2015 թվականին Գեղարքունիքի մարզի փրկարարներն արձագանքել են 941 ահազանգի
ОБЩЕСТВОԸստ ՀՀ ՏԿ և ԱԻՆ Գեղարքունիքի մարզային փրկարարական վարչության պետ Էդիկ Գալստյանի ներկայացրած 2015 թվականի գործունեության հաշվետվության, որն ընդունեցին Գեղարքունիքի մարզպետ Ռաֆիկ Գրիգորյանը եւ ՀՀ ՏԿ եւ ԱԻՆ ՓԾ տնօրենի տեղակալ, ՓԾ գեներալ-մայոր Աստվածատուր Պետրոսյանը, Գեղարքունիքի մարզային փրկարարական վարչության ճգնաժամային կառավարման կենտրոնում ստացվել է 941 ահազանգ` 2014 թվականի 691-ի դիմաց, որոնցից 41-ը փոխանցվել է այլ շահագրգիռ մարմինների, իսկ մարզի փրկարարների կողմից արտակարգ դեպքերի հետեւանքների վերացման համար իրականացվել է 871 ելք` 2014 թվականի 707 ելքի դիմաց: «Արմենպրես»-ի տեղեկացմամբ` ելքերի թիվը նախորդ տարվա համեմատությամբ աճել է 164-ով կամ 23,2 տոկոսով: Գրանցված դեպքերից 268-ը տեխնածին են, որը կազմում է ընդհանուր դեպքերի 30,6 տոկոսը, որոնց հետեւանքով զոհվել է 21, վիրավորվել` 87 մարդ: Զոհերի եւ վիրավորների մեծ մասը եղե լ են ճանապարհատրանսպորտային պատահարներից՝ 20 զոհ եւ 84 վիրավոր: Տեխնածին բնույթի արտակարգ դեպքերը 2014 թվականի համեմատ աճել են 21 դեպքով կամ 30 տոկոսով, վիրավորների թիվը աճել է 17-ով կամ 24,3 տոկոսով: Գեղարքունիքի մարզային հրդեհային եւ տեխնիկական անվտանգության տեսչության պետ Կամո Եդոյանն իր զեկույցում նշեց, որ տվյալ ժամանակահատվածում ստացվել է 172 ահազանգ հրդեհների վերաբերյալ: Հրդեհների պատճառած նյութական վնասի չափը կազմել է 46 միլիոն 110 հազար դրամ: 7 հրդեհի դեպքով նշանակվել է մասնագիտական փորձաքննություն:
Գեղարքունիքի մարզպետ Ռաֆիկ Գրիգորյանը ՀՀ ՏԿ եւ ԱԻՆ փրկարար ծառայության մարզային փրկարարական վարչության 2015 թվականի կատարած աշխատանքները գնահատեց բավարար: Մարզպետ Ռաֆիկ Գրիգորյանը, Գավառի, Մարտունու եւ Սեւանի քաղաքապետերը եւ Գեղարքունիքի մարզային փրկարարական վարչության պետը պարգեւներով եւ շնորհակալագրերով խրախուսեցին փրկարարական աշխատանքներում աչքի ընկած մի խումբ փրկարարների:



