Ինչու են աղջիկները դավաճանում իրենց զույգերին

Blog.1in.am-ը գրում է.

Նա մահացուց ցանկանում է նորություն․ նոր մարմին, նոր էմոցիաներ, նոր զգացողություններ։ Նա հանում է իրերը ճամպրուկից, դուրս է գալիս փողոց, բարցրացնում է գլուխը ու տեսնում է այդքան գեղեցիկ ու այդքան տարբեր տղամարդկանց ու նրանք բոլորն էլ նրա դուրը գալիս են։ Մարմինն արթնանում է, թրթռում է, մտքերը հաճելիորեն շաղվում են, նա ժպտում է կողքի սեղանին նստած տղային ու մի քանի օր ընկղմվում է այդ նորության մեջ։ Դե իսկ վերադառնալու օրը, նա դուրս է գալիս դրա միջից, հրաժեշտ է տալիս, վերադառնում է իր ամուսնու մոտ ու դառնում է առաջվա պես։ Նա ոչ ոքի չի սիրահարվում, քանի որ արդեն մեծ աղջիկ է ու գիտի, թե ինչպես պատբերել լիբիդոյով պայմանավորված սիրահարվածությունը՝ պարզապես իրար հետ կրքոտ գիշեր անցկացնելու ցանկությունից։

Իսկ ինչո՞ւ է նա դավաճանում։

Թեկուզ նրա համար, որ այդպես է ուզում ու կարող է։

Համարվում է, որ դավաճանելու իրավունքը տղամարդկանց առավելությունն է, իսկ եթե «լևի» է գնում կինը, ապա դա միայն ըընտանեկան խնդիրների արդյունք է, կամ էլ ինքնամոռաց սիրահարվել է այլ տղամարդու։ Մոտ մեկ շաբաթ առաջ, ես նստած էի գեղեցկադեմ Իռայի հետ՝ Կիպրոսի հյուրանոցներից մեկի պատշգամփում ու նայում էի, թե ինչ հմտորեն է նա շուրթերով բռնում կոկտեյլի ձողիկն ու լսում էի նրա անկեղծությունները՝ «ֆուտբոլիստի հետ անցկացված գիշերվա մասին»։ Բավական է, որ Իռան հայտնվի ամուսնուց հեռու՝ ինչ որ արևոտ լողափում, կամ էլ մռայլ լեռներում ու նա միանգամից կորցնում է իրեն։

Իռան հրաշալի հարաբերություններ ունի ամուսնու հետ։ Անգամ 5-րդ կոկտեյլից հետո, նա անգամ միտք չուներ գանգատվել ամուսնուց, քանի որ նման գանգատների ոչ մի հիմք չկա։ Նրանք չեն վիճում փողերի, չլվացված սպասքի, ժամանակակից կիինեմատոգրաֆի հոսանքների ու բնագիտության թեմաների շուրջ։ Նրանք ոչ մի խնդիր չունեն անկողնում։ Նրանք երբեք չեն ցանկացել ամուսնալուծվել։ Նրանք սիրում են միմյանց։ Ես նրան բազմաթիվ հարցեր տվեց՝ փորձելով գտնել դավաճանությունը թեկուզ հեռակա արդարացնող ինչ որ բան ու չկարողացա գտնել։

Ամուսինը ոչինչ չգիտի ու հավանաբար երբեք էլ չի իմանա։

Ինպես չեն իմացել իրենց ամուսիններին միայնակ հանգստի ուղարկած հազարավոր կանայք։

Սակայն կանայք գոնե աղոտ կասկածներ ունենում են, ի վերջո, մենք մանկուց սովոր ենք մտածել, որ տղամարդկանց ի ծնե հատուկ են նման արարքներ՝ չեղած տեղից։ Իսկ այ Իռայի ամուսինն, ինչպես հազարավոր այլ ամուսիններ, սրբորեն հավատում են, որ կանացի դավաճանությունն աննկատ մնալ չի կարող, քանի որ դա միշտ դրամա է, դառը ճակատագիր, նոր սիրո որոնումներ՝ ավիրված ամուսնության փլատակների վրա։ Անդադար sms-ներ, տարօրինակ զանգեր, նրա փոխված վարք, դե իսկ վերջում՝ անպայման տրագեդիա։ Բա գիտեք ո՞նց է։

Ես հեռու եմ դավաճանություններն արդարացնելուց՝ անկախ սեռային պատկանելությունից, բայց միևնույն ժամանակ էլ հեռու եմ դրանք դատապարտելուց։ Այո, դրամաներ լինում են, սակայն հաճախ, դավաճանությունը պարզապես սեքս է ու կանայք զբաղվում են սեքսով ճիշտ նույն կերպ, ինչ տղամարդիկ։ Քանի որ ուզում են։ Առանց որևէ հատոիկ պատճառների ու հետևանքների։