«Հինգ տարի, կարելի է ասել, ամեն օր պայքարել ենք իրար հետ լինելու համար...». Սոֆյա Պողոսյանը` ամուսնուն դժվարությամբ հասնելու մասին

Մի քանի տարի առաջ հայկական հեռուստաեթերում հայտնվեց աննկարագրելի և արտասովոր գեղեցկությամբ մի դերասանուհի, ով միանգամից կարողացավ գերել բազմահազար հեռուստադիտողների սրտերը, դառնալ հեռուստացույց դիտելու պատճառ: Նրան շատերս կհիշենք  «Շանթ» հեռուստաընկերությամբ ցուցադրվող «Անծանոթը» հեռուստասերիալից:

 Այսօր Past.am-ը ներկայացնում է Սոֆյա Պողոսյանի հեռուստատեսությունում հայտնվելու, ամուսնու հետ առաջին հանդիպման ու ապագա պլանների մասին որոշ մանրամասներ:

Գեղեցկուհին իր հարցազրույցներում նշել է, որ իր հեռուստատեսությունում մուտք գործելը եղել է շատ պատահական:

«4-րդ կուսում էի սովորում (ավարտել եմ Երևանի պետական համալսարանի հոգեբանություն բաժինը), երբ հրավեր ստացա «Արմենիա»  հեռուստաընկերության կողմից վարելու «ֆորդ Բոյար» հեռուստանախագծի օրագրերը: Այդպես հայտնվեցի հեռուստաեթերում: Այնուհետև հրավերներ ստացա մի շարք սերիալներում նկարահանավելու, ու այդտեղից էլ սկսվեց ամեն ինչ...»: 

Մասնագիտությամբ լինելով հոգեբան Սոֆյան միշտ այն կարծիքին է, որ հոգեբանությունը այն մասնագիտությունն է, որ ամենուր անհրաժեշտ է.

«Հոգեբան լինելուս կարողություններն ու հմտությունները ես ամենուր եմ կիրառում: Բացարձակ կապ չունի ես որ ոլորտում եմ աշխատում, այն ամենուր ինձ պետք է գալիս, օգնում է շատ հարցերում»: 

Ինչ վերաբերվում է դերասանուհու անձնականին, նշենք, որ Սոֆյան արդեն բավական երկար ժամանակ է ամուսնացած է Նարեկ Գևորգյանի հետ: Ամուսնացել են 2010 թվականի հունիսի 26-ին:

«Առաջին հանդիպումը տեղի է ունեցել ինը տարի առաջ, երկուսս էլ ուսանող էինք. Նարեկը (Սոֆյա Պողոսյանի ամուսինն է) սովորում էր Տնտեսագիտական համալսարանում, ես` ԵՊՀ-ի հոգեբանության ֆակուլտետում, որոնք գտնվում են նույն բակում, և մենք հանդիպել ենք երկար ընդմիջման ժամանակ՝ նույն ճանապարհին: Կարելի է ասել, որ մենք միանգամից նկատեցինք իրար: Երբ արդեն երկուսս էլ փոխանակվեցինք հայացքներով և հավանեցինք իրար, պարզեցինք, որ Նարեկը իմ շատ մտերիմ ընկերուհու մանկության ընկերն է»: 

Պարզվում է, որ դերասանուհին ու իր սիրած էակը բավական դժվարությունների միջով են անցել, իրար հասնելու համար:

«Քանի որ մենք մինչ այդ արդեն մոտ հինգ տարի հանդիպում էինք, ամուսնության առաջարկն էլ հանկարծակի չհնչեց: Մեզ մոտ եղել է «Ռոմեո և Ջուլետ» վիճակ, քանի որ մեր ծնողները՝ առավել ևս իմ ծնողները, կողմ չէին, որ մենք իրար հետ լինենք: Հինգ տարի, կարելի է ասել, ամեն օր պայքարել ենք իրար հետ լինելու համար: Մեզ մոտ կինոյական վիճակներ էին՝ իրար հասնելու համար: Այդ պատճառով մենք ամեն ինչ միասին էին որոշում, գնում որոշակի քայլերի, և ամուսնության առաջարկն էլ հանկարծակի չի եղել, մենք պայքարելով հասել ենք նրան, որ վերջիվերջո ամուսնանանք, և Նարեկը ամեն ինչ արեց դրա համար: Ես էլի տատանվում էի իմ բնավորության համաձայն, իսկ Նարեկը գործում էր»: Հարցազրույցներից մեկի ժամանակ անկեղծացել է դերասանուհին:

Դե ինչ, հավերժ սեր ու երջանկություն ենք ցանկանում գեղեցիկ ու ներդաշնակ զույգին իրենց համատեղ կյանքի ընթացքում:

Պատրաստեց Past.am-ը: