ՊԱՏՄՈՒԹՅԱՆ ԱՅՍ ՕՐԸ (1 ՀՈՒՆԻՍԻ). Երեխաների պաշտպանության միջազգային օր. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Երեխաների պաշտպանության միջազգային օր, Կաթի միջազգային օր, Բագամյան կղզիներ՝ Աշխատանքի օր, Կամբոջա՝ Ծառատնկման օր, Քենիա՝ Ազատության օր, Չինաստան՝ Երեխայի օր, Մոնղոլիա՝ Երեխայի և մոր օր, Ռուսաստան՝ Հյուսիսային նավատորմի օր, Սամոա՝ Ազատության օր, Թունիս` Սահմանադրության օր:

ՀԱՅ-ՀԱՅԱՍՏԱՆ

1789-ծնվել է ազգային-ազատագրական և մշակութային գործիչ Խաչատուր Լալայանը:

1851-ծնվել է բանաստեղծ Պետրոս Դուրյանը:

1908-ծնվել է պատմաբան Արշավիր Հակոբյանը:

1920-ԱՄՆ-ի Սենատը մերժել է նախագահ Վիլսոնի առաջարկությունը Հայաստանի նկատմամբ ամերիկյան պրոտեկտորատ սահմանելու մասին:

1921- Լեռնահայաստանը կամ նախկին «Ինքնավար Սյունիքը» վերանվանվել է Հայաստանի Հանրապետություն, որի վարչապետն է դարձել Վրացյանը, սպարապետը՝ Նժդեհը։

1937-ծնվել է երգչուհի Լուսինե Զաքարյանը:

1942-վախճանվել է բեմանկարիչ Գրիգոր Շարբաբչյանը:

2001- կանադական խորհրդարանին ներկայացված Հայոց ցեղասպանության ճանաչման բանաձևը մեկ ձայն չբավարարելու պատճառով տապալվել է:

2005- «Լյուֆթհանզա» գերմանական ավիաընկերությունը իրականացրել է ՄյունխենԵրևան առաջին չվերթը:

2006- Հայաստանի Ազգային ժողովի նոր նախագահ է ընտրվել Տիգրան Թորոսյանը, որը մինչ այդ խորհրդարանի փոխխոսնակն էր:

2007-Միչիգանի նահանգային բանտից դուրս է եկել «Դոկտոր մահ» մականունը ստացած Ջեք Գևորգյանը:

2010-Ստամբուլի իր տանը մահացած է հայտնաբերվել Հրանտ Դինքի ընտանիքի փաստաբաններից մեկը` ազգությամբ թուրք 40-ամյա Հաքան Քարադաղը: Նրա դին գտել են կախված վիճակում:

2011-Քանաքեռ-Զեյթուն վարչական շրջանի տարածքում պաշտոնապես բացվել է «Պեպսի Կոլա Բոթլեր Հայաստան» գործարանը:

2017- Ազգային ժողովի՝ ամբողջ տարին հատուկ պահպանվող դարպասները մեկ օր բացվել են փոքրիկների առջև։

2018 -Էրեբունիում տեղի ունեցած անկարգությունների գործով մեղադրանք է առաջադրվել Մասիսի քաղաքապետ Դավիթ Համբարձումյանին, փոխքաղաքապետ Կարեն Օհանյանին և ձերբակալված ևս երեք անձի: -կառավարության նիստում 8 նոր մարզպետ է նշանակվել։

2019-Լոս Անջելեսում 8 հայ է ձերբակալվել բանկային մեքենայության մեղադրանքով:

2021- ի պատասխան Նիկոլ Փաշինյանի՝ ՀՀ առաջին նախագահի հետ բանավիճելու առաջարկին, Լևոն Տեր-Պետրոսյանը հայտարարել է, որ ինքը ազգակործան պատուհասի հետ խոսելիք չունի:

ԱՇԽԱՐՀ

մ.թ.ա. 17- սեկուլ յար (անդրերկրային աստվածների զոհաբերության տոնակատարություն) խաղերի ժամանակ Հռոմի պրինցեպտ Ավգուստը հայտարարել է նոր դարի սկիզբը:

193-իր պալատում սպանվել է Հռոմի կայսր Մարկ Դիդի Յուլիանը:

1495-Շոտլանդիայի բանկային հաշվետվություններում առաջին անգամ հիշատակվել է շոտլանդական վիսկին:

1533-թագադրվել է Անգլիայի թագուհի Աննա Բոլեյնը:

1792-Կենտուկկին դարձել է ԱՄՆ-ի 15-րդ նահանգը:

1796-Թեննեսին դարձել է ԱՄՆ-ի 16-րդ նահանգը:

1804-ծնվել է ռուսական դասական երաժշտության հիմնադիր, կոմպոզիտոր Միխայիլ Գլինկան:

1831-անգլիացի հետազոտող Ջոն Ռոսսը հայտնագործել է հյուսիսային մագնիսական բևեռը:

1862-ԱՄՆ-ի ամբողջ տարածքում արգելվել է ստրկատիրությունը:

1869-ամերիկացի գյուտարար Թոմաս Էդիսոնը արտոնագիր է ստացել առաջին քվեարկության էլեկտրական ռեգիստրատորի համար:

1878-Ռուս- թուրքական պատերազմի ավարտից հետո սկսվել է Բեռլինյան վեհաժողովը, որին՝ որպես պարտված կողմ, մասնակցել է Թուրքիայի պատվիրակությունը, իսկ Կիպրոսը, հետևելով Անգլիայի խորհրդին, աջակցել է նրան:

1879-վախճանվել է Բոնապարտների վերջին ներկայացուցիչ Նապոլեոն 4-րդ Էժեն Լուի Ժան Ժոզեֆ Բոնապարտը:

1880- Կենտուկկի նահանգի Նյու Հեյվեն քաղաքի բանկում տեղադրվել է առաջին վճարովի հեռախոսը:

1926-ծնվել է ամերիկյան արտիստուհի, երգչուհի և մոդել Մերլին Մոնրոն (իսկական անունը՝ Նորմա Ջին Բեյկեր)։

1935-Անգլիայում մտցվել է քննություն վարորդական իրավունք և ավտոմեքենայի համարներ ստանալու համար:

1960-Մոսկվայի Շերեմետևո օդանավակայանից իրականացվել է առաջին միջազգային թռիչքը:

1966-Կանադայում առաջին անգամ տեղի է ունեցել գունավոր հեռուստատեսային հաղորդման հեռարձակում:

1979-ծնվել է նոր աֆրիկյան անկախ երկիր՝ Զիմբաբվեն, որը նախկին Հարավային Ռոդեզիան է:

1990-Թբիլիսիի ճոպանուղու վթարի հետևանքով զոհվել է 19 մարդ:

2005-Հոլանդիայի բնակիչները հանրաքվեում մերժել են Եվրոսահմանադրության նախագիծը:

2010-վախճանվել է ռուս բանաստեղծ և արձակագիր Անդրեյ Վոզնեսենսկին:

2019- 12 մարդ է զոհվել Վիրջինիա Բիչ քաղաքի կառավարական շենքի առջև զանգվածային հրաձգության հետևանքով։

2020-ԱՄՆ-ի ավելի քան 40 քաղաքներում աֆրոամերիկացի Ջորջ Ֆլոյդի մահից հետո սկսված ցույցերի պատճառով պարետային ժամ է սահմանվել:

Մանրամասները՝ «Փաստ» օրաթերթի այսօրվա համարում