Կյանքի ջուր. 15 հետաքրքիր տեղեկություն վիսկիի մասին

ЛАЙФ 6 Июль, 2015 17:25

Վիսկին ամենահայտնի ոգելից խմիչքներից է, որ պատրաստվում է հացահատիկային մթերքների թորման ճանապարհով: Իր գոյության ընթացքում վիսկին միաձուլվել է տարբեր ժողովուրդների մշակույթին: Վիսկիի ազդեցությունը հատկապես զգացվում է Շոտլանդիայում: Հենց այս երկրում էլ 500 տարի առաջ սկսել են ստեղծել այսօր մեզ հայտնի վիսկին: Այս մասին գրում է Bigpicture.ru-ն` հետաքրքիր տեղեկություններ ներկայացնելով ոգելից խմիչքի աշխարհում իր ուրույն տեղը գրաված ըմպելիքի մասին:

1. Թորման եղանակը, որն ընկած է վիսկիի պատրաստման հիմքում, հնարել են 4000 տարի առաջ:

2. Շոտլանդական վիսկիի մասին առաջին գրավոր հիշատակությունը թվագրվում է 1494 թվականին:

3. Վիսկին պետք է պահվի միայն փայտյա տակառներում: Ապակյա շշերում վիսկին կարելի պահել հարյուրավոր տարիներ, սակայն խմիչքի բույրն ու համը դրանից չի հարստանա:

4. Ածիկի վիսկիի 90 տոկոսը պատրաստվում է Շոտլանդիայում:

5. Վիսկիի օգտագործումը փոքր չափաբաժնով դրական է ազդում նյութափոխանակության վրա: Այս խմիչքը կարող է կանխել սրտի կամ ուղեղի կաթվածը, ինչպես նաև՝ խոչընդոտել քաղցկեղի բջիջների առաջցմանը:

6. Վիսկին դիմանում է ցածր ջերմաստիճանին: Հարավային բևեռը հաղթահարողներն իրենց հետ վիսկի էին վերցնում, և այն հեղուկ վիճակում էր մնում անգամ -30 աստիճանի պայմաններում` ըստ Ցելսիուսի:

7. Ածիկի վիսկիի 5000-ից ավել տեսակ գոյություն ունի:

8. Շահութաբերության առումով վիսկիի արտադրությունը երկրորդ տեղն է զբաղեցնում Շոտլանդիայի արդյունաբերության ոլորտում:

9. Վիսկիի գույնն անմիջականորեն կապված է տակառի նյութից ու որակից:

10. Վիսկին բաց շշում չի կորցնում իր որակային հատկանիշները 5 տարվա ընթացքում:

11. Շոտլանդական վիսկին թորում են կրկնակի, իսկ իռլանդականը` եռակի անգամ:

12. Ամենահայտնի «տարածաշրջանային» վիսկիների քառյակը կազմում են շոտլանդականը (սկոտչ), իռլանդականը (այրիշ), ամերիկյանը (բուրբոն) և կանադականը (հաճախ անվանում են «տարեկանի»):

13. Շոտլանդացիներն ու իռլանդացիները մինչ օրս վիճում են, թե ով է առաջինը սկսել վիսկի արտադրել:

14. «Վիսկի» բառը անգլերենում երկու գրելաձև ունի. Շոտլանդիայում և Կանադայում կիրառում են whisky, իսկ ԱՄՆ-ում և Իռլանդիայում` whiskey բառը:

15. Վիսկին իր անվանումն ստացել է կելտական uisge beatha արտահայտությունից, որը թարգմանվում է որպես «կյանքի ջուր»: