Փարիզում ի պատիվ Շառլ Ազնավուրի բացվել է Belvédère de la Bohème-ը

КУЛЬТУРА 22 Май, 2025 21:05

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Շառլ Ազնավուրի ծննդյան օրը՝ մայիսի 22-ին, Փարիզում Սակր-Կյորի մոտակայքում բացվել է նոր հանրային տարածք՝ Belvédère de la Bohème-ը, հայտնում է RFI-ն։

Այն նվիրված էր մեծ շանսոնյեին և նրա (Belvédère de la Bohème) երգին, որի հերոսը Մոնմարտրում իր սիրելիի հետ ապրող չունևոր ուսանող-արտիստ է։

Մայրաքաղաքի 18-րդ թաղամասում Սեն-Վենսան և դե լա Բոն փողոցների խաչմերուկի փոքրիկ հրապարակը նոր անուն է ստացել։

Արարողությանը ներկա էին Փարիզի իշխանությունները՝ 18-րդ շրջանի քաղաքապետ Էրիկ Լեժուանդրը, Փարիզի քաղաքապետի հուշարձանների հարցերով տեղակալ Լորենս Պատրիսը, Ֆրանսիայում Հայաստանի դեսպան Արմեն Խաչատրյանը և երգչի որդին՝ Միշա Ազնավուրը։

Արարողությանը ելույթով հանդես են եկել դպրոցականներ, որոնք ամաչկոտ և մեղմորեն կատարել են Ազնավուրի բուռն «Emmenez-moi» երգը, իսկ կարճ արարողությունն ավարտվել է այն երգով, որի համար բոլորը հավաքվել էին Ազնավուրի 101-ամյակի առթիվ։

Երգը կատարել է երգչուհի Marcia-ն։

«Հավերժական երգի վերջին տողերը երգելով (որում Ազնավուրը պատմում է արտիստի երիտասարդության նկատմամբ կարոտի մասին, երբ նա՝ չունևոր, բայց երջանիկ, ապրում էր Մոնմարտրում, սիրում, արարւոմ և, իհարկե, այս դժվար տարիները համարում էր իր կյանքի ամենահիանալի տարիները), երգչուհին հիշեցրել է, որ նույնիսկ այսօր շատ արտիստներ շատ վատ են ապրում։

Եվ երգչուհին իր գլխարկը փոխանցել է հանդիսատեսին՝ կարիքի մեջ գտնվող արտիստների օգտին հանգանակության համար։

Մինչ մետաղադրամները թռչում էին գլխարկի մեջ, հյուրերը լուսանկարվում էին նոր ցուցանակի առջև կամ սելֆիներ անում Ազնավուրի բարեհամբույր որդու հետ, որն, իրավամբ, ժառանգության իրավունքով իր համար վերցրեց նոր փարիզյան անվան մեկ օրինակ՝ «BELVÉDÈRE DE LA BOHÈME Ça voulait dire «On est heureux» մակագրությամբ։

Երգչուհի Marcia-ն գլխարկի մեջ հավաքված մետաղադրամները տարել է իր հետ։

Կարելի է միայն հուսալ, որ նա՝ երաժիշտ և նկարիչ Arthur H դուստրը և երաժիշտ և դերասան Ժակ Իգլենի թոռնուհին, իր երիտասարդության տարիներին նույնքան երջանիկ է, բայց միևնույն է, ոչ այնքան աղքատ, որքան «La bohème» երգի հերոսը։ «Որն այսօր, իհարկե, չէր կարող իրեն թույլ տալ Մոնմարտրում ստուդիայում ապրելու շքեղությունը», - գրում է RFI-ն։

Հետևեք մեզ՝ այստեղ