ՊԱՏՄՈՒԹՅԱՆ ԱՅՍ ՕՐԸ (15 ՀՈՒՆՎԱՐԻ). Երևանում սկսել են գործել խախտումներն արձանագրող տեսախցիկներ. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Վիքիպեդիայի համաշխարհային օր, Եգիպտոս՝ Ծառ տնկելու օր:

ՀԱՅ-ՀԱՅԱՍՏԱՆ

1841– վախճանվել է գերմանացի գիտնական, բնագետ, բժիշկ Ֆրիդրիխ Պարրոտը, որը

1829 թվականին Խաչատուր Աբովյանի հետ բարձրացել է Արարատի գագաթը:

1855- Փարիզում հրատարակվել է «Մասսեաց աղավնի» ամսագիրը (խմբագիր՝ Գ. Այվազովսկի):

1892 – ծնվել է գրող Հրաչ Զարդարյանը:

1911 - ծնվել է հայ խորհրդային ճարտարապետ Սոս Մանուկյանը:

1916– ծնվել է դրամատուրգ Գրիգոր ՏերԳրիգորյանը:

1922 –ծնվել է թատերական գործիչ, ռեժիսոր Սոկրատ Աքմաքչյանը:

1924 - ծնվել է հայ խորհրդային լեզվաբան Ալեքսանդր Մարգարյանը:

1959- տեղի է ունեցել համամիութենական մարդահամար, որի տվյալներով Երևանի բնակչությունը կազմել է 509 340 մարդ:

1990-ազգամիջյան հակամարտությունը դադարեցնելու նպատակով Լեռնային Ղարաբաղ է մտցվել խորհրդային բանակը, ԼՂՀում և նրան սահմանակից ադրբեջանական շրջաններում, ինչպես նաև հայկական Գորիսի շրջանում հայտարարվել է արտակարգ դրություն, ստեղծվել է արտակարգ դրության պարետատուն:

1992-Հայաստանը դիվանագիտական հարաբերություններ է հաստատել Ավստրալիայի հետ:

1993- Լեռնային Ղարաբաղի հակաօդային պաշտպանության ուժերը խփել են ադրբեջանական МиГ-21 մարտական ինքնաթիռ:

1995 -վախճանվել է օրիգինալ ժանրի արտիստ, ռեժիսոր Սերգեյ Կաշտել յանը:

1999 - վախճանվել է քանդակագործ Սուրեն Նազարյանը:

2002- Թուրքիան մեղմացրել է վիզային ռեժիմը Հայաստանի քաղաքացիների համար, այն է՝ հնարավորություն մուտքի վիզա ստանալ ցանկացած սահմանային անցակետում: Մինչ այդ գործող ընթացակարգի համաձայն, վիզաները հարկավոր էր ձեռք բերել նախապես:

2003-Կենտրոնական ընտրական հանձնաժողովը (ԿԸՀ) որպես նախագահի թեկնածու պաշտոնապես չի գրանցել Հայաստանի նախկին արտգործնախարար Րաֆֆի Հովհաննիսյանին՝ հիմնավորելով վերջին տասը տարվա ընթացքում Հովհաննիսյանի՝ Հայաստանի Հանրապետության քաղաքացի չլինելով:

2012- Երևանի տասը խաչմերուկներում սկսել են գործել խախտումներն արձանագրող տեսախցիկներ:

2016- Արամի 30 հասցեում գտնվող՝ 100- ամյա պատմություն ունեցող հին կառույցը, որը կառավարության կողմից գերակա շահ էր ճանաչվել դեռ 8 տարի առաջ, գիշերը քանդվել է:

2020-«Ոստիկանությունն ընդդեմ քրեական ենթամշակույթի» գործողությունների շրջանակում իրավապահները «գետնին պառկեցնելու» շուրջկալներ են իրականացրել տարբեր կասկածելի վայրերում։

ԱՇԽԱՐՀ

69 - Օթոնը Հռոմում զավթել է իշխանությունը:

730 – Բյուզանդական Կայսրությունում արգելվել է սրբապատկերների պաշտամունքը, այն համարվել է հանցագործություն:

1208 - տեղի է ունեցել պապական լեգատ Պյեռ դե Կաստելնոյի սպանությունը, որը պատճառ է հանդիսացել Հռոմի պապ Ինոկենտի 3-րդի կողմից Ալբիգոնյան խաչակրաց արշավանք հայտարարելու համար:

1559 - Եղիսաբեթ 1-ինը թագադրվել է որպես Անգլիայի թագուհի:

1622 –ծնվել է ֆրանսիացի դրամատուրգ Մոլիերը:

1759– բացվել է Լոնդոնի Բրիտանական թանգարանը, որը աշխարհի ամենամեծ թանգարաններից մեկն է:

1775 – վախճանվել է իտալացի կոմպոզիտոր Ջովաննի Սամարտինին:

1793 –ծնվել է ավստրիացի նկարիչ Ֆերդինանդ Վալդմյուլլերը:

1795 –ծնվել է ռուս գրող Ալեքսանդր Գրիբոյեդովը:

1826- լույս է տեսել ֆրանսիական «Le Figaro» թերթի առաջին համարը:

1891– ծնվել է ռուս բանաստեղծ, թարգմանիչ և գրականագետ Օսիպ Մանդելշտամը:

1892 –դպրոցական թերթում Ջեյմս Նեյսմիթը հրապարակել է բասկետբոլի առաջին կանոնները:

1906 - ծնվել է հույն նավատեր, միլիարդատեր Արիստոտել Օնասիսը:

1919– ԱՄՆ-ի Բոստոն քաղաքը հեղեղվել է օշարակով, այն հորդել է ալկոհոլային գործարանի օշարակի հսկայական պահեստից, զոհվել է 21 մարդ:

1919 –մահապատժի են ենթարկվել գերմանացի կոմունիստական գործիչներ Ռոզա Լուքսեմբուրգը և Կարլ Լիբկնեխտը:

Մանրամասները՝ «Փաստ» օրաթերթի այսօրվա համարում