Ереван, 04.Июль.2025,
00
:
00
1 $ = 0 ֏, 1 = 0 ֏, 1 = 0 ֏
ВАЖНО


«Հումորով էր, ընկերասեր, տանել չէր կարողանում անարդարությունը». կրտսեր սերժանտ Արսեն Խեչոյանն անմահացել է հոկտեմբերի 2-ին Թալիշում. «Փաստ»

ИНТЕРВЬЮ

«Փաստ» օրաթերթը գրում է.

«Շատ յուրահատուկ բնավորությամբ երեխա էր Արսենս։ Փոքր էր, բայց, կարծես, մեծ մարդ լիներ։ Շատ լուրջ էր, ամեն հարցում ծանրակշիռ, բնավորությամբ շատ հանգիստ, համեստ։ Չէր սիրում, երբ ինչ-որ մեկը գլուխ էր գովում։ Իր արտահայտություններում, պահվածքում շատ զուսպ էր։ Հումորով էր, ընկերասեր, տարբեր ոլորտներից ու տարիքային տարբեր խմբերից ընկերներ ուներ։ Թասիբով էր շատ, ընկերների համար կարող էր նաև վեճերի մեջ հայտնվել, բայց նա դա կաներ հանուն ընկերության, հանուն ճշմարտության։ Տանել չէր կարողանում, երբ փոքրերին էին նեղացնում, հաշտ չէր անարդարության հետ։ Եվ պատահական չէ, որ հիմա բոլորն իրեն ջերմությամբ են հիշում։ Աշխատասեր էր, պարապ նստել չէր սիրում, մինչ բանակ գնալն անգամ հասցրեց աշխատել»,-«Փաստի» հետ զրույցում ասում է տիկին Զոյան՝ Արսենի մայրիկը։

Արսենը ծնունդով Երևանից է, մայրաքաղաքում է անցել նրա, ավաղ, կարճ, բայց շատ լեցուն կյանքը։ Հինգ տարեկանից սպորտի է հաճախել։ «Սկզբնական շրջանում՝ Ալբերտ Ազարյանի անվան մարմնամարզության դպրոց, հետո՝ Հրանտ Շահինյանի անվան մարզադպրոց։ Երբ մի քիչ հասունացավ, սպորտաձևը փոխեց։ Սկսեց զբաղվել ըմբշամարտով։ Հաճախում էր Երևանի օլիմպիական հերթափոխի պետական մարզական քոլեջ։ Ընդունվեց Հայաստանի ֆիզիկական կուլտուրայի և սպորտի պետական ինստիտուտ։ Մեկ կիսամյակ սովորելուց հետո զորակոչվեց բանակ։ Իր ուսուցիչները, մարզիչներն իրեն շատ են սիրել, սիրել են իր մարդ տեսակը»։ Մայրիկն ասում է՝ սպորտն աննկարագրելի մեծ դեր էր խաղում Արսենի կյանքում. «Նա իր ապագան կապում էր սպորտի հետ»։ Մայրիկը նաև Արսենի դպրոցական տարիներն է վերհիշում. «Նոր էր դպրոց հաճախում, արդեն տառերը սովորել էր, մի օր մեզ ասաց. «Մա՛մ, պա՛պ, կլինի՞ ես միայն սպորտի գնամ, արդեն տառերը գիտեմ»։ Շատ խելացի էր, բայց ներքուստ արդեն որոշել էր՝ սպորտի հետ է կապելու իր ապագան։ Մենք էլ չէինք համառում սովորելու առումով, քանի որ նա շատ հաստատակամ էր և ընտրել էր իր ճանապարհը»։

2019 թվականի դեկտեմբերի 27-ին Արսենը մեկնում է պարտադիր զինվորական ծառայության։ Առաջին ամիսներին ծառայել է Արմավիրի զորամասում, իսկ հետո տեղափոխվել է Արցախ՝ Մատաղիս, պատերազմի ժամանակ եղել է Թալիշում։ Արսենը եղել է կրտսեր սերժանտ, դիրքի ավագ, ջոկի հրամանատար։ Արսենի հայրիկը զինվորական էր, և մայրիկի խոսքով՝ որդու վերաբերմունքն էլ բանակի ու ծառայության նկատմամբ միանշանակ դրական էր։ «Երբ զրուցում էինք, միշտ ասում էր՝ մա՛մ, անպայման ծառայելու եմ։ Հակառակը երբեք չի քննարկվել մեր տանը։ Իհարկե, որպես ծնող՝ ունեի մտավախություններ, բայց Արսենը մշտապես այսպես էր արձագանքում իմ մտավախություններին. «Մա՛մ, պարտք ունեմ իմ հայրենիքին տալու, ինքս ինձ չեմ հարգի, եթե այդ պարտքը չտամ»։ Ծառայության ընթացքն էլ շատ դրական էր անցնում։ Երբեք իրենից դժգոհություն չեմ լսել, կամ որ ասեր՝ այսինչ բանն ինձ պետք է, դրա կարիքն ունեմ։ Նույնիսկ պատերազմի օրերին իրենից դժգոհություն չլսեցի։ Ասում էր. «Մամա՛, այդտեղ սխալ լուրեր եք լսում, այստեղ պատերազմ չկա, այստեղ հանգիստ ու խաղաղ է, պատերազմը մեզ մոտ չի, ես շատ լավ եմ»։ Դա այն ժամանակ էր, երբ գիտեի, որ հացի մեքենաներն իրենց մոտ չեն հասնում, ջուր չի հասնում իրենց մոտ։ Թալիշում սարսափելի մարտեր են եղել։ Ես արկի ձայները լսում էի, իսկ նա ինձ համոզում էր, որ պատերազմն իրենց մոտ չի»։

