Blognews.am-ը գրում է.
27-ամյա անգլուհի Զոի Ջոնսը մեկնել էր արտասահման ուսում ստանալու։ Համալսարանում սովորելու տարիներին նա գիրացել էր, իսկ տուն վերադառնալուց հետո նա էլ ավելի գիրացավ։ Պատճառն այն էր, որ նա տվյալ շրջանում կանոնավոր զբաղմունք չուներ ու ձանձրույթը սպանում էր համեղ ուտեստների միջոցով։
Հերթական անգամ կշռվելուց հետո Զոին հայտնաբերեց, որ մոտ 100 կգ է կշռում։ Աղջիկը բարդույթավորվեց և սկսեց խուսափել մարդկանց հետ շփվելուց։ Նա պարփակվեց ու սկսեց տան չորս պատերում իր գիրության դարդը սգալ։ Նա դեպրեսիայի մեջ էր, իսկ սակավաշարժությունն էլ ավելի էր նպաստում գիրանալուն։
Նրա կյանքում եկավ մի պահ, երբ նա հասկացավ, որ իր դեպրեսիան ու բարդույթները շատ թանկ էին նստում ոչ միայն իր, այլև իր ծնողների վրա։ Այդժամ նա կտրուկ որոշեց հիմնովին փոխել իր կյանքը։ Փոփոխության առաջին քայլը նիհարելն էր լինելու։
Նա վերջապես տան 4 պատերից դուրս գալու համարձակություն գտավ իր մեջ, դիմեց մասնագետներին ու սննդակարգից հանեց թխվածքաբլիթները։
Զոին սկսեց առողջ ապրելակերպ վարել ու առատորեն օգտագործել բանջարեղեններ։ Դիետաներն ու մարզումները երկար չսպասեցրեցին ու Զոին շուտով 38 կիլոգրամով նիհարեց։
Այժմ նա ազատ է ոչ միայն ավելորդ կիլոգրամներից, այլև բարդույթներից ու դեպրեսիայից։
