Անձնական կյանք ունենալը շատ օգտակար է ինձ համար. Վահե Զիրոյան

Life.panorama.am-ի այսօրվա զրուցակիցն է Երեւանի պետական Կամերային թատրոնի դերասան, երգիչ Վահե Զիրոյանը, ում շատերը կհիշեն «Հայաստանի ձայնը» նախագծից:

Վահե, առաջինը ուզում էի իմանալ այս շրջանի Ձեր զբաղվածության մասին: Ի՞նչաշխատանքներում եք ներգարվված:

- Այս շրջանում, որպես այդպիսին, մեծ զբաղվածություն չունեմ, կարծում եմ մոտակա մեկ ամիսը կհանգստանամ, այնուհետեւ կմտածեմ նոր գործերի մասին:

Մինչեւ վերջերս խաղում էիք «Ուրիշի հոգին» հեռուստասերիալում, բայց Ձեր կերպարինսպանեցին. սովորաբար, երբ հերոսները նման ճակատագրեր են ունենում սերիալներում,մարդիկ անմիջապես սկսում են մտածել, թե դա ոչ թե սցենարի արդյունք է, այլ դերասանիխնդիրների՝ կապված կազմակերպիչների հետ: Ձեր պարագայում սերիալից դուրս գալը ինչի՞ հետեւանք էր:

- Հասկանում եմ, բայց իմ պարագան այդ դեպքը չէ: Իրականում իսկզբանե նախատեսված էր, որ ըստ սցենարի զարգացումների իմ կերպարին պետք է սպանեին: Այնպես որ ես ոչ մի խնդիր չունեմ ոչ սերիալի կազմակերպիչների, ոչ դրա հետ կապված այլ մարդկանց հետ:

«Ուրիշի հոգին», եթե չեմ սխալվում առաջին սերիալն էր, որտեղ նկարահանվեցիք,հետաքրքիր է՝ որպես դերասան այդ ժանրում Ձեզ ինչպե՞ս էիք զգում:

- Այո, սերիալային ժանրում սա առաջին աշխատանքս էր: Պետք է նկատեմ, որ ինձ հետաքրքիր էր աշխատելը, ժանրը ինձ համար նորություն էր եւ ուրախ եմ, որ լավ տպավորություններ ունեմ:

Առաջիկայի համար Ձեր մասնկացությամբ թատրոնում ի՞նչ ծրագրեր կաննախատեսված:

- Առայժմ նորություններ չունենք, բայց փոխարենը ընթացիկ ներկայացումների գրեթե 80 տոկոսում զբաղված եմ, իսկ դա նշանակում է, որ իմ մշտական աշխատատեղիում՝ թատրոնում, աշխատանք միշտ կա:

 Վահե, «Հայաստանի ձայնը» նախագծում մարդիկ Ձեզ նաեւ որպես երգիչ ճանաչեցին,չե՞ք մտածում երգարվեստում հաստատվելու մասին:

- Երգարվեստում ինձ հաստատվել պետք չէ. ես երգում եմ, իսկ մնացած փակագծերը դեռ չբացեմ:

Որքանով կարողացա Ձեր մասին տեղեկություններ իմանալ՝ բազմակողմանի զարգացածեք՝ դերասան, երգիչ, ժամանակին խոհարար ու տնտեսագետ, այս ամենը մի մարդու, այնէլ 26 տարեկան երիտասրադի մեջ ներառելը դժվար չէ՞:

- Իհարկե, ոչ: Ես ինձ շատ լավ եմ զգում ու կարեւորը թերացումներ չեմ թողնում լինեն: Ավելին՝ կարծում եմ, որ իմ մասնագիտությունները դեռ կավելանան:

Հետաքրքիր է՝ ի՞նչ մասնագիտության շուրջ եք այս պահին մտածում:

-  Հիմա կցանկանայի սովորել դերձակ դիզայների մասնագիտությունը: Այդ ոլորտը ինձ շատ է հետաքրքրում:

 Ի վերջո, Ձեր մեջ ո՞վ է հաղթում՝ դերասանը, թե երգիչը:

- Իմ մեջ այդ երկուսից ոչ մեկ չի կարող հաղթել, քանի որ եթե խաղում եմ, ուրեմն անմնացորդ եմ խաղում, եթե երգում եմ, ապա նույնպես երգում եմ անմնացորդ:

Որքանով հասկացել եմ՝ նպատակասլաց մարդ եք, այս պահին ո՞ւր են տանում Ձերնպատակները:

- Ձեր թույլտվությամբ նպատակներիս մասին չբարձրաձայնեմ, լա՞վ:

 Վահե, երբ դերասանը կամ երգիչը սիրվում է, մարդիկ նրա մասին ամեն բան են ուզումիմանալ, շատ ժամանակ սիրված արտիստի անձնական կյանքով մարդիկ ավելի շատ ենհետաքրքրվում, քան ստեղծագործական կյանքով: Գուցե անձնական կյանքի վերաբերյալմանրամասներ հայտնե՞ք:

- Անձնական կյանքս շատ խաղաղ է եւ միաժամանակ շատ բուռն: Այս թեմային շատ քիչ եմ անդրադառնում, հիմա էլ կասեմ միայն, որ անձնական կյանք ունենալը շատ օգտակար է ինձ համար: