Սանմաքրման ձեռնարկություններն աշխատում են արտակարգ ռեժիմով. քաղաքապետարան
ОБЩЕСТВОԱնդադար տեղացող աննախադեպ ձյան պայմաններում մայրաքաղաքում ամբողջ գիշեր ընթացել և վաղ առավոտից շարունակվում են ձնամաքրման աշխատանքները. տեղեկացնում է Երևանի քաղաքապետարանի տեղեկատվության և հասարակայնության հետ կապերի վարչությունը:
Արտակարգ ռեժիմով աշխատող սանմաքրման ձեռնարկությունները շարունակում են համապատասխան հատուկ տեխնիկայի միջոցով մաքրել մայրաքաղաքի գլխավոր և երկրորդական փողոցները: Փողոցների մաքրման աշխատանքներին զուգահեռ, շարունակվում են նաև մայթերի, կանգառասրահների, բակերի և միջբակային տարածքների ու աստիճանահարթակների ձնամաքրման, նաև աղի և ավազի խառնուրդով մշակման աշխատանքները: Աշխատանքները վերահսկվում և կանոնակարգվում են Երևանի քաղաքապետարանի կոմունալ տնտեսության վարչության և հատուկ օպերատիվ շտաբի կողմից: Ամբողջ գործընթացը վարչական շրջանների ղեկավարների շուրջօրյա վերահսկողության տակ է:



