Գեղարքունիքում սուր շնչառական հիվանդությունների դեպքերը նվազում են
ОБЩЕСТВОԳեղարքունիքի մարզում նկատվում է սուր շնչառական հիվանդության դեպքերի նվազում:
Ինչպես «Արմենպրես»-ին տեղեկացրեց Գեղարքունիքի մարզպետարանիաշխատակազմի առողջապահության եւ սոցիալական ապահովությանվարչության պետ Անուշ Պողոսյանը, հունվարի 27-ի դրությամբ Գեղարքունիքի մարզի բուժհաստատություններում ստացիոնար բուժում են ստանում սուր շնչառական խնդիրներ ունեցող 62 հիվանդ, որը 20 դեպքով նվազ է մեկ շաբաթ առաջվա համեմատ: Էականորեն նվազել է նաեւ սուր շնչառական խնդ իրներով առողջության առաջնային պահպանման բուժհաստատություններ դիմած հիվանդների թիվը:
«Հունվարի 25-ի դրությամբ Գեղարքունիքի մարզի առողջության առաջնային պահպանման բուժհաստատություններ դիմել են սուր շնչառական խնդիրներ ունեցող 3373 հիվանդներ, որոնցից 1964-ը երեխաներ են, 61-ը` հղիներ: Դիմածներից 197-ի մոտ ախտորոշվել է թոքաբորբ, որոնց մի մասը բուժվել են տնային, որոշ մասը`հիվանդանոցային պայմաններում: Հիվանդների հիմնական մասը, չհաշված հիվանդանոցային բուժում ստացող 62-ը, ապաքինվել են հիվանդություններից: Հսկողությունից եւ ուշադրությունից դուրս չի մնացել ոչ մի հիվանդ, դեղորայքով ապահովված են ինչպես հիվանդանոցում, այնպես էլ տնա յին պայմաններում բուժվող հիվանդները»,-հավաստեց վարչության պետը:



