«Ամենամեծ սուտը իմ մասին՝ ես շատ հարուստ ընտանիքից եմ, դրա համար էլ «առաջ եմ գնում»». Սուրեն Պողոսյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Tert.am Life-ի բլից հարցերին այս անգամ պատասխանել է դերասան, երգիչ Սուրեն Պողոսյանը:

- Ինչպե՞ս են սկսվում Ձեր աշխատանքային և ոչ աշխատանքային առավոտները

-Աշխատանքային օրերը սկսվում են շատ շուտ ու մի կերպ, բայց ոչ աշխատանքայինները շատ ավելի վատ են սկսվում, որովհետև չեմ սիրում օրերը, երբ ոչինչ չունեմ անելու

- Հաջողության հասնելու համար ի՞նչն է առանցքային՝ աշխատասիրությո՞ւն, խե՞լք, թե՞ ծանոթ

- Իհարկե, ի սկզբանե խելք, հետո աշխատասիրություն, դրանց արդյունքում էլ ձեռք են բերվում կարևոր ծանոթները

- Ամենամեծ սուտը, որ լսել եք Ձեր մասին

- Ամենամեծ սուտը, որ լսել եմ իմ մասին այն է, որ ես շատ հարուստ ընտանիքից եմ, դրա համար էլ «առաջ եմ գնում»

- Ի՞նչ փոխեց Ձեր կյանքում հայտնիությունը

- Հայտնիությունը ընդամենը ավելացրեց մասնագիտական առումով պատասխանատվության զգացումը ու ինձ շատ ավելի գնահատված զգալու հնարավորություն տվեց

- Ինչպիսի՞ կանայք են Ձեզ դուր գալիս

- Մաքրասեր, հումորի զգացումով, ազնիվ ու նպատակասլաց ( կայացած)

- Ի՞նչ է Ձեզ պետք երջանիկ լինելու համար

- Ես բավականին երջանիկ եմ ինձ համարում: Փառք Աստծո զբաղվում եմ իմ սիրած գործով, ունեմ ֆանտաստիկ ընտանիք, մնացածը ժամանակի հարց է:

- Ձեր բնավորության ո՞ր գիծը կփոխեիք հնարավորության դեպքում

– Մարդկանց շատ չէի վստահի, ինչպես նաև մի փոքր կավելացնեի համբերատարությունս

- Տաքսու մեջ հնչող վատ երաժշտությունը ստիպված լսո՞ւմ եք, թե՞ խնդրում եք անջատել

- Եթե տրամադրությունս բարձր է լինում` լսում եմ, նույնիսկ սթորիներ եմ անում, իսկ եթե վատ տրամադրությամբ եմ լինում, միանշանակ խնդրում եմ անջատել

- Ի՞նչը կարող է Ձեզ հունից հանել

- Սուտը և ինչ-որ բանի մասին հստակ չիմացող, բայց վստահ սեփական կարծիքը առաջ տանող մարդիկ

-Ի՞նչ հարց կուզեիք հնչեր, բայց չհնչեց

- Կուզեի հարց հնչեր քաղաքականության մասին, և ես պատասխանեի, որ քաղաքական հարցերի չեմ պատասխանում

Հեղինակ Անի Մնացականյան