ՊԱՏՄՈՒԹՅԱՆ ԱՅՍ ՕՐԸ (19 ՀՈՒԼԻՍԻ). Պապի անսխալության դոգման, լեզվի առաջին հաջողված փոխպատվաստումը, 800 տարվա օկուպացիան. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆՕՐԵՐ

Նիկարագուա՝ Հեղափոխության օր, Մյանմա՝ Ազանինեյ:

ՀԱՅ-ՀԱՅԱՍՏԱՆ

1919-Հայ-թուրքական պետերազմի ընթացքում Ղարաքեշիշյանի շարասյանը հաջողվել է դուրս գալ Բաշ-Նորաշենի շրջափակումից և տեղի հայ բնակչության հետ բարձրանալ Արփաչայի հունով դեպի Երևանի և Դարալագյազի բարձրադիր հատվածներ։

1934– վախճանվել է գրող, մանկավարժ, հասարակական գործիչ Սիպիլը՝ Զաբել Հովհաննեսի Խանջյանը:

2004-սկսվել է Իրան – Հայաստան գազամուղի իրանական 100 կիլոմետրանոց հատվածի կառուցումը:

2005-կայացել են ԼՂՀ չորրորդ գումարման Ազգային ժողովի պատգամավորների ընտրություններ, որտեղ ամենաշատ ձայներ ստացել է Արցախի ժողովրդավարական կուսակցությունը։

2007-կայացել են ԼՂՀ նախագահական չորրորդ ընտրությունները, ԼՂՀ նախագահ է ընտրվել Բակո Սահակյանը։

2007-Ճանապարհային ոստիկանությունն սկսել է «գոլդ» պետհամարանիշները աճուրդով վաճառել:

2010– վախճանվել է գրող, արձակագիր Ռաֆայել Նահապետյանը:

2011– վախճանվել է նշանավոր կոմպոզիտոր Կարեն Խաչատրյանը:

2012- Լեռնային Ղարաբաղում անցկացվել են նախագահական ընտրություններ, գործող նախագահ Բակո Սահակյանը վերընտրվել է:

2014-երեկոյան մի խումբ անձանց կողմից ծրագրված հարձակում է իրականացվել Թբիլիսիի Սուրբ Էջմիածին եկեղեցու հոգևոր դասի և հավատացյալների վրա:

2017- Ազգային ժողովի հատուկ նիստում Լեռնային Ղարաբաղի նախագահ է վերընտրվել Բակո Սահակյանը: Երկու թեկնածուների միջև ձայները բաշխվել են 28-4 հարաբերակցությամբ:

2019- Դատավորներն իրականացրել են ԲԴԽ նախագահի ընտրություն։ Գաղտնի քվեարկությամբ նախագահ է դարձել Ռուբեն Վարդազարյանը։

ԱՇԽԱՐՀ

3228 մ.թ.ա.- ծնվել է հինդուիզմի աստվածներից մեկը համարվող՝ Վիշնու աստծո ութերորդ ավատար Կրիշնա-Ջանմաշտամը:

711– Գվադալետեի մոտ տեղի ունեցած ճակատամարտում արաբները հաղթանակ են տոնել վեստգոթերի նկատմամբ, և դրանով սկսվել է Պիրենեյան թերակղզու գրավումը արաբական խալիֆայության կողմից, խալիֆության օկուպացիան տևել է շուրջ 800 տարի:

810- ծնվել է արաբ քարոզիչ, մուսուլմանական սուրբ գրքերը կազմող իմամ ալ-Բուխարին:

1374- վախճանվել է իտալացի բանաստեղծ Ֆրանչեսկո Պետրարկան:

1551-Կարլսբուրգյան պայմանագրով հաստատվել է Գաբսբուրգների իրավունքը Հունգարիայի և Տրանսիլվանիայի նկատմամբ:

1553 -9 օր կառավարած անգլիայի թագուհի Ջեյն Գրեյը գահընկեց է արվել, թագադրվել է Մարիա Թյուդորը:

1650 –թուրք դեսպան Օսման-աղան Չիգիրինում ռազմական դաշինք է կնքել Բոգդան Խմելնիցկու հետ:

1695-Մեծ Բրիտանիայում հրատարակվող և ժողովրդականություն վայելող «Ինչպես բարելավել տնտեսությունը և առևտուրը» ամսագրում հայտնվել է առաջին ամուսնական հայտարարությունը:

1696 –Ազովի թուրքական կայազորի անձնատուր լինելուց հետո Պետրոս 1-ինը գրավել է այն:

1814 –անգլիացի ծովագնաց Ֆլայնդերզը իր գրքում առաջին անգամ Կանաչ մայրցամաքն անվանել է Ավստրալիա (գրքի հրապարակումից 24 ժամ անց նա վախճանվել է):

1814 –ծնվել է ամերիկացի կոնստրուկտոր և արդյունաբերող, հրաձգային զենքի արտադրությամբ զբաղվող ընկերության ստեղծող Սեմյուել Կոլտը:

1834– ծնվել է ֆրանսիացի հռչակավոր գեղանկարիչ, գրաֆիկ, քանդակագործ Էդգար Դեգան:

1870-Սուրբ Աթոռը դոգմա է հրապարակել Պապի անսխալության վերաբերյալ:

1870-սկսվել է Ֆրանս-պրուսական պատերազմը:

1893– ծնվել է ռուս հայտնի գրող, բանաստեղծ, դրամատուրգ Վլադիմիր Մայակովսկին:

1900 - բացվել է Փարիզի մետրոպոլիտենը:

1908 – Լոնդոնի Սուրբ Պետրոսի տաճարում եպիսկոպոսը, օրհնելով օլիմպիական խաղերը, ասել է. «Կարևորը ոչ թե հաղթանակն է, այլ մասնակցությունը»:

1918 - ուժի մեջ է մտել ՌՍՖՍՀ-ի առաջին սահմանադրությունը:

1926 –Եկատերինսլավը վերանվանվել է Դնեպրոպետրովսկ:

1938 –ծնվել է վրացի հանրահայտ դերասան, երգիչ, սցենարիստ, ռեժիսոր Վախթանգ Կիկաբիձեն:

1943 –Ուինստոն Չերչիլը ներկայացրել է այսբերգները որպես լողացող օդանավակայաններ օգտագործելու պլանը:

1949– Լաոսը անկախացել է Ֆրանսիայից:

1963 –Ինդոնեզիան հայտարարել է, որ Հնդկական օվկիանոսը վերանվանում է Ինդոնեզիական օվկիանոս:

1980 –Մոսկվայում տեղի է ունեցել 22-րդ Օլիմպիական խաղերի բացումը:

1996 – ԱՄՆ-ի Ջորջիա նահանգի Ատլանտա քաղաքում մեկնարկել են 26-րդ Օլիմպիական խաղերը:

2003 –տեղի է ունեցել լեզվի առաջին հաջողված փոխպատվաստումը:

Մանրամասները՝ «Փաստ» օրաթերթի այսօրվա համարում