Անակնկալները շարունակվելու են. «Սյուրպրիզ» 3-րդ եթերաշրջանի մանրամասներն ու BAKSTAGE լուսանկարները

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Նոյեմբերի 8-ից Արմենիա հեռուստաընկերության եթեր է վերադառնում «Սյուրպրիզ» սիթքոմն իր 3-րդ եթերաշրջանով, որում սպասվում են նոր զարգացումներ և նոր անակնկալներ: Օրեր առաջ մեկնարկել են սիթքոմի նկարահանումները, որին նաև ներկա էր Tert.am Life-ը. ներկայացնում ենք մանրամասներն ու BAKSTAGE լուսանկարները:

Գրիգոր Դանիելյանը նշում է, որ այս եթերաշրջանում ևս լինելու են «սյուրպրիզներ», որոնք հեռուստադիտողը կտեսնի եթերում:

«Ես ուրախ եմ, որ մեկնարկել ենք նկարահանումներն ու նախորդ եթերաշրջաններից հետո հեռուստադիտողը սպասում է մեզ, մեր անձնակազմին ու մենք այս եթերաշրջանում ևս ցույց ենք տալու նոր զարգացումներ, նոր անակնկալներ և տեսնելու եք նաև հերոսների խառնվածքի պատմություններ: Ուզում եմ այս պարագայում ևս շեշտել, որ մենք ներկայացնում ենք իրավիճակ, որը գուցե դասական, նորմալ իրականությունից դուրս է, բայց սիքոմի առանձնահատտկությունը հենց դա է, որ պետք է ներկայացնենք խնդիր և խնդրի լուծումները հենց հումորային ոճում: Այս եթերաշրջանում տեսնելու են, թե ինչ խնդիրների է բախվել Լուիզա Ներսիսյանի մարմնավորած հերոսուհին, ինչպես է բանտից վերադարձել Արման Խաչտրյանի հերոսն ու այսպես շարունակ»,- ասաց Գրիգոր Դանիելյանը:

Այս եթերաշրջանի ընթացքում Լուիզա Ներսիսյանն ունի բավականաչափ դրվագներ, որոնք խաղում է սայլակի վրա: Մեզ հետ զրույցում դերասանուհին խոսեց հերոսուհու դերի զարգացումների, սայլակի վրա նկարահանվելու և այլ մանրամասների մասին:
«Հեռուստադիտողը տեսնում է, թե ինչպես է հերոսուհին ուշագնաց լինում, երբ իմանում է, որ սիրելին կալանավորվել է և այդտեղից էլ սկսվում են նրա առողջական խնդիրներն ու նա լուծում է գտնում, թե ինչպես ամիսներ շարունակ որևէ առնչություն չունենալ նախկին ամուսնու հետ: Իրականում սա ևս փորձ է, որի շնորհիվ ներկայացնելու ենք որոշակի դրվագներ: Հետաքրքիր է, որ պատմությունը զարգանում է, մարդիկ սպասնում են, որ տեսնեն՝ ինչ է լինելու այս ամենի ավարտին և արդյո՞ք հերոսուհու նախկին ամուսինը կիմանա ճշմարտության մասին»,- նշեց Լուիզա Ներսիսյանը: 

Դերասան Արման Խաչատրյանը մեզ հետ զրույցում նշեց, որ այս եթերաշրջանում կերպարը նոր գույներ է ստանում, քանի որ ամիսներ շարունակ եղել է կալանավորված, իսկ այժմ այդ ամենը հետք է թողել նրա վրա:
«Արել ենք թեթևակի արտաքին փոփոխություններ սանրվածքիս հետ կապված, որոնք կտրուկ չեն, բայց նաև կան որոշ կտրուկ ներքին փոփոխություններ, որոնք արտահայտվում են հերոսիս խոսելաձևի և կյանքի մոտեցումների հարցում: Ես գիտեմ, որ հեռուստադիտողը սպասում է իմ և Մարիամ Ալեքսանյանի հերոսների սիրո պատմությանը և հույս ունենք, որ հուսախաբ չենք անելու մեր հավատարիմ հեռուստադիտողներին»,- մանրամասներ Արամ Խաչատրյանը:

Վերջին տարիների ընթացքում Մարիամ Ալեքսանյանը նկարահանվում է նմանօրինակ նախագծերում և մեզ հետ զրույցում նշեց, որ ընտրողաբար է մոտենում նախագծերին:
«Ես սիրում եմ աշխատանքային դադարներ, չեմ սիրում, որ հեռուստադիտողը հոգնի ինձնից և միշտ կարևորում եմ, որ սպասված լինեմ: Այս թիմի հետ աշխատանքը միշտ հաճույք է, սիրում եմ այս թիմն, աշխատելաոճը, սիրում եմ այս նախագծի նաև հումորային հատվածը: Այս եթերաշրջանում հերոսուհուս պատմությունը շարունակվում է, նա գործունեություն է ծավալում սրճարանում նաև շարունակվելու է իրենց սիրո պատմությունը»,- նշեց Մարիամ Ալեքսանյանը:

Այս եթերաշրջանում հեռուստադիտողը նաև տեսնելու է Վաչե Երիցյանին և Լեռնիկ Հարությունյանին, որոնք մարմնավորում են եղբայրներին: Հենց նկարահանման այդ օրն էլ մեծամասամբ տեսարանները նկարահանվում էին «Փլավքամիչ» «սրճարանում»:
«Ունենք բարդ, բայց ծիծաղելի տեսարաններ, որոնք կզարմացնենք հեռուստադիտողին: Այս եթերաշրջանում ես շարունակում եմ սիրահարված լինել Մարիամ Ալեքսանյանի մարմնավորած հերոսուհուն և դրա շուրջ էլ շատ ծիծաղելի զարգացումներ են սպասվում»,- ասաց Վաչե Երիցյանը:
Դերասան Լեռնիկ Հարությունյանն այս նախագծում մարմնավորում է Վաչե Երիցյանի ավագ եղբորը, որը «բալանսավորում է» սիթքոմն իր լրջությամբ:
«Հետաքրքիր է, որ կերպարն ի սկբանե միտված էր բալանսավորելու կրտսեր եղբոր խենթ արարքները, բայց այժմ իմ կերպարում ևս կան նման գույներ»,- հավելեց Լեռնիկ Հարությունյանը: 

Լուսանկարները` Էլեն Միքայելյանի