Աննա Ամրոյանը՝ Եվրոպայի փոխչեմպիոն

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Մոլդովայի մայրաքաղաք Քիշնեւում անցկացվող ծանրամարտի Եվրոպայի առաջնությունում Հայաստանը նվաճեց 4-րդ արծաթե մեդալը: Եվրոպայի Մ20 չեմպիոն Աննա Ամրոյանը առաջին մեդալը նվաճեց մեծահասակների պայքարում՝ դառնալով Եվրոպայի փոխչեմպիոն:

Կանանց 76 կգ քաշայինների պայքարում Աննա Ամրոյանը երկամարտում գրանցեց 231 կգ արդյունք (100+131):

Այս քաշային կարգում Հայաստանի երկրորդ ներկայացուցիչ Միլենա Խաչատրյանը երկամարտի 226 կգ արդյունքով 6-րդն է (95+131):

Աննա Ամրոյանը պոկում վարժությունում երկրորդ փորձից բարձրացրեց 95 կգ, երրորդ մոտեցմամբ՝ 100 կգ: Այս վարժությունում պայքարն ավարտեց 6-րդ տեղով:

Միլենա Խաչատրյանը պոկում վարժությունում միայն առաջին մոտեցումը հաջողեց՝ բարձրացնելով 95 կգ: Երկրորդ եւ երրորդ մոտեցումների համար պատվիրած 100 կգ-ը ձախողեց: Խաչատրյանն այս վարժությունում 12-րդն է:

Հրում վարժությունում Ամրոյանը մեկնարկեց 126 կգ-ով: Երկրորդ մոտեցման համար պատվիրած 131 կգ-ը ձախողեց: Երրորդ մոտեցմամբ հրեց 131 կգ: Այս վարժությունում նվաճեց փոքր բրոնզե մեդալ:

Միլենա Խաչատրյանը  առաջին մոտեցմամբ հրեց 121 կգ: Երկրորդ մոտեցման համար Արտաշես Ներսիսյանը պատվիրեց 128 կգ, որը երիտասարդ ծանրորդը հաջողությամբ բարձրացրեց: Երրորդ մոտեցմամբ էլ հրեց 131 կգ-ը: Այս վարժությունում Միլենա Խաչատրյանը նվաճեց փոքր արծաթե մեդալ:

Այս քաշային կարգում չեմպիոնի տիտղոսը երկամարտի 233 կգ արդյունքով նվաճեց իատալացի Ռամիդա Տոկո Կենգեն (100+133): 

Մոլդովայի մայրաքաղաք Քիշնեւում ընթացող ծանրամարտի Եվրոպայի առաջնությունում Հայաստանի թիմն արդեն նվաճել է երկամարտի 4 մեդալ՝ 3 արծաթ, 1 բրոնզ:

Առաջին մեդալը նվաճել է 2024 թ. Եվրոպայի լավագույն երիտասարդ ծանրորդ ճանաչված Ալեքսանդրա Գրիգորյանը, որը դարձել է արծաթե մեդալակիր (202, 85+117): Բրոնզե մեդալակիր է դարձել Գառնիկ Չոլակյանը (275 կգ, 124+151): Արծաթե մեդալներ են նվաճել նաեւ Գոռ Սահակյանը (338, 153+185) եւ Ռաֆիկ Հարությունյանը (343 կգ, 158+185):

Փաշիկ Ալավերդյանի գլխավորած հավաքականից Մնացական Աբրահամյանը 0 է ստացել:

Հետևեք մեզ՝ այստեղ