25 արգելված վայր, ուր կցանկանայիք լինել, սակայն չեք կարող (լուսանկարներ)

Արկածների բոլոր սիրահարները կոգևորվեն այս հոդվածում ներկայացված վայրերի մասին իմանալով, այնուամենայնիվ պետք է հիասթափեցնենք նրանց, քանի որ աշխարհում կան հետաքրքիր վայրեր, որոնք փակ են այցելուների առջև, սկսած գաղտնի կառավարական սեփականություններից մինչև ճառագայթումից ոչնչացած բնակավայրեր: Այս հոդվածում առանձնացրել ենք հենց այդպիսի 25 վայրերը, ուր դուք շատ կցանկանայիք այցելել, սակայն չեք կարող:

 25  Լասկոյի քարանձավները (Հարավարևելյան Ֆրանսիա)

Այս 20,000 տարվա պատմություն ունեցող քարանձավներում արված նկարաները փչանում էին զբոսաշրջիկների կողմից արտաշնչած CO₂ ից, այդ իսկ պատճառով ֆրանսիական կառավարությունը, որոշեց փակել այն:

 24   Հյուսիսային Սենտինել կղզի (Անդաման կղզիներ)

Այս կղզում 50-400 բնիկներ են ապրում, ովքեր ուղղակի նետահարում են օտարներին, ովքեր կղզի են գալիս ու փորձում լեզու գտնել նրանց հետ: Այժմ այս կղզին հատուկ պաշտպանվում է Հնդկական կառավարության կողմից: Զբոսաշրջիկների համար մուտքն այստեղ արգելված է:

 23 Այս Գրանդ տաճար (Ճապոնիա)

Այս վայրի ստեղծումից ի վեր` Ք.ա. 4-րդ դարից սկսած, այստեղ կարող են ոտք դնել միայն թագավորական ընտանիքի հոգևորականները: Հետաքրքիր մի փաստ կա այս սրբավայի հետ կապված. այն քանդվում ու վերակառուցվում է ամեն 20 տարին մեկ Շինտոյի մահվան ու վերածննդի գաղափարի հետ կապված:

 22  Ակումբ 33 (Դիսնեյլենդ)

Եթե դուք կարող եք նախնական 25,000 դոլար վճարել իսկ հետո արդեն տարեկան 10,000 դոլար անդամագրվելու համար, ապա կարող եք միանալ Ակումբ 33-ին, որը աշխարհի ամենաանմատչելի ու գաղտնի ակումբներից է: Այն գտնվում է ամենաուրախ վայրերից մեկի` Դիսնեյլենդի կենտրոնում:

 21  Մետրո 2 (Մոսկվայի)

Ենթադրաբար Ստալինի կողմից ռուսական գաղտնի ծառայությունների համար կառուցված գետնի տակ գտնվող այս վայրի գոյությունը երբեք պաշտոնապես չի ապացուցվել, չնայած մարդիկ, ովքեր մասնակցել են դրա կառուցմանը հարցազրույցներ են տվել որոշ լրատվամիջոցների:

 20   Ուեդեր լեռը (Վիրջինիա)

Աշխարհի վերջի մասին ֆիլմերում հաճախ տեսնում ենք, թե ինչպես է ԱՄՆ նախագահը տեղափոխվում հատուկ բունկեր: Այս վայրն իրականում Վաշինգթոն քաղաքից 48 մղոն հեռավորության վրա է գտնվում Բլու Ռիջ լեռներում: Վայրի մասին շատ բան հայտնի չէ, բացի այդ վայրի թոշակի անցած նախագծողներից մեկի հարցազրույցից TIME  պարբերականի հետ:

 19   Վատիկանի գաղտնի արխիվները (Իտալիա)

Ասում են, որ Վատիկանի արխիվի պահոցները մինչև 50 մղոն երկարություն ունեն: Չնայած այստեղ հնարավոր չէ մտնել, այնուամենայնիվ 75 տարի և ավել հնություն ունեցող փաստաթղթերը հնարավոր է պատվիրել ու տեսնել:

 18   Ուայթի ջենթլմենների ակումբ (Անգլիա)

Անգլիայի ամենագաղտնի ակումբներից մեկն է, որտեղ կարող են անդամագրվել միայն թագավորական ծառայողներն ու կարևոր պաշտոններ զբաղեցնող մարդիկ:

 17   Սենյակ 39 (Հյուսիսային Կորեա)

Կորեական կառավարական գաղտնի այս վայրը գտնվում է մայրաքաղաք Փհենյանի հենց կենտրոնում:

 16   Թագավորական օդուժի կայան Մենուիդ բլուր (Անգլիա)

Անգլիայում գտնվող այս վայրը համատեղ կառավարվում կամ համակարգվում է անգլիական թագավորական օդուժի ու ԱՄՆ Ազգային անվտանգության գործակալության կողմից: Ասում են, որ այս կայանը աշխարհի հզորագույն լայնածավալ հսկողություն իրականացնող կայանն է:

 15   Կոկա կոլայի բաղադրատոմսի պահոցը (Ջորջիա, ԱՄՆ)

Կոկա Կոլայի գաղտնի բաղադրատոմսի մասին բամբասանքներ  կար տարածված ու 2011թ.ին ընկերությունը գաղտնի համարվող բաղադրատոմսը հանեց Սանթրասթ բանկի պահոցից ու այն տեղափոխեց Կոկա Կոլայի հանրային ցուցադրությանը: Այժմ մարդիկ կարող են հեռվից տեսնել այդ պահոցը: Սակայն շատերը կարծում են, որ Կոկա Կոլա ընկեչությունն ուղղակի օգտագործում է առասպելը այն փողի վերածելու համար:

 14   Տարածք 51 (Նեվադա, ԱՄՆ)

ԱՄՆ Կենտրոնական հետախուզական ծառայության կողմից օգտագործվող տարածք է, որտեղ տարբեր փորձարկումներ ու մարզումներ են իրականացվում: Ավելորդ է նշել, որ այս վայրը գաղտնի է ու մուտքն անթույլատրելի:

 13  Մեժգորյե (Ռուսաստան)

Ռուսական այս քաղաքը փակված է կառավարության կողմից: Ըստ ենթադրությունների այս վայրում գաղտնի միջուկային ծրագրեր ու նախագծեր են իրականացվում:

 12   Սնեյք կղզի (Բրազիլիա)

Կղզու անունը թարգմանաբար նշանակում է օձ և դա պատահական չէ: Բանը նրանում է, որ այս կղզում մոտ 5000 թունավոր վտանգավոր օձերի տեսակներ կան: Մարդկանց անվտանգության նկատառումներով այս կղզի զբոսաշրջիկների մուտքն արգելված է:

 11  Սուրթսի (Իսլանդիա)

Այս հյուսիսատլանտյան կղզին երկրագնդի նորագույն հողատարածքներից մեկն է, որն ի հայտ է եկել 1960-ականներին հրաբխային ժայթքման արդյունքում: Այս վայր կարողացել են այցելել միայն մի քանի գիտնականներ, զբոսաշրջիկների համար այն գաղտնի է պահվում:

 10   Google ընկերության տվյալների կենտրոն (Օրեգոն, ԱՄՆ)

Google ընկերության տվյալների բազայի կենտրոնը ինչպես և Տարածք 51-ը խիստ հսկողությամբ հսկվում է ու գաղտնի, արգելված պահվում հասարակության համար:

 9   Քին Շի Հուանի դամբարանը(Չինաստան)

Չինաստանի առաջին կայսեր դամբարանը, որտեղ գտնվում է նրա կողմից կառուցված Տեռակոտայի բանակը գաղտնի է պահվում Չինական կառավարության կողմից: Մուտքն այստեղ ուղղակի արգելված է:

 8   Անգլիայի Բանկի պահոցները (Լոնդոն)

Այս վայր մուտք գործելու համար անհրաժեշտ է ձեռք բերել 90 սմ երկարություն ունեցող բանալին: Իսկ բանալին, հավատացեք, այնքան էլ հեշտ չէ գտնել. պահոցի աշխատակիցների անունները գաղտնի են պահվում:

 7   Սվալբարդի սերմերի համաշխարհային պահոց (Նորվեգիա)

Եթե հանկարծ աշխարհի կործանման մասին  հոլիվուդյան ֆիլմերից մեկի սցենարն իրականանա, ապա այս վայրը առնվազն Երկրի կանաչ մասը կարող է հետ վերադարձնել:

 6   Բոհեմյան ակումբ (Կալիֆորնիա)

Բոհեմական այս ակումբը ևս մեկ գաղտնի հասարակության ակումբ է, որի անդամագրությունը գաղտնի է պահվում:

 5  Փայնգեփ (Ավստրալիա)

Արբանյակային հետախուզուզության կայանը գտնվում Ավստրալիայի կենտրոնում ու համակարգվում Ավտրալիայի ու ԱՄՆ-ի կառավարությունների համատեղ ջանքերով ու տարբեր լրտեսական նախագծեր իրականացնում:

 4  Տապանաքարի ուխտատեղի եկեղեցի (Եթովպիա)

Ասում են, այստեղ է պահվում 10 պատվիրաններով տապանաքարը: Այս վայրում բացի հոգևորականից, ում չի թույլատրվում լքել այս վայրը, ուրիշ ոչ ոք չի կարող մուտք գործել:

 3  Վումերա արգելված տարածք (Ավստրալիա)

Աշխարհում փորձարկումներ իրականացվող ամենամեծ տարածքն է, որտեղ մուտքն արգելված է ինչպես և հստակ ասում է տարածքի անունը:

 2  Պրիպյատ (Ուկրաինա)

Այս վայրը խիստ ճառագայթում ունեցող վայր է, որտեղ մուտքն արգելված է, իսկ տարածքի սահմաններին կարելի է մոտենալ միայն զինված պահակի ուղեկցությամբ:

 1  Մարիանայի փոսեր (Խաղաղ օվկիանոս)

Այս տարբերակը դուք հաստատ չէիք սպասում, այնպես չէ՞:
Դե ինչ, հաջողություն ձեզ, եթե ուզում եք փորձել լինել այստեղ: Սա օվկիանոսի ամենախորը կետն է և միայն 3 մարդու է հաջողվել հասնել այստեղ: