ՊԱՏՄՈՒԹՅԱՆ ԱՅՍ ՕՐԸ (29 ՆՈՅԵՄԲԵՐԻ). Աշխարհում առաջին փրկարարական գործողությունը ուղղաթիռի օգնությամբ. «Փաստ»

«Փաստ» օրաթերթը գրում է

 

ՏՈՆԵՐ ԵՎ ՀԻՇԱՐԺԱՆ ՕՐԵՐ

Պաղեստինի ժողովրդի հետ համերաշխության համաշխարհային օր, Ալբանիա՝ Ազատագրության օր:

ՀԱՅ-ՀԱՅԱՍՏԱՆ

1909– ծնվել է նշանավոր ճարտարապետ, պրոֆեսոր Վարազդատ Հարությունյանը:

1911 –ծնվել է բանաստեղծ, ճարտարապետ, ճարտարապետության դոկտոր– պրոֆեսոր Ռուբեն Աղաբաբյանը:

1917 - ծնվել է հայ խորհրդային շինարար Կոնստանդին Մարությանը:

1919 - ծնվել է հրետանու գեներալ-լեյտենանտ Համբարձում Համբարձումյանը։

1920- Հայաստանի ռազմահեղափոխական կոմիտեն (ՌՀԿ), անցնելով հայ-ադրբեջանական սահմանը, իր ղեկավարությամբ գործող գնդով մտել է Քարվանսարա (Իջևան) և Հայաստանը հռչակել խորհրդային հանրապետություն։

1921 - ծնվել է արձակագիր, թարգմանիչ Ռաֆայել Արամյանը։

1924 - ծնվել է հայ խորհրդային դերասանուհի Մարուսյա Մարտիրոսյանը:

1925- հիմնադրվել է Երևանի Արաբկիր վարչական շրջանը:

1929– ռուս դրամատուրգ Սմիռնովի «Պայթյուն» պիեսի բեմադրությամբ իր գործունեությունն է սկսել Երևանի պատանի հանդիսատեսի թատրոնը:

1943-ստեղծվել է Հայաստանի գիտությունների ակադեմին, որի առաջին նախագահ է դարձել Իոսիֆ Օրբելին:

1945-առաջին անգամ ներկայացվել է Չուխաջյանի «Արշակ Երկրորդ» օպերան:

1947 - ծնվել է օրթոպեդ, ուռուցքաբան Սերգեյ Սեինյանը:

1950 – տեղի է ունեցել Երևանի «Մայր Հայաստան» հուշահամալիրի բացումը։

1951 - վախճանվել է նշանավոր գրող, դրամատուրգ, մանկավարժ, հասարակական գործիչ Լևոն Շանթը:

1956- Հայաստանի հեռուստատեսությամբ հեռարձակվել է առաջին հաղորդումը:

1967– Երևանում տեղի է ունեցել Ծիծեռնակաբերդի՝ Մեծ եղեռնի զոհերի հուշահամալիրի բացումը։

2013-չնայած Հայաստանի իշխանությունների պատրաստակամությանը, Եվրոպան հրաժարվել է Հայաստանի հետ միայն քաղաքական բարեփոխումներ ենթադրող Ասոցացման համաձայնագիր ստորագրել:

2014- Եղվարդի մանկապարտեզի ավելի քան 50 երեխաների շրջանում արձանագրվել է աղիքային ինֆեկցիա՝ շիգելիոզ:

2020- Ազատության հրապարակից մեկնարկել է մտավորականների միաբանության երթը, որի նպատակն է եղել աջակցել ռազմագերի զինվորներին և զինծառայողների հարազատներին ու իրենց ձայնը հասցնել միջազգային բոլոր հեղինակավոր կառույցներին:

ԱՇԽԱՐՀ

1314 -վախճանվել է Ֆրանսիայի թագավոր Ֆիլիպ 4-րդ Գեղեցիկը:

1797– ծնվել է իտալացի երգահան Գաետանո Դոնիցետին։

1802 -ծնվել է գերմանացի գրող, նովելիստ Վիլհելմ Հաուֆը:

1830 -սկսվել է լեհական ազգային-ազատագրական ապստամբությունը:

1832 -ծնվել է ամերիկացի գրող, ֆեմինիստուհի Մեյ Օլկոտտը, որը պատմության մեջ առաջին կինն է, որը գրանցվել է որպես թեկնածու՝ քաղաքական ընտրություններին մասնակցելու համար:

1870- սկսվել է Նիկոլայ Պրժևալսկու առաջին ճանապարհորդությունը Կենտրոնական Ասիա:

1899 -հիմնադրվել է «Բարսելոնա» ֆուտբոլային ակումբը:

1932– ծնվել է Ֆրանսիայի նախկին նախագահ Ժակ Շիրակը։

1938 -Ջոն Ջոնսը, Aeronca 50 Chief թեթև ինքնաթիռով 30 ժամ 47 րոպեի ընթացքում կտրելով 4484 կիլոմետր հեռավորություն, Լոս Անջելեսից թռել և հասել է Նյու Յորք:

1945-սահմանադիր ժողովը հայտարարել է Հարավսլավիայի Ֆեդերատիվ Ժողովրդական Հանրապետության ստեղծման մասին: -տեղի է ունեցել աշխարհում առաջին փրկարարական գործողությունը ուղղաթիռի օգնությամբ:

1947– ՄԱԿ-ի գլխավոր ասամբլեան որոշել է Պաղեստին պետությունը բաժանել արաբական և հրեական մասերի։

1988- ԽՍՀՄ-ում դադարեցրել են խլացնել «Ազատություն» և «Ազատ Եվրոպա» ռադիոալիքները:

2001– վախճանվել է անգլիացի ռոք-երաժիշտ, կիթառահար, երգիչ, The Beatles խմբի անդամ Ջորջ Հարրիսոնը։

2002 -Մոսկվայում Ռիմսկի-Կորսակովի «Ձյունանուշիկ» օպերայի պրեմիերայով բացվել է Մեծ թատրոնի նոր բեմը:

2009 -Շվեյցարիայում տեղի է ունեցել հանրաքվե, որի արդյունքը եղել է երկրում մինարեթների կառուցման արգելքը:

2021 -վախճանվել է խորհրդային և ռուսական կինոռեժիսոր, սցենարիստ, դերասան, պրոդյուսոր Վլադիմիր Նաումովը:

Մանրամասները՝ «Փաստ» օրաթերթի այսօրվա համարում