ՊԱՏՄՈՒԹՅԱՆ ԱՅՍ ՕՐԸ (17 ՀՈՒՆԻՍԻ). Հիմնադրվել է Երևանի բուսաբանական այգին. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Անապատացման և երաշտի դեմ պայքարի համաշխարհային օր, Հայաստան՝ Ավիացիայի օր, Ինդոնեզիա՝ Երեխաների օր, Իսլանդիա՝ Անկախության օր, Ղրղզստան՝ Ջրային տնտեսության աշխատողների օր, Ռումինիա՝ Ազգային ավիացիայի օր։

ՀԱՅ-ՀԱՅԱՍՏԱՆ

1879 – ծնվել է սփյուռքահայ պատմաբան, բանասեր Արշակ Ալպոյաճյանը։

1929 – ծնվել է շախմատի աշխարհի կրկնակի չեմպիոն Տիգրան Պետրոսյանը։

1935 - հիմնադրվել է Երևանի բուսաբանական այգին։

1969 – վախճանվել է գրող Գուրգեն Մահարին։

1971 – ավտովթարից վախճանվել է մեծանուն բանաստեղծ Պարույր Սևակը։

1992 - Հայաստանը դիվանագիտական հարաբերություններ է հաստատել Վրաստանի հետ։

2002 - Երևանում բացվել է գրողների առաջին համահայկական խորհրդաժողովը, որի ընթացքում ստեղծվել է նաև համահայկական բարեգործական հիմնադրամը:

2006 - Երևանի երկաթուղային կայարանում տեղի է ունեցել Երևան-Բաթում–Երևան ուղերթի բացման հանդիսավոր արարողությունը:

2015 - Շիրակի մարզի 5 համայնքում կարկուտը վնասել է բերքի 50-60 տոկոսը։

2019 - ֆուտբոլի Հայաստանի հավաքականի ավագ Հենրիխ Մխիթարյանը Վենետիկի Սուրբ Ղազար կղզում ամուսնացել է «Գրանտ Հոլդինգի» սեփականատերերից մեկի՝ Միքայել Վարդանյանի դստեր՝ Բեթի Վարդանյանի հետ։

ԱՇԽԱՐՀ

362 - սպանվել են քրիստոնյա տառապյալներ Մանուելը, Սավելը և Իսմայիլը։

1239 - ծնվել է Անգլիայի թագավոր Էդուարդ 1-ին Երկարաոտը։

1579 – անգլիացի ծովագնաց և ծովահեն Ֆրենսիս Դրեյքը ափ է իջել Հյուսիսային Ամերիկայում՝ ներկայիս Սան Ֆրանցիսկոյի տարածքում, և այն հայտարարել անգլիական տարածք։

1659 - ծնվել է իտալացի նկարիչ Ֆաուստինո Բոկկին։

1691 - ծնվել է իտալացի նկարիչ Ջովանի Պաոլո Պանինին։

1714 - ծնվել է ֆրանսիացի աստղագետ և գեոդեզիստ Ցեզար Ֆրանսուա Կասսինին։

1765 - հիմնադրվել է Սանկտ Պետերբուրգի ազգային էրմիտաժը։

1789 - Ֆրանսիայում ներքին շերտերից և արիստոկրատիայից հավաքած Գլխավոր նահանգների երրորդ գումարման պատգամավորները իրենց հայտարարել են Ազգային ժողով։ Այն ցրելու հետևանքով տեղի է ունեցել Ֆրանսիական մեծ հեղափոխությունը և Բաստիլի գրավումը։

1882 –ծնվել է ռուս կոմպոզիտոր Իգոր Ստրավինսկին։

1866– Ավստրիան պատերազմ է հայտարարել Պրուսիային, սկսվել է Ավստրո-Պրուսական պատերազմը, որը տևել է մոտ մեկ ամիս։

1885– ֆրանսիական «Իզեր» նավով Ազատության արձանը հասել է Նյու Յորք։

1898 - ԱՄՆ-ի Սենատը համաձայնություն է տվել Հավայան կղզիների անեքսիային։

1925 - Ժնևում ստորագրվել է պատերազմում թունավոր, խեղդող և այլ նման տիպի նյութերի օգտագործումը արգելող արձանագրություն։

1939 - Ֆրանսիայում վերջին անգամ տեղի է ունեցել հրապարակային մահապատիժ գիլ յոտինի միջոցով. մահապատժի է ենթարկվել սերիական մարդասպան Էժեն Վայդմանը։

1940 – գերմանական ռազմաօդային ուժերի միավորումը՝ Լյուֆտվաֆֆեն, խորտակել է բրիտանական «Լանկաստրիա» նավը, որի հետևանքով զոհվել է ավելի քան 4000 մարդ։

1950 - Չիկագոյում վիրաբույժ Ռիչարդ Լոուլերը 45 րոպեի ընթացքում իրականացրել է աշխարհում առաջին երիկամի փոխպատվաստման վիրահատությունը։

1967 - Չինաստանում առաջին անգամ փորձարկել են ջրածնային ռումբ։

1976 – ծնվել է ռուս շախմատիստ, գրոսմայստեր Պյոտր Սվիդլերը։

1985 - հայտնվել է «Discovery» կաբելային հեռուստաալիքը։

1991- Հարավային Աֆրիկայում պաշտոնապես չեղարկվել է նորածիններին ըստ ռասայական պատկանելիության գրանցելու մասին օրենքը, որը փաստացի նշանակել է այդ երկրում ապպարտեիդի ռեժիմի չեղարկում։

2019- համացանցի օգտատերերի թիվը գերազանցել է Երկրի ամբողջ բնակչության 51 տոկոսը։

2022– վախճանվել է ֆրանսիացի հանրահայտ դերասան, սցենարիստ և ռեժիսոր Ժան–Լուի Տրեինտինյանը:

Մանրամասները՝ «Փաստ» օրաթերթի այսօրվա համարում