Բժիշկները դուրս են գրել սուր շնչառական վարակներից ապաքինված 150 քաղաքացու
ОБЩЕСТВОԱռավոտյան համայցից հետո հանրապետության հիվանդանոցներից հունվարի 16-ին դուրս է գրվել սուր շնչառական վարակներից ապաքինված 150 քաղաքացի, որից 135-ը` մինչև 18 տարեկան։ Ինչպես տեղեկացրին ՀՀ առողջապահության նախարարության հաս արակայնության հետ կապերի բաժնից, Դուրս գրվածներից 60-ի մոտ ախտորոշված է եղել թոքաբորբ, նրանցից 36-ը` երեխաներ։
Նախարարությունում կարևորում են, որ գնալով նվազում է ինչպես հիվանդանոցային բուժում ստացողների, այնպես էլ` ծանր վիճակում բժշկական օգնության դիմողների թիվը։
H1N1 վարակով 7 հիվանդի մոտ առողջացման դրական տեղաշարժ է արձանագրվել։ Հունվարի 16-ին նրանք վերակենդանացման բաժանմունքներից տեղափոխվել են հիվանդասենյակ։ Միաժամանակ, բժիշկներին հաջողվել է արհեստական շնչառական սարքի միացված ևս մեկ հիվանդի դուրս բերել ծայրահեղ ծանր վիճակից: Հիվանդի վիճակը բարելավվում է։



