Հնդկաստանը նոր ռեկորդ է սահմանել արևային վահանակների ներդրման առումով

2024 թվականի առաջին ինը ամիսներին Հնդկաստանում արևային վահանակների ներդրումը հասել է 17,4 ԳՎտ, գերազանցելով անցյալ տարվա 12-ամսյա ցուցանիշը: Ընդհանուր հզորության երեք քառորդը (13,2 ԳՎտ) ապահովել են խոշոր արևային էլեկտրակայանները, իսկ մնացած քառորդը բաժին է ընկել տնային վահանակներին (3,2 ԳՎտ) և բաշխված գեներացիայի համակարգերին (1 ԳՎտ): Արևային գեներացիայի զարգացման առաջատարներից են եղել Հնդկաստանի հյուսիս-արևմուտքում գտնվող Ռաջաստանը, ինչպես նաև Գուջարաթը և Թամիլ-Նադուն, որոնք գտնվում են երկրի արևմտյան և հարավային ափերի մոտ:

Հնդկաստանի էլեկտրաէներգիայի հիմնական աղբյուրը մնում են ածխային ջերմաէլեկտրակայանները. անցյալ տարի դրանց բաժին էր ընկնում համազգային արտադրության 75 %-ը, մինչդեռ արևային վահանակների բաժինը կազմում էր միայն 6 %: Այնուամենայնիվ, Հնդկաստանն ունի բավականին ամբիցիոզ ծրագրեր վերականգնվող էներգետիկայի զարգացման համար: Հնդկական կարգավորիչները նախատեսում են մինչև 2030 թվականը ՎԻԷ-ի (վերականգնվող էներգիայի աղբյուրների) տեղադրված հզորությունն անցյալ տարվա 176 ԳՎտ-ից հասցնել 500 ԳՎտ-ի:

Նախատեսվում է նաև մասամբ վերստեղծել ատոմային էներգետիկան: Անցյալ տարի Հնդկաստանի կառավարության համապատասխան հանձնաժողովը խորհուրդ տվեց թույլատրել օտարերկրյա ընկերություններին մասնակցել ԱԷԿ-ների (ատոմային էլեկտրակայանների) շինարարությանը ոչ միայն տեխնոլոգիաների մատակարարների, այլև բաժնետերերի կարգավիճակով, որոնք կունենան շահույթի իրավունք:

Էներգետիկ հավասարակշռության կարևոր բաղադրիչը մնալու են ՀԷԿ-ները, այդ թվում նաև հիդրոկուտակիչ էլեկտրակայանները, որոնք թույլ են տալիս վերամշակել էլեկտրաէներգիայի ավելցուկը ջրի վերամղման միջոցով ստորինից վերին պաշարամաս, որտեղից ջուրն արձակվում է բարձր պահանջարկի ժամերին: Այսպես, հնդկական Torrent Power ընկերությունն անցյալ տարի ստորագրել է համաձայնագիր երեք ՀԿԷԿ-ի կառուցման մասին՝ 5,7 ԳՎտ հզորությամբ Մահարաշտրա նահանգում՝ երկրի կենտրոնական հատվածում: Նախագիծը կնպաստի հնդկական էներգետիկայում արտանետումների կրճատմանը, որն առանձնանում է բարձր ածխածնային կոմպոնենտով:

Ըստ Ember-ի տվյալների, Հնդկաստանը գլխավորում է ԲՐԻԿՍ-ի խոշորագույն երկրների շարքում էներգիայի արտադրության ընթացքում արտանետված ջերմոցային գազերի ծավալով՝ հաշված մեկ մեգավատ-ժամի (ՄՎտժ) արտադրված էլեկտրաէներգիայի վրա: Եթե Բրազիլիայում 2023 թվականին 1 ՄՎտժ արտադրանքի համար միջինը 96 կգ CO2 էկվիվալենտ ջերմոցային գազեր էին, իսկ Ռուսաստանում՝ 445 կգ ՄՎտժ-ի համար, ապա Հնդկաստանում՝ 713 կգ ՄՎտժ-ի համար:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]