Բացահայտվել է 129 հանցագործություն․ օպերատիվ իրավիճակը՝ հանրապետությունում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Բացահայտվել է 129 հանցագործություն, որոնցից 4-ը՝ նախկինում կատարված:

Մասնավորապես՝ 24 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 19 դեպք՝ թմրանյութի հայտնաբերման, 11 դեպք՝ խարդախության, 10 դեպք՝ փաստաթղթի կեղծիքի, 8 դեպք՝ ֆիզիկական ներգործության, 7 դեպք՝ մարմնական վնասվածք պատճառելու, 6-ական դեպք՝ հոգեկան ներգործության ու թմրամիջոց պարունակող բույսեր աճեցնելու, 4 դեպք՝ անձնական ունեցվածքի գողության, 3-ական դեպք՝ զենք-զինամթերքի առգրավման ու սառը զենքի հայտնաբերման, 2-ական դեպք՝ շորթման, համակարգչային հափշտակության և անձի տիրապետությունից դուրս եկած գույքին տիրանալու:

Բացահայտվել են նաև բնակարանային գողության, գույքը ոչնչացնելու կամ վնասելու, պաշտոնեական լիազորությունների չարաշահման, պաշտոնեական կեղծիքի կամ անփութության, թմրանյութի իրացման, քրեական ենթամշակույթ կրող խմբավորում ստեղծելու կամ ղեկավարելու, անվտանգության պահանջներին չհամապատասխանող ծառայություններ մատուցելու, ինքնիրավչության, ուրիշի գույքն ապօրինի օգտագործելու և այլ դեպքեր:

Նախկինում կատարված հանցագործություններից բացահայտվել է՝ անձնական ունեցվածքի գողության 3 դեպք, ավտոմեքենայի գողության 1 դեպք:

Հայտնաբերվել է 8 հետախուզվող, կամավոր ներկայացել՝ 2-ը:
Հայտնաբերվել է 1 անհետ կորած:
Գրանցվել է զենք-զինամթերքի կամավոր հանձնման 6 դեպք։

ՃՏՊ վիճակագրություն
Անցած 1 օրում գրանցված 4 ավտովթարի հետևանքով 1 մարդ զոհվել է, 3-ը՝ ստացել է տարբեր աստիճանի մարմնական վնասվածքներ։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Հետևեք մեզ՝ այստեղ