Պարագլխի գրպանային ՍԴ-ի կողմից Անկախության հռչակագրի փաստացի չեղարկմանը առաջիկա ամիսներին հաջորդող քայլերը

ПОЛИТИКА 3 Октябрь, 2024 17:51

Դավիթ Սարգսյանը ֆեյսբուքյան իր էջում գրել է․

Պարագլխի գրպանային ՍԴ-ի կողմից Անկախության հռչակագրի փաստացի չեղարկմանը առաջիկա ամիսներին հաջորդելու են հետևյալ քայլերը.

-համատեղ դիմումով լուծարել ԵԱՀԿ Մինսկի խումբը և մեկընդմիշտ փակել Արցախի հարցի լուծման միակ միջազգային ձևաչափը.

-հետ կանչել Ադրբեջանի դեմ բոլոր հայցերը միջազգային դատական ատյաններից.

-ներողություն խնդրել «հայերի վայրագությունների» համար և պատժել դրանց հեղինակներին, այն է` ազատամարտի հրամանատարներին.

-դենացիֆիկացնել հայկական ինքնությունը` սկսած փողոցների ու դպրոցների անվանափոխումներից, վերջացրած կրթական համակարգի ամորձատմամբ.

-իսպառ մոռանալ Բաքվում պահվող հայ պատանդներին անգամ տեսականորեն հետ բերելու մասին.

-Ադրբեջանին հանձնել արտատարածքային միջանցք` դա փաթեթավորելով «մասնավոր պահնորդական կազմակերպությանը տրված ճանապարհ» անվան տակ.

-էապես կրճատել բանակի թվակազմն ու սպառազինությունը, փակել ռազմամարզական կառույցները, դադարեցնել զենքի նոր խմբաքանակների գնումները, որևէ զորավարժություն չանցկացնել.

-Ադրբեջանին հանձնել Արարատի մարզի Տիգրանաշեն գյուղը, դրանով անցնող հայ-իրանական մայրուղին, նաև երեք անկլավ Տավուշում` Վերին Ոսկեպար, Սոֆուլու, Բարխուդարլու, համապատասխանաբար` դրանք մինի-միջանցքներով միացնել Ադրբեջանին.

-«միջազգայնորեն ընկալելի» երկրի (այն է` Թուրքիա) երաշխիքներով սկսել Հայաստանում ադրբեջանցիների բնակեցման գործընթացը:

Սա միայն Ադրբեջանի կողմից պաշտոնապես ներկայացվող պահանջների ցանկն է: Այս նախապայմաններից որևէ մեկին վարչախումբը հրապարակայնորեն չի ընդդիմացել, հետևաբար` միանշանակ իրականացնելու է...