Սեպտեմբերի 27-ին սկսվում է պատերազմը։ Արսենի հետ ընտանիքը կարողացել է կապի մեջ լինել, բայց երբեմն ընդհատումներով։ «Այդ պահերին ինձ միայն աղոթքն էր մնում, ուրիշ ոչինչ։ Սարսափով ապրում էի մինչև իր հաջորդ զանգը։ Սարսափելի օրեր էին։ Նույնիսկ չէի կարողանում ընթերցել մեր նահատակված տղաների՝ հրապարակվող անունները, դա ինձ համար ամենածանր պահերից մեկն էր»։

Հոկտեմբերի 2-ին է անմահացել Արսենը։ «Մինչև վերջին պահը խրամատում է եղել։ Իր ջոկին նահանջի հրաման է տվել։ Որոշակի հեռավորության վրա է եղել իր ջոկից, չգիտես ինչու, նահանջի այդ հրամանին ինքը չի ենթարկվել, մնացել է խրամատում։ Որոշակի հեռավորության վրա ևս մեկ հոգի է եղել՝ կոչումով իրենից ավելի բարձր։ Նա վիրավոր է եղել, Արսենս փորձել է նրան դուրս բերել այդտեղից։ Ջոկին նահանջի հրաման տալով՝ ասել է՝ դուք գնացեք, ես կգամ։ Բայց տղաները տեսել են, թե ինչպես է արկն ընկնում Արսենի և մյուս տղայի վրա։ Տղաներից մեկը վերադարձել է, տեսել Արսենին»։

Արսենի «վերադարձը» տուն հեշտ չի եղել, երկար ժամանակ է պահանջվել։ «Թալիշը գտնվում էր նրանց վերահսկողության ներքո։ Միայն «Կարմիր խաչի» հետ կարող էիր մտնել այդ տարածք։ Իհարկե, վստահ էինք, որ մեր որդին այդ հատվածում է։ Քեռիս այդ պատերազմի ժամանակ կամավորական էր, նախկինում հետախույզ է եղել։ Իր ջոկատով մոտենում է համապատասխան մարդկանց, տեղը նշում, անուն-ազգանունով ներկայացնում մեր տղային։ Ճանաչում են Արսենին՝ ձեր տղան հերոս է, խոնարհվում ենք, բայց չենք կարող թույլ տալ, որ դուք հանեք ձեր տղային այդտեղից, դա կարող է միայն «Կարմիր խաչն» անել։ Այդ ընթացքը տևեց մինչև դեկտեմբերի 7-ը։ Սարսափելի է այն ծնողների հոգեվիճակը, որոնք մինչ օրս փնտրում են իրենց որդիներին ու սպասում նրանց։ Մեր փնտրտուքն ու սպասումն էլ ամիսներ տևեց։ Արդեն վստահ լինելով, քանի որ բոլոր տեղեկությունները գուժում էին այդ չարաբաստիկ լուրը, որ իմ որդին չկա, աղոթքներիս մեջ Աստծուց մի բուռ հող էի խնդրում, որ գոնե դա բերեն, և ես իմ մխիթարությունը գտնեմ։ Մենք ծնողներով իրար աչքալուսանք էինք տալիս, որ մեկիս որդին տուն էր «վերադառնում»։ Միայն որդեկորույս ծնողը կարող է հասկանալ, թե դա ինչ «ուրախություն» է, որ թեկուզ որդուդ մասունքը քեզ է հասնում, չես թողնում, որ նրանք կոխրճեն»։

Արսենն ավագ քույր ունի։ Հիմա ընտանիքին ուժ են տալիս Արսենի քրոջ երեխաները։ «Երկու հրաշք ունենք, իրենցով եմ ապրում։ Շատ եմ լսում, որ ասում են՝ ցավը տարիների հետ մեղմանում է, ինչ-որ փոփոխության ենթարկվում։ Միգուցե։ Բայց ոչ զավակի կորուստը։ Դա անգամ թշնամուս չեմ կամենում։ Ամբողջ կյանքի ընթացքում ես ինչ էլ անեմ, ես կիսատ եմ։ Իմ ժպիտն անգամ կիսատ է։ Այդ ցավն իմ ներսում խնկի նման ծխում է»։

Մեր այս պատմություններում տղաների ընտանիքների անդամները հաճախ են խոսում իրենց որդիների ընկերների մասին։ Արսենի մայրիկն էլ ասաց՝ որդիս շատ հավատարիմ ընկերներ ունի, նրանք մինչ օրս այցելում են նրան Եռաբլուրում։ Տղաներն ամեն անգամ իրենց ներկայությամբ, իրենց համատեղ հիշողություններով ապրեցնում են հանուն հայրենիքի ու գաղափարի ընկած իրենց ընկերոջը։

Հ. Գ. - Կրտսեր սերժանտ Արսեն Խեչոյանը հետմահու պարգևատրվել է «Մարտական ծառայություն» և «6-րդ ՊՇ Անձնուրաց պաշտպան» մեդալներով: Հուղարկավորված է Եռաբլուրում։

ԼՈՒՍԻՆԵ ԱՌԱՔԵԼՅԱՆ 

Մանրամասները՝ «Փաստ» օրաթերթի այսօրվա համարում

Зафиксирована устойчивая интенсивность выстрелов в направлении Хознавера: Азербайджан продолжает тактику поддержания напряженности Кому адресованы «европейские» месседжи, и на что готов Пашинян? «Паст»Почему десятки выдающихся музыкантов с мировой известностью посещают Капан? «Паст»Настала очередь «пароканонических» угроз: чего ожидать в ближайшем будущем? «Паст»Большая игра в так называемом «Зангезурском коридоре»: «Паст»Репрессии - повод для сближения: «Новый уровень» отношений ЕС и Армении: «Паст»В Сенате России считают, что гражданам России небезопасно находиться в АзербайджанеВторое чтение законопроекта о национализации ЭСА состоится завтраИз головного офиса «Ташир Групп» изъяты компьютеры и документыВ 2025/26 прогнозируется рекордное производство кофе в миреДепутат парламента Армении: Как можно скорее нужно сменить в Армении власть – иначе цена для народа будет расти IDBank в Homplex Mall: открытие нового филиалаСША могут начать лишать приобретенного гражданства за некоторые виды преступленийСоратник Сержа Саргсяна: Никол Пашинян будет отстранен от должности посредством импичментаClub World Cup: Определились все пары 1/4 финала«Военный обозреватель»: В Азербайджане вербуют наемников для отправки на УкраинуПарламент Армении в первом чтении одобрил ряд поправок к действующим законамСовет защиты Самвела Карапетяна: Сотрудники ЭСА могут быть спокойны - их нарушенные права будут восстановленыВ Армении правоохранители проводят обыски в головном офисе группы компаний «Ташир»В Армении выявлена банда мошенниковВ Ереване продолжается созванное по инициативе Правительства внеочередное заседание парламентаКредитное бремя граждан Армении возрослоЛавров и Макрон о ситуации в Армении, Москва доигралась с Алиевым I «Итоги дня» I 30.06.2025Лувр запускает международный архитектурный конкурс ради масштабной реконструкции и нового зала для «Моны Лизы»Виолончелист Арен Топлагалцян стал победителем сразу нескольких международных конкурсовААЦ отмечает сегодня День памяти Свв. царя Константина и Матери его царицы ЕленыКарен Хачанов победил Новака Джоковича на выставочном турнире в ХерлингемеReuters: Евросоюз хочет немедленного снижения тарифов в ключевых секторах в рамках сделки с СШААрмению уведомили о начале инвестиционного спора из-за действий против Самвела Карапетяна и ЭСАКто являются «бенефициарами» всего этого?Единственная надежда Никола Пашиняна в войне с Церковью — несколько «обижников»: «Паст»«Возможны 2 сценария развития событий: либо банкротство ЭСА и энергетический кризис, либо существенное повышение тарифов»; «Паст»Ucom запускает 5G сеть в Абовяне и ЭчмиадзинеКто и как провалил консенсус по импичменту? «Паст»Трамп подписал указ об отмене санкций против СирииЧат-бот вместо сердца: ИИ теперь пишет ваши тексты расставания Армянская церковь по закону должна играть очень большую роль: Айк АйвазянВ Испании зафиксирована рекордная 46-градусная жараИшхан Сагателян встретится в Брюсселе с представителями законодательной и исполнительной власти ЕвросоюзаЛавров: Если Армения будет отворачиваться от союзников, это не пойдет на пользу армянскому народуВыращенная нервная ткань поможет исследовать склерозЮнибанк стал титульным спонсором футбольного клуба «Урарту»Во Франции больше нельзя курить на пляжах, автобусных остановках, возле школ и библиотекПресс-служба Самвела Карапетяна: Мы расцениваем данное вмешательство как проявление давленияThe Times: Армения — сокровище Европы, о котором всё ещё мало кто знает И.о. директора: Законопроект о реформе ЭСА – неграмотный документ, а национализация содержит риски Семен Багдасаров: Пашинян — это удавка на шее армянского народаДень благодарности для клиентов. IDBankКая Каллас заявила, что прибыла в Армению с четким мессиджемНынешние власти Армении проводят политику демонтажа базовых национальных опор: Игорь Семеновский