Ինչու է սուրճը «խլում» օրգանիզմիդ ամբողջ երկաթը և ոչ միայն

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Շատերն են նկատել, որ բժիշկները հաճախ խորհուրդ չեն տալիս սուրճ խմել ուտելու հետ միասին կամ երկաթի հավելումներ ընդունելիս։ Պատճառն այն չէ, որ սուրճը «խլում է» երկաթը օրգանիզմից․ իրականում այն պարզապես խոչընդոտում է սննդից երկաթի կլանմանը։

Բժիշկների խոսքով՝ սուրճի բաղադրության մեջ առկա պոլիֆենոլներն ու տանինները աղիքներում կապվում են երկաթի մոլեկուլների հետ և ձևավորում են անլուծելի միացություններ։ Արդյունքում՝ երկաթը չի ներծծվում արյան մեջ։ Այս ազդեցությունը առավել արտահայտված է բուսական ծագման երկաթի (օրինակ՝ հատիկեղեն, սպանախ կամ լոբազգիներ) դեպքում։

Հետազոտությունները ցույց են տալիս, որ ուտելուց անմիջապես հետո խմված սուրճը կարող է մինչև 40–60 տոկոսով նվազեցնել երկաթի յուրացման մակարդակը։

Միևնույն ժամանակ մասնագետները ընդգծում են, որ սուրճը չի «հանում» արդեն ներծծված երկաթը՝ այն պարզապես խանգարում է նոր երկաթի ընդունմանը սննդից։

Բժիշկների խորհուրդն է՝

• սուրճ խմել ուտելուց  առնվազն 1–2 ժամ հետո,

• երկաթով հարուստ սնունդ օգտագործել վիտամին C պարունակող մթերքների հետ (օր.՝ նարնջի հյութ, բուլղարական պղպեղ, կիտրոն),

• իսկ եթե ընդունում եք երկաթի հավելումներ, խուսափել սուրճ խմելուց դրանց ընդունման շուրջ երկու ժամվա ընթացքում։

Այսպիսով, սուրճի չափավոր օգտագործումը վտանգավոր չէ, սակայն այն կարող է ազդել երկաթի կլանման վրա, եթե խմվում է ոչ ճիշտ պահին։

Բացի այս ամենը՝ մարդու ստամոքսում կա աղաթթու, և շատ կարևոր է, որ դրա քանակությունը լինի նորմայի սահմաններում: Աղաթթվի ցածր մակարդակի դեպքում սննդամթերքը լավ չի մարսվի, իսկ բարձր մակարդակի դեպքում այն կսկսի քայքայել ստամոքսի պատերը (խոցային հիվանդություն):

Սոված փորին սուրճ խմելը միայն էլ ավելի է վատացնում իրավիճակը, քանի որ այն նպաստում է աղաթթվի մակարդակի բարձրացմանը, ինչը նշանակում է, որ մի բաժակ սուրճ խմելուց առաջ հարկավոր է գոնե մի փոքր սնվել:

Նյութը հրապարակման պատրաստեց Past.am-ը։

Հետևեք մեզ՝ այստեղ