Երևանը՝ 2807 տարեկան․ «Եվրասիա-Հայաստան» թիմը մասնակցեց քաղաքի տոնին

ОБЩЕСТВО 12 Октябрь, 2025 15:28

Հոկտեմբերի 12-ին «Եվրասիա-Հայաստան» թիմը՝ ավելի քան հարյուր ակտիվիստների մասնակցությամբ, միացավ Երևանի հիմնադրման 2807-ամյակի տոնակատարություններին։ «Էրեբունի–Երևան» օրը ոչ միայն հիշարժան ամսաթիվ է, այլև սերնդափոխության, պատմական ժառանգության հանդեպ հարգանքի և մայրաքաղաքի նկատմամբ սիրո խորհրդանիշ։

Մասնակիցները հանդիսավոր քայլերթով անցան Էրեբունի փողոցով՝ բարձր պահելով Հայաստանի պետական դրոշը՝ միասնության, ուժի և հայրենիքի հանդեպ նվիրվածության խորհրդանիշը։ Երթի վերջնակետը դարձավ Էրեբունի թանգարանը, որտեղ երիտասարդները հնարավորություն ունեցան ծանոթանալու քաղաքի պատմական արմատներին, ուսումնասիրելու հնագույն բերդի պատմությունը և հասկանալու, թե ինչպես Էրեբունիից ծնվեց ժամանակակից Երևանը՝ արեւի, ստեղծագործության և բարեկամության քաղաքը։

Երևանի հիմնադրումը թվագրվում է մ.թ.ա. 782 թվականին, երբ ուրարտական արքա Արգիշտի Ա-ն հրամայեց կառուցել Էրեբունի բերդը Արին-Բերդ բլրի վրա։ Բերդի տարածքում հայտնաբերված սեպագիր արձանագրությունը համարվում է քաղաքի ծննդյան պաշտոնական վկայությունը։ Այսպիսով, Երևանը 29 տարով հնագույն է Հռոմից և դասվում է աշխարհի ամենահին՝ շարունակաբար բնակեցված քաղաքների շարքին։

Քաղաքի առաջին պաշտոնական տոնակատարությունը տեղի է ունեցել 1968 թվականին, երբ Երևանը նշում էր իր 2750-ամյակը։ Այդ օրվանից սկսած՝ «Էրեբունի–Երևան» տոնը ամեն տարի նշվում է հոկտեմբերին՝ դառնալով երկրի մշակութային կյանքի կարևոր բաղադրիչ։

«Երևանը պարզապես աշխարհագրական կետ չէ։ Դա քաղաք է, որտեղ պատմությունը խոսում է ներկայի հետ, իսկ անցյալը ոգեշնչում է ապագային։ Մենք հպարտ ենք, որ կարող ենք մեր ներդրումն ունենալ նրա ոգու և արժեքների պահպանման գործում», — նշել է «Եվրասիա-Հայաստան» թիմի ներկայացուցիչը։

«Էրեբունի–Երևան» տոնը հնարավորություն է տալիս յուրաքանչյուր երևանցու և հյուրի վերագտնելու մայրաքաղաքի պատմական խորությունը, հարգանք հայտնել մշակութային ժառանգությանը և հիշեցնել, որ հայրենիքի հանդեպ սերը դրսևորվում է ոչ միայն խոսքերում, այլև գործերում՝ ներկայի հանդեպ հոգատարությամբ և ապագայի հանդեպ հավատով։

«Եվրասիա» ԻՀԿ-ն՝ միջազգային համագործակցության զարգացմանն աջակցող ինքնավար ոչ առևտրային կազմակերպություն է, որը մասնավոր միջոցներով իրականացնում է հումանիտար նախագծեր՝ ուղղված ավանդական արժեքների պահպանմանը և միջմշակութային հաղորդակցության զարգացմանը։ «Եվրասիա»-ն աջակցում է սոցիալապես կարևոր նախաձեռնություններին, հնարավորություն է տալիս տարբեր մշակույթների մարդկանց շփվել միմյանց հետ, զարգացնում է կրթության, բժշկության, երիտասարդական փոխանակման ոլորտներում նախագծեր։