Հայ-իրանական աշխատանքային խումբն այցելել է Արարատի և Վայոց ձորի բժշկական կենտրոններ

ОБЩЕСТВО 16 Февраль, 2016 20:04

Հայ-իրանական համագործակցությունն առողջապահության ոլորտում սերտացնելու նպատակով Հայաստան ժամանած Իրանի առողջապահության նախարարի տեղակալ Ռասոուլ Դինարվանդի գլխավորած պատվիրակությունը, ՀՀ առողջապահության նախարարի տեղակալ Գագիկ Միրիջանյանի ուղեկցությամբ այցելել է Արարատի և Վայոց ձորի բժշկական կենտրոններ:

«Իրանի առողջապահությունը համարվումէ համաշխարհային առողջապահությանհամակարգերից մեկը: Փորձիփոխանակությունը օգակար կլինի մերերկրի առողջապահության ոլորտի համար,թե ամբուլատոր-պոլիկլինիկական, թեհիվանդանոցային, թե այլ օղակներում»,- լրագրողների հետ զրույցում ասել է ՀՀառողջապահության նախարարի տեղակալԳագիկ Միրիջանյանը:

Ինչպես «Արմենպրես»-ին տեղեկացրին ՀՀ առողջապահության նախարարությունից, անվանի մասնագետներ, առողջապահության ոլորտի կազմակերպիչներ, ինչպես նաև մասնավոր հատվածի ներկայացուցիչներ ընդգրկող հայ-իրանական աշխատանքային խմբերի մարզային բժշկական կազմակերպություններ այցի նպատակն է ծանոթանալ մեր երկրի բժշկական ծառայությունների հնարավորություններին և նախանշելու համագործակցության հետագա ուղիները:

«Իրանն ու Հայաստանն ունեցել են վաղեմի բարեկամական հարաբերություններ: Իրանի մասնավոր հատվածըշահագրգռված է այստեղ ակտիվ գործունեություն ծավալելու գաղափարով: Հայկական կողմից առաջարկել են, որՎայոց ձորում կառուցվի կլինիկա: Եվ այս հարցում իրանական կողմի շահագրգռվածությունն ակնհայտ է: Կա նաևլավ հարթակ դեղերի և տեխնոլոգիայի ոլորտում գործակցության համար&ra quo;,- նշել է Իրանի առողջապահության նախարարի տեղակալ Ռասոուլ Դինարվանդին` հավելելով, որ քննարկվում է նաև համատեղ դեղագործական արտադրամասի ստեղծման հնարավորություն:

Հայ-իրանական աշխատանքային խմբերն այցելել են նախ Եղեգնաձորի, ապա նաև Վայքի հիվանդանոցներ, որոնք ունեն արդիականացման ու տեխնիկական վերազինման անհրաժեշտություն:

Վայոց ձորի մարզի հիվանդանոցներում շրջայցի ժամանակ հայ մասնագետներն իրանական կողմին ներկայացրել են մարզի առողջապահական կառույցների վիճակն ու նյութատեխնիկական հնարավորությունները, քննարկել ապագա համագործակցության վերաբերյալ երկկողմ առաջարկները:

Հաշվի առնելով նաև Իրանի Իսլամական Հանրապետության առողջապահական համակարգի վերաբերյալ միջազգային կառույցների բարձր գնահատականները՝ մեր պետությունը կարևոր է համարում հարևան Իրանի հետ համատեղ ծրագրերի իրականացումը:

Թեհրանում երկու ամիս առաջ Հայաստանի ու Իրանի առողջապահության նախարարների ձեռք բերած պայմանավորվածությունները բացում են համագործակցության նոր փուլ: Հարևան պետությունները պատրաստ են առողջապահության ոլորտում զարգացնել գործակցությունն ու ամրապնդել կապերը: Երկու երկրների առողջապահության փոխնախարարների ղեկավարությամբ գործող աշխատանքային խմբերը հանդիպում են առաջին անգամ: