ՊԱՏՄՈՒԹՅԱՆ ԱՅՍ ՕՐԸ (20 ՓԵՏՐՎԱՐԻ). Արցախում անցկացվել է սահմանադրական հանրաքվե. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Սոցիալական արդարության համաշխարհային օր, ԱՄՆ՝ Նախագահի օր։

ՀԱՅ-ՀԱՅԱՍՏԱՆ

1728 –վախճանվել է զորավար Դավիթ Բեկը։

1895-ծնվել է խորհրդահայ նևրոլոգ, նևրոֆիզիոլոգ, ակադեմիկոս Սեմյոն Սարկիսովը։

1862-սկսվել է Վանի հայ բնակչության զինված դիմակայությունը թուրքական կառավարության բանակին:

1907- վերակառուցվելուց հետո բացվել է Երևանի հայտնի Ջանփոլադովի թատրոնը:

1907- ծնվել է գրականագետ, բանասիրական գիտությունների դոկտոր Հովհաննես Մամիկոնյանը:

1921 - ծնվել է օպերային երգիչ, բարիտոն Միհրան Երկաթը։

1928 - ծնվել է արձակագիր, դրամատուրգ Գևորգ Արշակյանը։

1936 - վախճանվել է մեծանուն ճարտարապետ Ալեքսանդր Թամանյանը։

1980– ծնվել է հայազգի աշխարհահռչակ պրոֆեսիոնալ բռնցքամարտիկ Արթուր Աբրահամը:

1988- տեղի է ունեցել Արցախի հարցով առաջին ցույցը Երևանում։

1988- Լեռնային Ղարաբաղի Ինքնավար Մարզի իշխանությունները պաշտոնապես հայտարարել են Ադրբեջանական ԽՍՀ-ի կազմից դուրս գալու և Հայկական ԽՍՀ-ին միանալու իրենց վճռի մասին և փոխհամաձայնության խնդրագրեր են ուղարկել Երևան և Բաքու. փաստացի սկսվել է Ղարաբաղյան շարժումը:

2004-Երևանի պետական համալսարանի շուրջ հազար ուսանող դասադուլ է սկսել՝ ընդդեմ «Զինապարտության մասին» նոր օրինագծի, որով մագիստրատուրայում և ասպիրանտուրայում սովորողները զրկվում են տարկետման իրավունքից:

2007- վախճանվել է արևմտահայ բանաստեղծ Զահրատը (Զարեհ Յալդըզջյան):

2008-հրապարակվել են նախագահական ընտրությունների արդյունքները, ըստ որոնց, առաջին փուլով հաղթել է Սերժ Սարգսյանը՝ հավաքելով 52,8 % ձայն, իսկ երկրոդ տեղում Լևոն Տեր-Պետրոսյանն է, որը ստացել է 21,5 % ձայն։ Արդյունքում վերջինիս կողմնակիցները հանրահավաք են կազմակերպել Մատենադարանի մոտ, ապա իրականացրել երթ Երևանի կենտրոնով և երեկոյան հավաքվել Ազատության հրապարակում։

2012- «Հայկական կիբեր բանակ» ներկայացած անհայտ անձինք կոտրել են 20-ից ավելի ադրբեջանական կայք` նշելով, որ դա արվում է ի հիշատակ Գուրգեն Մարգարյանի սպանության 8-րդ տարելիցի:

2013-«Ժառանգություն» կուսակցության առաջնորդ, նախագահական ընտրություններում երկրորդ տեղը զբաղեցրած Րաֆֆի Հովհաննիսյանը Երևանի Ազատության հրապարակում հրավիրված հանրահավաքում հայտարարել է, որ իր աջակիցների հետ մնալու են հրապարակում։

2014- վախճանվել է բանաստեղծ Թաթուլ Բոլորչյանը։

2015- Ազատության հրապարակի հանրահավաքին «Ժառանգությունը», «Բարգավաճ Հայաստանը» և «Հայ ազգային կոնգրեսը» հայտնել են, որ «եռյակ այլևս գոյություն չունի»:

2017- Արցախում անցկացվել է սահմանադրական հանրաքվե, որով ԼՂՀ-ն անցել է նախագահական կառավարման։

2020- կառավարության դիմաց բողոքի ցույց են արել բանակում խաղաղ պայմաններում զոհված զինծառայողների մայրերը։

2021-երկու ամսվա դադարից հետո «Հայրենիքի փրկության շարժումը» Ազատության հրապարակում հանրահավաք է արել՝ պահանջելով Նիկոլ Փաշինյանի և իր թիմի հրաժարականը:

2023-Եվրամիությունն անվտանգության ու պաշտպանության ընդհանուր քաղաքականության շրջանակում սկսել է Հայաստանում ԵՄ-ի քաղաքացիական առաքելությունը:

ԱՇԽԱՐՀ

395 - Բեթղեհեմում հիմնադրվել է կանանց առաջին մենաստանը։

1762 -վախճանվել է գերմանացի քարտեզագիր և աստղագետ Թոբիաս Մայերը, որը հետազոտել է լուսնի շարժումը։

1816– Հռոմի «Teatro Argentina» թատրոնում կայացել է Ջոակինո Ռոսսինիի «Սևիլ յան սափրիչ» նշանավոր օպերայի առաջնախաղը:

1844 –ծնվել է ավստրիացի ֆիզիկոս Լյուդվիգ Բոլցմանը՝ ստատիկ ֆիզիկայի և ֆիզիկական կինետիկայի հիմնադիրը։

1872– Նյու Յորքում բացվել է «Մետրոպոլիտեն» թանգարանը, որն ԱՄՆ-ի ամենահարուստ գեղարվեստական հավաքածու ունեցող թանգարանն է:

1920 - վախճանվել է ամերիկացի բնախույզ Ռոբերտ Պիրին։

1922 -Վիլենսկյան Սեյմը ընդունել է Վիլնյուսի և Լիտվայի հարավ-արևել յան հատվածի՝ Լեհաստանի հետ միավորման որոշումը։

1926 - ծնվել է ամերիկացի գրող և դրամատուրգ Ռիչարդ Մեթսոնը։

1940– ցուցադրվել է «Թոմն ու Ջերին» մուլտֆիլմի առաջին սերիան:

1943 -Մեքսիկայում եգիպտացորենի դաշտում սկսել է կազմավորվել Պարիկուտին հրաբուխը։

1962 -երեք անգամ պտտվելով Երկրի շուրջ՝ Ջոն Գլեննը իրականացրել է առաջին ամերիկյան ուղեծրային տիեզերական թռիչքը։

1966 -ծնվել է ամերիկացի սուպեր մոդել, դերասանուհի և հեռուստահաղորդավար Սինդի Կրոուֆորդը։

1988 – ծնվել է ծագումով բարբադոսցի ամերիկյան նշանավոր երգչուհի Ռիհաննան:

1993 -վախճանվել է իտալացի ավտոարտադրող Ֆերուչիլո Լամբորջինին, որը ստեղծել է արագընթաց և թանկարժեք սպորտային դասի ավտոմեքենաներ։

2014 -սկսվել է Եվրամայդանի գնդակահարությունը Կիևում։ Դիպուկահարների կողմից գնդակոծվել են ցուցարարները և իրավապահ մարմինների ներկայացուցիչները, որի արդյունքում զոհվել է 53 մարդ։

Մանրամասները՝ «Փաստ» օրաթերթի այսօրվա համարում