ՊԱՏՄՈՒԹՅԱՆ ԱՅՍ ՕՐԸ (22 ՕԳՈՍՏՈՍԻ). Հրդեհ «Նաիրիտի» պահեստարաններից մեկում. «Փաստ»

«Փաստ» օրաթերթը գրում է.

ՀԱՅ-ՀԱՅԱՍՏԱՆ

1865 – վախճանվել է Ամենայն հայոց կաթողիկոս Մատթեոս Ա Կոստանդնուպոլսեցին։

1892– վախճանվել է նշանավոր գրող և մտավորական Ռափայել Պատկանյանը։

1894– ծնվել է ԽՍՀՄ հայազգի ծովակալ Հովհաննես Իսակովը:

1917 – ծնվել է գրականագետ, թարգմանիչ Մարգարիտ Աթաբեկյանը՝ բանաստեղծ Լևոն Աթաբեկյանի դուստրը և բանաստեղծ Աշոտ Գրաշու կինը։

1919- ղարաբաղցիների ընդհանուր ժողովը ժամանակավոր հրադադար է կնքել Ադրբեջանի հետ։

1938 – ծնվել է արձակագիր, լրագրող Ռաֆայել Ղազանչյանը։

1939 – ծնվել է հոգեբան, ազգագրագետ և փիլիսոփա Ալբերտ Նալչաջյանը։

1940 – ծնվել է քանդակագործ Դավիթ Երևանցին (Բաբայան)։

1993 – Ղարաբաղյան առաջին պատերազմի ժամանակ հայկական զինված խմբավորումները ազատագրել են Ֆիզուլի քաղաքը, հայերը սկզբից երեք կողմից օղակել են քաղաքը և թույլ տվել խաղաղ բնակչությանը լքել այն, ապա նոր մտել քաղաք։

2002– Հայաստանի նախագահի հրամանագրով ստեղծվել են Հայաստանի Հանրապետության մի շարք պետական մրցանակներ:

2002- Հրդեհ է բռնկվել «Նաիրիտի» բետոնե պահեստարաններից մեկում, որտեղ պահվել է մոտ 100 տոննա հեղուկ քիմիական նյութ՝ էթինոլ լաք:

2008- վախճանվել է ակադեմիկոս Սերգեյ Մերգել յանը:

2011- վաղ առավոտյան Աբովյան փողոցի գերակա շահ ճանաչված հատվածում հիմնովին քանդվել է «Միլանո» խանութի եռահարկ շենքը:

2013-Ղարաբաղյան պատերազմի մասնակից ազատամարտիկները հանրահավաք են անցկացրել, որտեղ հնչեցրել են Հայաստանում տիրող ամենաթողության մթնոլորտին, կոռուպցիային և անարդարությանը վերջ տալու կոչեր։

2017-Գյումրիում շահագործման են հանձնվել առաջին սոցիալական բնակարանները։ Ծրագրի հիմնական ֆինանսավորողը եղել է ամերիկահայ բարերար Սարգիս Սեբեջյանի ընտանիքը, իսկ 15 տոկոսի ներդրում կատարել է Գյումրու քաղաքապետարանը:

ԱՇԽԱՐՀ

1456 –Վալախիայի թագաժառանգ է դարձել Վլադ Դրակուլան, որը հայտնի է վամպիրների մասին լեգենդներից։

1584 – վախճանվել է լեհ բանաստեղծ Յան Կոխանովսկին։

1794– հիմնադրվել է Օդեսա քաղաքը։

1796 –Գրաֆֆ-Ռեգենտ բուրական հանրապետությունը իր ոչ երկար գոյությունից հետո օկուպացվել է Մեծ Բրիտանիայի կողմից և միացվել Կապյան գաղութին։

1849 –օղակված Վենեցիայի վրա ավստրիացիները աերոստատների օգնությամբ վառվող ռումբեր են նետել, որը համարվում է աշխարհում առաջին օդային ռմբակոծությունը։

1862– ծնվել է ֆրանսիացի նշանավոր երգահան, երաժշտական քննադատ Կլոդ Դեբյուսին: 1865 –Ուիլ յամ Շեպպերդը արտոնագրել է հեղուկ օճառը։

1909 –Ռեյմսում սկսվել է աշխարհում առաջին ավիաշոուն, որին մասնակցել է 38 աերոպլան, որոնցից միայն 23-ին է հաջողվել երկինք բարձրանալ։

1914 –Ռուսաստանում, կապված պատերազմի հետ, արգելվել է սպիրտային խմիչքների վաճառքը։

1920– ծնվել է ամերիկացի նշանավոր ֆանտաստ գրող Ռեյ Բրեդբերին:

1922 –սպանվել է իռլանդացի զինվորական, քաղաքական գործիչ և հեղափոխական, Իռլանդիայի անկախության մարտիկ Մայքլ Ջոն Կոլլինզը։

1932 –Բի-ԲԻ-Սին սկսել է իր առաջին փորձնական հեռարձակումը։

1942 – ԽՍՀՄ-ի Չել յաբինսկի գործարանում սկսել են արտադրել հանրահայտ Т-34 տանկերը։

1962 - Ֆրանսիայի նախագահ Շառլ դը Գոլի դեմ անհաջող մահափորձ է իրականացվել։

1989- ամերիկյան Voyager-2 տիեզերական սարքը լուսանկարել է Նեպտունի օղակները։

1991– Ռուսաստանն ընդունել է իր պետական դրոշը՝ եռագույնը:

1999 –վախճանվել է ռուս խորհրդային դերասան Ալեքսանդր Դեմյանենկոն (Շուրիկ)։

2006– Անապայից Սանկտ Պետերբուրգ թռչող Պուլկովյան ավիաուղիների Տու-154 ինքնաթիռը վթարի է ենթարկվել Դոնեցկ քաղաքի մոտ, ինչի արդյունքում զոհվել է 160 մարդ։

2023 –վախճանվել է իտալացի երգիչ, կոմպոզիտոր Սալվադորե (Տոտո) Կուտունիոն

Մանրամասները՝ «Փաստ» օրաթերթի այսօրվա համարում