Ապրիլի 15-16-ը բացահայտվել է 115 հանցագործություն. ՆԳՆ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ՆԳՆ ոստիկանությունը ներկայացրել է օպերատիվ իրավիճակը հանրապետությունում ապրիլի 15-16-ը:

Բացահայտվել է 115 հանցագործություն, որոնցից 8-ը՝ նախկինում կատարված:

Մասնավորապես՝

• 32 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
• 12 դեպք՝ թմրանյութի հայտնաբերման,
• 11 դեպք՝ մարմնական վնասվածք պատճառելու,
• 7 դեպք՝ խարդախության,
• 6-ական դեպք՝ ֆիզիկական ներգործության, հոգեկան ներգործության և անձնական ունեցվածքի գողության,
• 5 դեպք՝ ինքնավնասման,
• 2-ական դեպք՝ վստահված գույքի հափշտակության, խուլիգանության, ինքնիրավչության և սառը զենքի հայտնաբերման:

Բացահայտվել են նաև մարդու առևանգման, շորթման, համակարգչային հափշտակության, գույքը ոչնչացնելու կամ վնասելու, զենք-զինամթերքի առգրավման, բուժաշխատողի կողմից մասնագիտական պարտավորությունները չկատարելու, թմրանյութի իրացման, հարկերը, տուրքերը կամ այլ վճարներ չվճարելու, աշխատանքի անվտանգության կանոնները խախտելու և այլ դեպքեր:

Հայտնաբերվել է 7 հետախուզվող, կամավոր ներկայացել՝ 2-ը:

Գրանցվել է զենք-զինամթերքի կամավոր հանձնման 4 դեպք։

ՃՏՊ վիճակագրություն

Անցած մեկ օրում գրանցված 10 ավտովթարի հետևանքով`11 մարդ ստացել է տարբեր աստիճանի մարմնական վնասվածքներ։

Հետևեք մեզ՝ այստեղ