ՊԱՏՄՈՒԹՅԱՆ ԱՅՍ ՕՐԸ (22 ՀՈՒՆԻՍԻ). Բաց­վել է Շու­շիի թե­մա­կան հո­գև­որ դպրո­ցը. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Ղազախստան, Ռուսաստան, Բելառուս և Ուկրաինա՝ Հիշողության և հիշատակի օր, Հաիթի՝ Նախագահի օր, Կոնգո՝ Բանակի օր, Սալվադոր՝ Ուսուցչի օր, Խորվաթիա՝ Հակաֆաշիստական պայքարի օր:

ՀԱՅ-ՀԱՅԱՍՏԱՆ

1838– բացվել է Շուշիի թեմական հոգևոր դպրոցը:

1862-ցարական հրամանագրով Ռուսաստանում փակվել են բոլոր կիրակնօրյա դպրոցները, այդ թվում՝ հայկական դպրոցները:

1908-վախճանվել է արևմտահայ բանաստեղծ Միսաք Մեծարենցը:

1928-վախճանվել է գրականագետ Ալբերտ Արիստակեսյանը:

1931– ծնվել է քանդակագործ Արտաշես Հովսեփյանը:

1934-ծնվել է գրականագետ, հրապարակախոս Գառնիկ Անանյանը:

1939-ծնվել է վոլեյբոլի հայտնի խորհրդային մարզիչ Վլադիսլավ Աղասյանցը:

2002-Հայաստանի և Թուրքիայի դիվանագետները Երևանում գաղտնի բանակցություններ են վարել, հանդիպել են արտաքին գործերի նախարարության Մերձավոր և Միջին Արևելքի վարչության պետ Կարեն Միրզոյանը և Թուրքիայի արտգործնախարարությունում նրա պաշտոնակից Էրթան Թեզգյորը: Վերջինս Երևան գալուց առաջ բանակցություններ է վարել նաև Բաքվում:

2006-Մոսկվայի իր բնակարանում ինքնասպանություն է գործել Հայաստանի ՊԱԿ-ի նախկին ղեկավար Գեորգի Բադամյանցի որդին՝ Ռուսաստանի անվտանգության դաշնային ծառայության գնդապետ Յուրի Բադամյանցը:

2009-Կոտայքի մարզի առաջին ատյանի դատարանը 8 տարվա ազատազրկման է դատապարտել Ազգային ժողովի պատգամավոր Սասուն Միքայել յանին:

2012-Գյումրի քաղաքի հարյուրավոր տաքսու վարորդներ հավաքվել էին «Մայր Հայաստան» հուշահամալիրի մոտ՝ պահանջելով վերանայել տաքսի ծառայություն իրականացնելու համար լիցենզիայի պահանջը, որը նախատեսում է դեղին պետհամարանիշ և սակաչափ ունենալու պարտադիր պահանջ:

2013- Լեռնային Ղարաբաղում գործարկվել է երրորդ սերնդի շարժական ինտերնետային ցանցը։

2016- Արաբկիր և Քանաքեռ-Զեյթուն համայնքների դատարանը երկու ամսով կալանավորել է Ժիրայր Սեֆիլ յանին:

2017- 64 կողմ և 31 դեմ ձայների հարաբերակցությամբ խորհրդարանն ընդունել է կառավարության գործունեության ծրագիրն առաջիկա 5 տարվա համար: Դեմ են քվեարկել ընդդիմադիր «Ելք» և «Ծառուկյան» դաշինքները:

2021-ԿԸՀ-ն հաստատել է ԱԺ արտահերթ ընտրությունների քվեարկության նախնական արդյունքները. «Հայաստան» դաշինք – 21,04 %, «Քաղաքացիական պայմանագիր» կուսակցություն 53,92 %, «Պատիվ ունեմ» դաշինք – 5,23 %:

ԱՇԽԱՐՀ

217 մ.թ.ա.-Ռաֆինի ճակատամարտում Պտղոմեոս 4-րդի բանակը ջախջախել է Անտիոք 3-րդի բանակին:

168 մ.թ.ա.- հռոմեական զորքերը ջախջախել են մակեդոնական զորքերին:

431– Բյուզանդիայի Թեոդոսիոս Բ Փոքր կայսրի հրամանով Եփեսոս քաղաքում գումարվել է Եփեսոսի երրորդ տիեզերական ժողովը:

1527-վախճանվել է իտալացի քաղաքական գործիչ և մտածող Նիկոլո Մաքիավելին:

1671-Թուրքիան պատերազմ է հայտարարել Ռեչ-Պոսպոլիտային:

1675-Անգլիայի թագավոր Կարլ 2-րդը հիմնադրել է Գրինվիչի աստղադիտարանը:

1815-Վաթերլոոյում կրած պարտությունից հետո Նապոլեոն Բոնապարտը վերջին անգամ հրաժարվել է գահից:

1889-Եվրոպայում առաջին անգամ Գերմանիան սահմանել է ծերության թոշակ:

1907-ծնվել է ռուս խորհրդային գրող Անդրեյ Նեկրասովը:

1915-Առաջին համաշխարհային պատերազմի ժամանակ Ավստրիայի և Գերմանիայի դաշնակից զորքերը գրավել են Լվովը:

1940-Երկրորդ համաշխարհային պատերազմի ժամանակ Ֆրանսիան ստորագրել է կապիտուլ յացիայի ակտ Գերմանիայի հանդեպ:

1941– Երկրորդ համաշխարհային պատերազմի ժամանակ նացիստական Գերմանիան հարձակվել է ԽՍՀՄ-ի վրա. սկսվել է Հայրենական մեծ պատերազմը:

1944- Երկրորդ համաշխարհային պատերազմի ժամանակ սկսվել է խորհրդային զորքերի «Բելառուսական օպերացիան»:

1949– ծնվել է ամերիկացի դերասանուհի, ամենաշատ «Օսկարի» և «Ոսկե Գլոբուսի» ներկայացված դերասանուհի Մերիլ Սթրիփը:

1960-պաշտոնապես խզվել են ԽՍՍՀ-ի և Չինաստանի կապերը, որի պատճառը եղել է Խրուշչովի կողմից Մաո Ցզեդունին ստալինիստ անվանելը:

1978-հայտնաբերվել է Պլուտոնի արբանյակ Հարոնը:

1986-ֆուտբոլի աշխարհի առաջնության եզրափակիչ Արգենտինա-Անգլիա խաղում Դիեգո Մարադոնան հաղթանակ է բերել Արգենտինային՝ շնորհիվ իր ձեռքով խփած գոլի, որը նա ինքը համարել է «աստծո ձեռքի» և «հարյուրամյակի» գոլ:

2002- արևմտյան Իրանում տեղի ունեցած 6,5 մագնիտուդ ուժգնությամբ երկրաշարժից զոհվել է ավելի քան 260 մարդ:

2022 - Աֆղանստանում տեղի ունեցած 6,2 մագնիտուդ ուժգնությամբ երկրաշարժի զոհ է դարձել մոտ 1000 մարդ:

Մանրամասները՝ «Փաստ» օրաթերթի այսօրվա համարում