գեղեցիկ տոնի առթիվ` մաղթելով առողջություն, ներդաշնակ և ամուր ընտանիքներ, մայրական երջանկություն և ամենայն բարին:
Աստված Ձեզ պահապան»:



