Ընդամենը մեկ Facebook-յան գրառմամբ այս երկու երեխաների մայրը «պայթեցրել» է համացանցը (ֆոտո)

ФОТО 23 Январь, 2016 17:32

Աշխարհում գոյություն չունի երեխաների դաստիարակման իդեալական ուղեցույց: Այնուամենայնիվ, որոշ ծնողներ իրենց իսկական գուրու են համարում երեխաների դաստիարակության հարցում, և աջ ու ձախ խորհուրդներ են տալիս:

Ավստրալացի նկարչուհի, երկու երեխաների մայր և ծնողների շրջանակում հայտնի բլոգեր Կոնստանս Հոլլը, իր մաշկի վրա զգացել է իբր կայացած ծնողների ճնշումը: Բայց բոլոր նորաթուխ մայրիկները մինչև կոկորդը կուշտ են այդ խորհուրդներից:

Չդիմանալով այդ ամենին՝ Կոնստանսը Facebook-ի իր էջում մի գրառում կատարեց և այդպիսով տեղը դրեց աներես խորհրդատուներին:

«Այգում նստած հեռախոսով զբաղվող կին, այլ ոչ թե խաղացող երեխային ուշադրություն դարձնող՝ ես ողջունում եմ քեզ: Դու այդպես ես վարվում, ի հեճուկս հասարակության այն կարծիքի, որ դու պետք է զգոն լինես օրը 24 ժամ…

Ընկերուհիների հետ սրճարան գնացող կին, ում տանը տիրում է կատարյալ թափթփվածություն՝ ես ողջունում եմ քեզ: Լինել լավ մայր, կամ լավ կին, կամ լավ մարդ՝ չի նշանակում, ողջ կյանքն անցկացնել մաքրություն անելով:

Բժշկի մոտ հակադեպրեսանտի դեղատոմսին սպասող կին՝ ես ողջունում եմ քեզ: Դա նշանակում է, որ դու չես հանձնվում: Դեպրեսիան այնպիսի բան է, որ, կամ դու նրան, կամ ինքը քեզ: Իսկ դրա դեմ պայքարելը թուլության նշան չէ:

Ծննդաբերությունից հետո նիհարել չձգտող կին՝ ես ողջունում եմ քեզ: Դու նոր, 24 ժամ շարունակվող և չվարձատրվող աշխատանք ունես: Եվ այդպես շարունակվելու է մոտակա 20 տարիները… Իրականում, դա հիանալի առիթ է թխվածքաբլիթներ ուտելու: Կեր և գրողի ծոցն ուղարկիր բոլորին, ովքեր ինչ-որ բան կփորձեն ասել քեզ»:

Գժվել կարելի է, այս գրառումը մեկ օրվա ընթացքում ստացել է 185 հազար «Like» և 80 հազար «Share»:

Երբ փոքր էինք՝ «Երջանիկ մայրիկ, երջանիկ երեխա» արտահայտությունը մեզ համար էգոիզմ էր թվում: Այժմ ես այդպես չեմ կարծում: Այո, դա էգոիզմ է, բայց առողջ էգոիզմ է… Մռայլ և դժգոհ մայրիկները մեծացնում են նմանատիպ երեխաներ, նրանք դժբախտ են լինում: Իսկ երբ կինը ապրում է իր հաճույքներով, երջանիկ է լինում և ինքն իրենից գոհ, բավարարված, ապա երջանիկ են լինում նաև նրա ամուսինն ու երեխաները: