Որքան արժե ծովափնյա հանգիստը տարբեր երկրներում

Հանգիստն ու, հատկապես ճամփորդությունը, բոլորի համար սպասված ու ցանկալի են: Սակայն երբեմն դրանք հարմար չեն շատերիս գրպաններին: Այսպիսով` Past.am-ը ներկայացնում է ամենատարածված հանգստյան գոտիների գները:

Թուրքիա Նորմալ հանգստի համար միջինը 200.000 ՀՀ դրամը բավարար է: Թեժ առաջարկների դեպքում, կարող եք պատվիրել տուր մինչև 150.000 ՀՀ դրամով: Հինգաստղանի հյուրանոցում մեկշաբաթյա հանգիստը կարժենա սկսած 300.000 ՀՀ դրամից:

Եգիպտոս Հուրգադայի երկաստղանի հյուրանոցում մեկ շաբաթը սկսում է 80.000 ՀՀ դրամից, իսկ Սաֆագայի չորսաստղանի հյուրանոցում՝ 123.000-ից: Հինգաստղանի հյուրանոցների գները գրեթե նույնն են ամբողջ երկրում՝ մոտավորապես 400.000 ՀՀ դրամ՝ մեկ շաբաթվա համար:

Իսպանիա Տուրերի արժեքը միջինը սկսում է 210.000 ՀՀ դրամից, իսկ Կանարյան կղզիներում մեկշաբաթյա հանգիստը սկսում է 500.000 ՀՀ դրամից:

Իտալիա Ծովափնյա հանգստի մեկ շաբաթը երկաստղանի հյուրանոցում կարժենա մոտ 200.000 ՀՀ դրամ, իսկ հինգաստղանի հյուրանոցում՝ մոտ 800.000 ՀՀ դրամ: Շոփինգ-տուրի արժեքը սկսվում է 160.000 ՀՀ դրամից, իսկ էքսկուրսիոն տուրերինը՝ 200.000-ից: Հունաստան Տուրերի միջին գինը 160.000-800.000 ՀՀ դրամ է:

Ամենաթանկ տուրերը ներառում են հանգիստ Կիպրոսի հինգաստղանի հյուրանոցներում և չափազանց հագեցած էքսկուրսիոն ծրագիր:

Ֆրանսիա Ֆրանսիայում մեկշաբաթյա հանգիստն ամենաքիչն արժե 200.000 ՀՀ դրամ, իսկ ահա առավելագույն գումարը չեն համարձակվում նշել անգամ ֆրանսիացիները: Հինգաստղանի հյուրանոցում մեկ շաբաթը կարժենա 800.000 ՀՀ դրամից մինչև 1.5 միլիոն ՀՀ դրամ: Էքսկուրսիոն տուրերի արժեքը սկսում է 300.000 ՀՀ դրամից:

Բուլղարիա Բուլղարիայում հանգստի միջին արժեքը սկսվում է 200.000 ՀՀ դրամից:

Շրի-Լանկա Շրի-Լանկայում ամառային հանգստի միջին արժեքը կազմում է 500.000-ից 1 միլիոն ՀՀ դրամ:

Խորվաթիա Մեկ շաբաթվա հանգստի արժեքը կազմում է 160.000-ից 350.000 ՀՀ դրամ:

Վրաստան Վրաստանում հանգստի գները սկսվում են միջինը 100.000 ՀՀ դրամից: