Սալոմե Զուրաբիշվիլին փորձում է ներսից պայթեցնել Վրաստանը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Վրաստանի նախագահ Սալոմե Զուրաբիշվիլին իր ֆեյսբուքյան էջով կիսվել էր վրացական տուրիստական մի գործակալության հրապարակմամբ, որտեղ ՀՀ ուսվերեն տարածք հանդիսացող Լոռու մարզը ներկայացված էր որպես վրացական տարածք: Բարձրացած աղմուկի պատճառով գործակալությունը հեռացրել է հրապարակումը, սակայն Վրաստանի նախագահ Զուրաբիշվիլին չի հեռացրել այն: Սա Վրաստանի նախագահի երկրորդ հիշատակումն էր վերջերս արած Հայաստանի մասին: Հիշեցնենք, որ Վրաստանում ընտրություններից հետո վերջինս հայտարարել էր, որ Վրաստանում ընտրությունները կեղծվել էին «հայկական կարուսելի» օրինակով:

ՀՀ արտակարգ և լիազոր դեսպան Ձյունիկ Աղաջանյանը «Հրապարակի» հետ զրույցում անդրադառնալով Զուրաբիշվիլու այս «ակնարկին», ասաց, որ վերջինիս հնարել է «հայկական կարուսել» երևույթը, մեր ընտրություններում որքան էլ որոշակի խախտումներ արձանագրվել են և Աղաջանյանը ժամանակին այդ զեկույցներով զբաղվել է ու լավատեղյակ է, սակայն մենք նման երևույթ չունենք: Ավելին, դա անհնարին է մեր ընտրական գործընթացի պարագայում, քանի որ մեկ անձը կարող է միայն իր գրանցման վայրում մեկ փաստաթղթով քվեարկել, և այս պարագայում համակարգն ուղղակի թույլ չի տալիս նույն մարդուն գրանցվել մեկ այլ տեղ:

«Այսինքն, իր երևակայած այդ մեխանիզմը բացարձակապես մեզ մոտ չի կարող աշխատել: Խախտումների այլ ձևեր, բնականաբար, կան, այդ թվում նաև մեկ ուրիշի կողմից կամ մեկ ուրիշի անունով քվեարկություն կարող է լինել, բայց  ժամանակի ընթացքում նոր տեխնոլոգիաների և նաև մեր թե ընտրական հանձնաժողովի, թե վստահված անձերի ավելի հմուտ լինելու և հետևողական լինելու արդյունքում, դրանց արձանագրումները գնալով քչանում են: Եվ այստեղ ես ուղղակի կարող եմ դա դիտարկել, որ նա ուղղակի միտումնավոր փորձում է հայերի հանդեպ որոշակի տրամադրություններ գեներացնել և կարող եմ ենթադրել` որպես ինչ-որ մի չափով վրեժխնդրության դրսևորում՝ վրացահայ համայնքի հանդեպ, քանի որ, գոնե ըստ իմ կարդացած տեղեկությունների, այն տարածքները, որտեղ հայերով է ավելի բնակեցված, այնտեղ ձայների գերակշռող մասը տվել են Վրաստանի իշխանություններին»,-ասաց արտակարգ և լիազոր դեսպանը:

Ոչ մեկի մոտ կասկած չի հարուցում այն հանգամանքը, որ այս տիկինը դրածո է և կարող է դա օգտագործել ներվրացական միասնությունը պառակտելու նպատակով, կարծում է Աղաջանյանը: Նմանատիպ երևույթի առնչվել ենք 1990-ականների վերջին, 2000-ականների սկզբին, երբ նույն արևմտյան տարբեր երկրների կողմից ակտիվ ջանքեր էին գործադրում մսխեթցի թուրքերին վերաբնակեցնելու և ռուսական բազաները դուրս բերելու հարցում:

«Եվ այստեղ վրացիների և հայերի մեջ փորձում էին այդ միջազգային անհաշտությունը խրախուսել, դրանով փորձելով արդարացնել իրենց կողմից ձեռնարկվող քայլերը: Ինձ թվում է, այս տիկինը փորձ է անում վերադառնալ այդ մեթոդոլոգիային, կարծում եմ, այստեղ ինքը և իրեն ցուցումներ տվողներն էապես սխալվում են, քանի որ խնդիրը իրենք շատ սխալ են գնահատում: Պատճառը, որով ժողովուրդը ձայնը չի տվել ընդդիմությանը, իրենք են սխալ գնահատում: Իրենք դա փորձում են ներկայացնել և գնահատել որպես Ռուսաստան- Եվրոպա հակասություն, սակայն այստեղ պարզ, մարդկային տրամաբանությունն էր աշխատում՝ հաշվի առնելով նաև իրենց իսկ փորձը՝ 2008 թվականի, այս մարդիկ ուղղակի բացարձակապես ցանկություն չունեն որևէ պատերազմի մեջ ներգրավվելու և իրենց զավակներին զոհ տալու, ինչ-որ անհասկանալի նպատակների համար»,-նկատում է դիվանագետը:
Եվ իրենց ենթադրած մեխանիզմն ուղղակի չի աշխատել, որովհետև դա ի սկզբանե սխալ հիմքի վրա է կառուցված եղել: Իսկ փորձել նաև միջազգային տարաձայնություններ հրահրել և դա օգտագործելով` այլ խնդիրներ լուծել ու փորձել ինչ-որ տեղ ընդդիմության դիրքերն ամրապնդել, Աղաջանյանը սխալ է համարում:

«Դա շատ մեծ վտանգներով է հղի թե վրացական պետության, թե Հայաստանի և թե Վրաստանում հայ բնակչության առումով: Դա կարող է էապես նաև խթանել Մառնեուլի շրջանում ադրբեջանական փոքրամասնությանը, իսկ նրանք լիապես կախվածության և ազդեցության տակ են գտնվում Ադրբեջանից և սա կարող է իրոք ներսից պայթեցնել Վրաստանը, ինչը մեզ համար բացարձակապես ցանկալի չէ: Իրենք մշտապես եղել են ադրբեջանական իշխանությունների վերահսկողության տակ, մինչ օրս էլ նրանք հստակ ցուցումներով են շարժվում և հաշվի առնելով Ադրբեջանի կողմից այսօր ներկայացվող հավակնություններն` իր հարևանների հանդեպ, ինչ-որ հեռահար նպատակներ ունեն, երևի փորձում են այս ներազգային պառակտումը սերմանել և դրա հողի վրա էլ ինչ-որ անջատողական խնդիրներ լուծել»,- եզրափակեց Ձյունիկ Աղաջանյանը:

Առավել մանրամասն` այստեղ. 

https://t.me/armenia24live