Զիկա վիրուսի դեմ պայքարելու համար 56 մլն դոլար Է հարկավոր. Առողջապահության համաշխարհային կազմակերպություն

ОБЩЕСТВО 17 Февраль, 2016 16:35

Առողջապահության համաշխարհային կազմակերպությունը հայտարարել Է, որ Զիկա վիրուսի դեմ պայքարելու համար իրեն անհրաժեշտ Է 56 մլն դոլար:

Վիրուսի դեմ պայքարի ծրագրի համար ծախսերի նկարագրության համաձայն, որը զետեղված Է ԱՀԿ-ի կայքում, 25 մլն դոլարը կօգտագործվի բուն կազմակերպության ծախսերի համար, իսկ եւս 31 միլիոն դոլար հարկավոր կլինի նրա հանգուցային գործընկերների աշխատանքների ֆիանսնավորման համար:

Զիկան ֆլավիովիրուս է, որը մաս է կազմում վիրուսների նույն ընտանիքի, որոնք դեղին տենդ, Արեւմտյան Նեղոսի տենդ, չիկունգունյա եւ դենգե են առաջացնում: Սակայն ի տարբերություն շատ վիրուսների, Զիկայի դեմ պատվաստանյութ գոյություն չունի: Բուժող դեղամիջոցներ` եւս:

Զիկա վիրուսը վտանգավոր է նրանով, որ կարող է միկրոցեֆալիա առաջացնել այն երեխաների մոտ, որոնց մայրերը վարակվել են հղիության ընթացքում: Միկրոցեֆալիան նյարդաբանական խանգարում է, որի դեպքում երեխայի գլուխը նորմայից անհամեմատ փոքր է լինում, ինչն ուղեկցվում է զարգացման լուրջ շեղումներով:

Անցյալ տարվա նոյեմբերից Բրազիլիայում միկրոցեֆալիայի արդեն 404 դեպք է գրանցվել: Համեմատության համար, 2014-ին երկրում միկրոցեֆալիայի ընդամենը 146 դեպք կար: Առայժմ չհաստատված դեպքերն անհամեմատ ավելի շատ են` ավելի քան 3500:

Սովորաբար Զիկա վիրուսը փոխանցվում է Aedes մոծակի խայթոցից: Սակայն կարծիք կա, որ վիրուսը փոխանցվում է նաեւ սեռական ճանապարհով. ԱՄՆ-ում արդեն գրանցվել Է վիրուսի փոխանցման մեկ դեպք:

Բացառված չէ նաեւ, որ վիրուսը կարող է փոխանցվել արյան եւ մարմնի այլ հեղուկների միջոցով: Արյան մեջ վիրուսը պահպանվում է մեկ շաբաթ, դեռ պետք է պարզել, թե ինչքան է ապրում սերմնահեղուկում:

ԱՀԿ-ի եւ Հիվանդությունների վերահսկողության եւ կանխարգելման ամերիկյան կենտրոնի տվյալներով, Զիկա վկրուսն այսօր տարածված է Բարբադոսում, Բոլիվիայում, Բրազիլիայում, Կանաչ Հրվանդանում, Կոլումբիայում, Կոստա Ռիկայում, Կյուրասաոյում, Դոմինիկյան Հանրապետությունում, Էկվադորում, Սալվադորում, Ֆրանսիական Գվինեայում, Գվադելուպում, Գվատեմալայում, Գայանայում, Հաիթիում, Հոնդուրասում, Ճամայկայում, Մարտինիկում, Մեքսիկայում, Նիկարագուայում, Պանամայում, Պարագվայում, Պուերտո Ռիկոյում, Սեն Մարտեն կղզում, Սուրինամում, Սամոայում, Տոնգոյում, ԱՄՆ-ի Վիր գինյան կղզիներում եւ Վենեսուելայում, հաղորդել Է ՌԻԱ Նովոստին: