ՊԱՏՄՈՒԹՅԱՆ ԱՅՍ ՕՐԸ (16 ՀՈԿՏԵՄԲԵՐԻ).Լևոն Տեր-Պետրոսյանն ընտրվել է ՀՀ նախագահ, Նիկոլ Փաշինյանը հրաժարական է տվել. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Պարենի համաշխարհային օր, Անեսթեզիոլոգի համաշխարհային օր, Ղեկավարի համաշխարհային օր, Հայաստան՝ Մամուլի օր, Լեհաստան՝ Հովհաննես Պողոս II-ի օր:

ՀԱՅ-ՀԱՅԱՍՏԱՆ

1794- Մադրասում լույս է տեսել առաջին հայերեն պարբերական ամսագիրը՝ «Ազդարարը»:

1926 – ծնվել է բանաստեղծ Զարեհ Խրախունին:

1936 – ծնվել է ճարտարապետ Էդուարդ Սարգսյանը:

1948 – ծնվել է ճարտարապետ Գագիկ Գյուրջյանը:

1962 – ծնվել է բժիշկ, վնասվածքաբան-օրթոպեդ Աշոտ Ադամյանը:

1991 – Հայաստանում առաջին անգամ անցկացվել են նախագահական համաժողովրդական ընտրություններ։ Արդյունքում, ձայների ճնշող մեծամասնությամբ (83 տոկոս), հանրապետության նախագահ է ընտրվել Լևոն Տեր-Պետրոսյանը:

2003 – վախճանվել է կինոյի և թատրոնի դերասան Սերգեյ Իսրայել յանը:

2005 – կայացած տեղական ինքնակառավարման մարմինների ընտրություններում Վանաձորում, Բերդում և Ստեփանավանում հաղթանակ են տոնել իշխող Հանրապետական կուսակցության պաշտպանած թեկնածուները:

2007 – Պոլսո հայոց պատրիարք Մեսրոպ Մութաֆյանը հանդես է եկել ընդդեմ ԱՄՆ-ի Կոնգրեսի Ներկայացուցիչների պալատի արտաքին գործերի հանձնաժողովում ընդունված՝ Հայոց ցեղասպանությունը ճանաչող բանաձևի:

2008 – Շուշիի Սուրբ Ամենափրկիչ Ղազանչեցոց մայր տաճարում 550 ամուսնական զույգ է նշանվել:

2009 – Երևանում տեղադրվել է Սայաթ-Նովայի կիսանդրին:

2010 – Սյունիքի մարզում Հայաստանի նախագահ Սերժ Սարգսյանի մասնակցությամբ բացվել է աշխարհի ամենաերկար ճոպանուղին՝ «Տաթևի թևերը», որը կապում է Հալիձոր գյուղն ու Տաթևի վանական համալիրը:

2011 – «Արայ» ընկերության սեփականատիրոջ` 31-ամյա Արմեն Պետրոսյանի դին հայտնաբերվել է ավտոմեքենայում՝ քունքի մասում հրազենային վնասվածքով, ձեռքին՝ ատրճանակ:

2018 – Հայաստանի Հանրային հեռուստատեսության ուղիղ եթերից Նիկոլ Փաշինյանը հայտարարել է, որ հրաժարական է տալիս իր պաշտոնից:

2019 – Մոլդովայի խորհրդարանում առաջին անգամ հայտարարվել է Հայոց ցեղասպանության ճանաչման նախաձեռնության մասին:

2021– վախճանվել է գրող, հրապարակախոս, պետական, ազգային, քաղաքական գործիչ Վանո Սիրադեղյանը:

ԱՇԽԱՐՀ

627 – վախճանվել է իռլանդացի վանական, Արևմտյան երկրներում միսիոներ-քարոզիչ սուրբ Գալլ Գիբերացին:

1553 – վախճանվել է գերմանացի նկարիչ Լուկաս Կրանախ Ավագը:

1793 – մահապատժի է ենթարկվել Ֆրանսիայի թագուհի Մարի Անտուանետան:

1813 – Լայպցիգի մոտ սկսվել է խոշոր ճակատամարտ, որը հայտնի է «ժողովուրդների ճակատամարտ» անունով. ճակատամարտին մասնակցել է մոտ կես միլիոն զինվոր Ֆրանսիայից, Ռեյնի միությունից, Լեհաստանից, Ավստրիայից, Պրուսիայից, Ռուսաստանից և Շվեդիայից, իսկ ճակատամարտն ավարտվել է 3 օր անց Նապոլեոնի ջախջախիչ պարտությամբ և նրա՝ գահից առաջին անգամ հրաժարվելով:

1840 – Նոր Զելանդիան հայտարարվել է Մեծ Բրիտանիայի գաղութ:

1846 – Բոստոն քաղաքի (ԱՄՆ) կլինիկաներից մեկում ատամնաբույժ Ուիլ յամ Մորտոնը վիրահատության ժամանակ ցուցադրել է եթերային նարկոզը:

1847 – առաջին անգամ տպագրվել է Շառլոթ Բրոնտեի «Ջեյն Էյր» հայտնի վեպը:

1853 – Թուրքիան պատերազմ է հայտարարել Ռուսաստանին:

1854 – ծնվել է ծագումով իռլանդացի բրիտանական հանրաճանաչ բանաստեղծ, գրող, դրամատուրգ, էսսեիստ, քննադատ Օսկար Ուայլդը:

1854 – ծնվել է չեխ-գերմանացի լրագրող և փիլիսոփա, մարքսիզմի տեսաբան Կարլ Կաուցկին:

1863 – ծնվել է բրիտանացի քաղաքական գործիչ Ջոզեֆ Օսթին Չեմբեռլենը:

1886 – ծնվել է Իսրայելի հիմնադիր և առաջին վարչապետ Դավիդ Բեն-Գուրիոնը:

1923 – Շվեյցարիայում Ջոն Հարվուդը արտոնագրել է ինքնալարվող ժամացույցը:

1923 – Լոս Անջելեսում հիմնադրվել է «Ուոլթ Դիսնեյ» ընկերությունը:

1941– Հայրենական մեծ պատերազմի ժամանակ խորհրդային զորքերը թողել են Օդեսան և նահանջել:

1946 – Նյուրնբերգյան դատավարության վճռով Նյուրնբերգի բանտում մահապատժի են ենթարկվել ֆաշիստական Գերմանիայի պարագլուխներից իննը՝ Ռիբենտրոպը, Կեյտելը, Կալտենբրուները, Յոդլը, Ռոզենբերգը և այլն:

1956 – Խաղաղ օվկիանոսում առաջին անգամ առանց մարդկային կորուստների մարդատար օդանավը ստիպողական վայրէջք է կատարել ջրի վրա:

1962 – ծնվել է ռուս օպերային բարիտոն երգիչ Դմիտրի Խվորոստովսկին:

1978 – Հովհաննես Պողոս 2-րդը (ազգությամբ լեհ Կարոլ Վոյտիլա) ընտրվել է Հռոմի պապ՝ դառնալով ազգությամբ սլավոն առաջին Հռոմի պապը:

1986 – ծնվել է ռումինացի երգչուհի Իննան:

2005 – Սան Լուիսում ավարտվել է Շախմատի աշխարհի առաջնությունը, որի հաղթող է դարձել բուլղար գրոսմայստեր Վեսելին Թոփալովը:

2024 – վախճանվել է անգլո–իռլանդական One Direction խմբի անդամ, բրիտանացի երգիչ, երգերի հեղինակ և կոմպոզիտոր Լիամ Պեյնը:

Մանրամասները՝ «Փաստ» օրաթերթի այսօրվա համարում