ՊԱՏՄՈՒԹՅԱՆ ԱՅՍ ՕՐԸ (16 ՓԵՏՐՎԱՐԻ). Եվրախորհրդարանն ընդունել է դատապարտող բանաձև. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Հյուսիսային Կորեա՝ Շողշողացող աստղի օր (Կիմ Չեն Իրի ծննդյան օր), Լիտվա՝ Պետականության վերականգնման օր:

ՀԱՅ-ՀԱՅԱՍՏԱՆ

1861-Ռուսաստանի կայսր Ալեքսանդր 2-րդի մանիֆեստով կայսրությունում վերացվել է ճորտատիրությունը: Նկատի ունենալով, որ Երևանի, Բաքվի և Ելիզավետպոլի նահանգներում ճորտատիրություն չի եղել, ստեղծվել է հանձնաժողով, որը պետք է այդ նահանգների համար մշակեր մեկ ընդհանուր կանոնադրություն:

1919 – Նյու Յորքում ցուցադրվել է Հայոց ցեղասպանության մասին առաջին ֆիլմը` «Հոգիների աճուրդը»։

1919 –ծնվել է Երուսաղեմի հայոց պատրիարք Թորգոմ արքեպիսկոպոս Մանուկյանը:

1921- խմբապետներ Մարտիրոսի, Սմբատի, Կարո Սասունիի խմբերը շրջապատել են Երևանը, իսկ Հայաստանում մնացած Դաշնակցության առաջնորդներն ստանձնել են խորհրդային իշխանության դեմ ապստամբության ընդհանուր ղեկավարությունը:

1953 – ծնվել է թուրք պատմագիր, սոցիոլոգ Թաներ Աքչամը, որը առաջին թուրք գիտնականներից մեկն է, որ ճանաչել և բացահայտորեն քննարկել է Հայոց ցեղասպանությունը։

1959 –ծնվել է Արցախի քաղաքական և պետական գործիչ, ԼՂՀ Գերագույն խորհրդի առաջին նախագահ, ազգագրագետ Արթուր Մկրտչյանը:

1965– ծնվել է հայտնի հեռացատկորդ, Եվրոպայի, ԽՍՀՄ ու հանրապետության բազմակի չեմպիոն, Եվրոպայի ռեկորդակիր Ռոբերտ Էմմիյանը։

1966 –ծնվել է ջութակահար Նարինե Դելլալ յանը:

1976- ԱՍԱԼԱ-ի գրոհայինների կողմից Բեյրութ քաղաքում սպանվել է թուրքական դեսպանատան առաջին քարտուղար Օկտար Սիրիտը:

2001- Փարիզի Աստվածամոր տաճարում համերգ է տվել Հայաստանի պետական ակադեմիական երգչախումբը

: 2006 – Եվրախորհրդարանն ընդունել է բանաձև, որով դատապարտել է Ջուղայի խաչքարերի, ինչպես նաև Ադրբեջանի տարածքում այլ պատմական հուշարձանների ոչնչացումը և պահանջել է թույլատրել Եվրախորհրդարանի պատվիրակների այցերը այդ տարածքներ։

2017- Խաչատուր Քոքոբել յանի գլխավորած «Ազատ դեմոկրատները» միավորվել են Բագրատյանի «Ազատություն» կուսակցության հետ և իրենց վարչապետի թեկնածու հայտարարել Բագրատյանին:

2018- Ազգային ժողովի նախագահ Արա Բաբլոյանը պատգամավոր Հրայր Թովմասյանի (ՀՀԿ) թեկնածությունն է առաջադրել Սահմանադրական դատարանի անդամի պաշտոնում:

ԱՇԽԱՐՀ

1222 -ծնվել է ճապոնացի բուդդայական քարոզիչ, նիտիրեն-սյու ուսմունքի հիմնադիր Նիտիրենը:

1568 -իսպանական ինկվիզիցիան մահվան դատավճիռ է կայացրել Նիդերլանդների ամբողջ բնակչության նկատմամբ:

1698 -ծնվել է տելեմետրիայի հիմնադիրներից մեկը՝ ֆրանսիացի գիտնական Պիեռ Բուգերը: 1704 -Վարշավյան կոնֆեդերացիան գահընկեց է արել Ավգուստ Ուժեղին և հայտարարել է Անթագավորություն, որն էլ Լեհաստանում քաղաքացիական պատերազմի պատճառ է դարձել:

1722 -Ռուսաստանում Պետրոս 1-ինը հրապարակել է հրամանագիր, ըստ որի, թագի ժառանգորդին նշանակում է նախկին թագավորը, այլ ոչ թե թագը ժառանգվում է ըստ ավագության:

1804 -ծնվել է ֆրանսիացի գրող, քննադատ և լրագրող Ժյուլ-Գաբրիել Ժենենը:

1837 -Մեն կղզու մոտ խորտակվել է անգլիական «Jane and Margaret» առագաստանավը, որի արդյունքում զոհվել է 200 մարդ:

1868 –ծնվել է ավստրիացի ազգագրագետ ու լեզվաբան Վիլհելմ Շմիդտը:

1822 -ծնվել է ինտելեկտի որոշման առաջին թեստերի հեղինակը՝ անգլիացի հետազոտող Ֆրենսիս Գալտոնը:

1893-ծնվել է ԽՍՀՄ մարշալ, զորահրամանատար, քաղաքացիական պատերազմի հերոս Միխայիլ Տուխաչևսկին:

1918– Լիտվան հռչակել է իր անկախությունը Գերմանիայից ու Ռուսաստանից։

1919 -Խորհրդային Ռուսաստանի Նարկոմատի կոլեգիան որոշում է ընդունել կազմակերպել սրբերի գերեզմանների բացում:

1921- վրացական Շուլավեր գյուղում կազմավորվել է Վրաստանի հեղկոմը, որն էլ օգնության խնդրանքով դիմել է Խորհրդային Ռուսաստանին, սկսվել է Վրաստանի խորհրդայնացումը:

1923 -Հովարդ Քարտերը բացել է Թութանհամոն փարավոնի դամբարանը:

1934 – Ավստրիայում ավարտվել է 4 օր տևած քաղաքացիական պատերազմը։

1936 - տեղի է ունեցել 4-րդ Ձմեռային օլիմպիական խաղերի փակման հանդիսավոր արարողությունը (Գառմիշ Պարտենկիրխեն, Գերմանիա):

1957 -ԽՍՀՄ-ում սահմանվել է «Խեղդվողներին փրկելու համար» շքանշանը:

1968 – ԱՄՆ-ի Ալաբամա նահանգի Հեյլևիլ քաղաքում սկսել է գործել «911» փրկարար ծառայության առաջին ստորաբաժանումը։

1976 -ԽՍՀՄ-ում Կամսկու ավտոգործարանի հոսքագծից դուրս է եկել ԿԱՄԱԶ մակնիշի առաջին բեռնատարը:

1978 -ստեղծվել է հայտարարությունների առաջին համակարգչային տախտակը՝ BBS-ը:

1986 - Խորհրդային Միությունը գործարկել է «Միր» ուղեծիրական կայանը։

1999 – Ուզբեկստանի մայրաքաղաք Տաշքենդում տեղի են ունեցել ահաբեկչական պայթյուններ, որոնց հետևանքով զոհվել է 16 մարդ, վնասվածքներ է ստացել մոտ 100-ը։

2005 – սկսել է գործել Կիոտոյի արձանագրությունը։ 2016 -վախճանվել է եգիպտացի դիվանագետ Բուտրոս-Բուտրոս-Ղալին:

Մանրամասները՝ «Փաստ» օրաթերթի այսօրվա համարում