Հայկական E-auto-ն Hongqi-ի համաշխարհային ֆորումում էր․ փորձի փոխանակում՝ հօգուտ հայ վարորդների

E-auto ընկերությունը՝ որպես Հայաստանում և Վրաստանում Hongqi-ի միակ պաշտոնական ներկայացուցիչ, մասնակցել է Չինաստանի ավտոարտադրության հսկա Hongqi-ի համաշխարհային համաժողովին։

Չինաստանի Չանչուն քաղաքում, որտեղ տեղակայված է Hongqi բրենդի՝ China FAW Group Co., Ltd. մայր գործարանը, միջազգային գործընկերներին է ներկայացրել Hongqi-ի նորագույն մոդելաշարքը, իսկ բրենդի պաշտոնական ներկայացուցիչները հնարավորություն են ստացել ծանոթանալու մեքենաներում ներդրված նորարարական լուծումներին և ներկայացնելու վարորդների ցանկություններն ու հետադարձ կապը:

«Մեզ համար մեծ պատիվ և կարևորություն ունի նման մակարդակի միջոցառման մասնակցությունն ու փորձի փոխանակումը ոչ միայն Hongqi-ի մեր գործընկերների, այլև տարբեր տարածաշրջանների ներկայացուցիչների հետ։ Hongqi-ն ամբողջ աշխարհում ասոցացվում է բարձրակարգ որակի և նորարարության հետ, և մեր նպատակն է տարածաշրջանում առավել ընդգծել բրենդի, հատկապես էլեկտրական մոդելաշարքի դիրքերը։ Նման հանդիպումները կարևոր քայլ են՝ ամրապնդելու կապերը, բացելու նոր հնարավորություններ և մայր գործարանի հետ համագործակցությամբ մեր հաճախորդներին առաջարկելու վաճառքի, երաշխիքային և հետերաշխիքային սպասարկման առավել շահավետ և էքսկլյուզիվ պայմաններ, որոնք շուտով հասանելի կլինեն նաև մեր նոր՝ Ռուբինյանց 40/3 հասցեում բացվող վաճառքի և սպասարկման ավտոսրահում»,- նշում է E-auto ընկերության համահիմնադիր և գլխավոր տնօրեն Գևորգ Աղաջանյանը։

2025-ին Հայաստանում պաշտոնական ներկայացուցիչների կողմից ներմուծված էլեկտրամոբիլների շուրջ 35%-ը բաժին է ընկնում E-auto ընկերությանը։ Նման տպավորիչ արդյունքներ գրանցելու շնորհիվ ընկերությունը 2026 թվականի սկզբին դարձել է նաև Վրաստանում Hongqi-ի պաշտոնական ներկայացուցիչը:

Hongqi բրենդը հիմնադրվել է 1958 թվականին և համարվում է Չինաստանի ավտոարդյունաբերության խորհրդանիշը։ Տասնամյակներ շարունակ այն եղել է երկրի ղեկավարության և պետական նշանակության միջոցառումների պաշտոնական ավտոմոբիլային ընտրությունը՝ մարմնավորելով որակ, ինժեներական մտածողություն և բարձր տեխնոլոգիական զարգացում։

Hongqi էլեկտրամոբիլներն աչքի են ընկնում չինական մշակույթից ոգեշնչված յուրահատուկ դիզայնով, իսկ որակյալ հարդարանքը և ժամանակակից ինտերիերը խոստանում են երթևեկությունը դարձնել էլ ավելի հաճելի: Մեքենաներն առանձնանում են տարողունակ մարտկոցներով, ինչը էլեկտրամոբիլի համար մեծ առավելություն է։ Hongqi ֆլագմանային մոդելները կարող են մեկ լիցքավորումով անցնել մինչև 800 կմ:

Մեքենաներում կիրառվող տեխնոլոգիաների ու ինժեներական լուծումների շնորհիվ էլեկտրամոբիլները լիովին համապատասխանում են Եվրոպական միության ստանդարտներին և տեխնիկական COC (European Certificate of Conformity) պահանջներին։

Հայաստանում E-auto-ի վաճառքի և սպասարկման ավտոսրահի հասցեն է՝ Երևան, Դավիթ Բեկ 138/4: Ընկերությունը Hongqi Էլեկտրամոբիլների համար տրամադրում է մինչև 8 տարի կամ մինչև 150․000 կիլոմետր պաշտոնական երաշխիք։

Համագործակցելով Հայաստանում գործող գրեթե բոլոր առաջատար բանկերի հետ՝ E-auto-ն իր հաճախորդներին տրամադրում է նաև ավտովարկ ձևակերպելու հատուկ հնարավորություն՝ սկսած ընդամենը 5% կանխավճարից։

Հավելենք, որ E-auto-ն էլեկտրամոբիլների տեխնիկական սպասարկման ծառայություններ է մատուցում ոչ միայն իր հաճախորդներին, այլև Hongqi-ի բոլոր վարորդներին՝ նրանց տրամադրելով իրականացված աշխատանքների երաշխիք:

Հավելյալ տեղեկատվությունը հասանելի է www.hongqi.am կայքում, Facebook-յան էջում և +37410330330, +37491330330 հեռախոսահամարներով։

E-auto ընկերության մամուլի ծառայություն՝ [email protected]