Լարվածություն միշտ էլ կա. Ավետյանը՝ Գեղարքունիքի շրջանում կուտակումների մասին

Վաղ առավոտից համացանցում լուրեր էին շրջանառվում, որ ադրբեջանական կողմը ուժեր է կուտակում Սյունիքի (Նախիջևանի կողմից) և Վարդենիսի շփման գծի հատվածում:

Լուրի իսկությունը ճշտելու համար Pressmedia.am-ը կապ հաստատեց Գեղամասարի նախկին համայնքապետ Հակոբ Ավետյանի հետ: 

-Պարոն Ավետյան, համացանցում լուրեր են շրջանառվում, որ թշնամին ուժեր է կուտակել նաև Գեղարունիքում, որքանո՞վ է սա համապատասխանում իրականությանը, ի՞նչ իրավիճակ է հիմա այնտեղ:

-Գեղարքունիքում այս պահի դրությամբ իրավիճակը կայուն է, ոչ մի միջադեպ չկա, լարվածության մասով էլ՝ համընդհանուր լարվածություն, իհարկե, կա, բայց ոչ մի առաջխաղացում, ոչ մի միջադեպ:

-Պարոն Ավետյան, ադրբեջանական զինված ուժերի կուտակում կա՞ Գեղարքունիքի սահմանային հատվածներում, և նկատու՞մ եք արդյոք բնակիչների շրջանում լարվածություն:

-Զորքի կուտակման վերաբերյալ ինֆորմացիա չունեմ, հստակ չեմ կարող ասել: Գյուղացիներն այնքան բան են տեսել, որ արդեն այս ամենին հարմարվել են, բայց ընդհանուր անհանգստություն միշտ էլ կա, քանի դեռ վիճակը  վերջնականապես չի կայունացել, բայց խուճապային տրամադրություն չունենք:

-Ի՞նչ եք կարծում, սա կվերածվի՞ լայնածավալ պատերազմի:

-Աստված տա, որ ոչինչ չլինի, բայց երաշխավարել չենք կարող:

Խնդրում ենք համացանցային օգտատերերին զերծ մնալ խուճապ տարածելուց և արհեստական լարվածություն ստեղծելուց:

Աղբյուր