Life.panorama.am-ը գրում է.
Եւս մի քանի օր եւ կմեկնարկի նոր՝ 2016 թվականը: Նախատոնական անցուդարձը արդեն վաղուց սկսվել է, իսկ Life.panorama.am-ը շարունակում է հետաքրքրվել է, թե շոու բիզնեսի ներկայացուցիչները ինչպե՞ս են նախապատրաստվում տոներին:
Հայկոյի եւ Անահիտ Սիմոնյանի ընտանիքը Նոր տարին կդիմավորի ամեն տարվա ավանդույթին համապատասխան. «Ամանորը անցակացնելու ենք իմ ամենասիրած տարբերակով՝ Երեւանում, մեր տանը՝ հարազատներիս հետ միասին, որից հետո Անահիտի հետ կգնանք երեւանյան ակումբներից մեկն ու կշարունակենք Նոր տարին տոնել ընկերների շրջապատում: Մեր ամանորները շատ ուրախ են անցնում, մեր ընտանիքը շատ է սիրում այս տոնը»,- մեզ հետ զրույցում պատմեց Հայկոն:
Երգիչը նկատեց, որ որդին՝ փոքրիկ Արմանը արդեն հասցրել է Ձմեռ պապիկին նամակ գրել. «Արմանը արդեն գրել է իր նամակը եւ ուղարկել Ձմեռ պապիկին: Նա մի քանի բան է խնդրել՝ լեգոներ, զենքեր եւ այն ամենը, ինչը հիմա նրան հետաքրքրում է խաղալիքներ մեջ»,- նկատեց Հայկոն:
Ձմեռ պապիկն իր հերթին, բայց Հայկոն չի մոռացել նաեւ իր կողմից պատրաստվող նվերների մասին. «Իհարկե, ես շատ եմ սիրում նվերներ անել եւ այդպիսով հաճելի պահեր պարգեւել: Արդեն մտածում եմ, թե ինչ եմ նվիրելու Անահիտին եւ Արմանին, բայց, բնականաբար, չեմ ասի»,- ծիծաղելով նշեց նա:
Գալիք տարվա համար Հայկոն մեծ ծրագրեր ունի. «Արդեն մի շարք ծրագրեր ունեմ նոր տարվա հետ կապված: Մի քանի տեսահոլովակներ, նոր ձայներիզ եւ վերջապես մենահամերգ: Եթե ամեն բան ընթանա ըստ իմ պլանավորածի, ապա 2016-ը աշխատանքային իմաստով բավականին բեղմնավոր կլինի, իսկ դա նշանակում է, որ առիթ կունենամ ուրախացնել իմ շատ սիրելի հանդիսատեսին»,- պատմեց երգիչը:
2016-ից Հայկոն խաղաղություն է ուզում. «Ամենակարեւորը, շատ կցանկանամ, որ 2016-ին խաղաղություն լինի ողջ աշխարհում, թող բոլորը լինեն առողջ, անհոգ ու երջանիկ»,- հավելեց երգիչը:
