Չհասկացա էլ՝ ինչպես նիհարեցի 40 կիլոգրամ. լուսանկարներ

ФОТО 23 Декабрь, 2015 17:08

Wnews.am-ը գրում է.

Վերջին 30 տարում առավել հայտնի անորքեսիա հիվանդությունն օրեցօր ավելի է տարածվում։Երիտասարդ աղջիկները, տարվելով նիհար մոդելների լուսանկարներով, սկսում են նմանվել նրանց`չգիտակցելով, թե ինչ վտանգի առջեւ են կանգնում։

Ի՞նչ է անորեքսիան, ինչի՞ց է այն առաջանում եւ ինչո՞վ է վտանգավոր։
Անորեքսիան համարվում է սննդի ընդունման խախտման հետ կապված հիվանդություն։
Այս հիվանդության դեպքում նկատվում է քաշի նվազեցման պաթոլոգիական ցանկություն, որն ուղեկցվում է ճարպակալման հանդեպ ուժեղ վախով։

Հիվանդի մոտ նկատվում է սեփական քաշի ավելացման վախ։
Սովորաբար անորեքսիայով տառապող հիվանդները քաշի նվազեցման են հասնում երկու ճանապարհով.

Սննդի սահմանափակում. սննդի սահմանափակումն ընթանում է դաժան դիետաների միջոցով, օրեցօր ընդունվող սննդի չափը նվազեցվում է եւ սկսում է ֆիզիկական մարզանքների չարաշահումը։
Օրգանիզմի մաքրում. այն ընթանում է տարբեր մեթոդներով. հոգնաներով, արհեստական փսխման եւ այլն։

Անորեքսիայի առաջացման պատճառները

Գոյություն չունի անորեքսիայի առաջացման մեկ պատճառ։ Սովորաբար ազդեցություն են ունենում միանգամից երեք գործոններ` բիոլոգիական, հոգեբանական (ազդեցություն են ունենում ընտանիքն ու ներքին կոնֆլիկտները), սոցիալական (միջավայրի ազդեցություն, ընդօրինակում)։

Անորեքսիայով հիվանդի հետ աշխատանքում միշտ հաշվի են առնվում այդ երեք գործոնները։

Որքա՞ն հաճախ է հանդիպում այդ հիվանդությունը

Զարգացած երկրներում անորեքսիայով տառապում է հիմնականում 12-ից 24 տարիքային խմբի աղջիկների 100-ից 2-ը։
Ընդունված է անորեքսիան համարել կանացի հիվանդություն, որը դրսեւորվում է հասունացման տարիքում։ Տոկոսային առումով կարելի է նկատել, որ հիվանդների 90%-ը հանդիսանում են 12-24 տարեկան աղջիկներ, իսկ մնացած 10%-ը`առավել հասուն տարիքի կանայք։

Անորեքսիայի նախանշանները
Գիրության մշտական զգացողություն, հատկապես մարմնի որոշակի հատվածում։ Հիվանդը հրաժարվում է ընդունել, որ չափազանց նիհար է:

Սննդի ընդունման մեթոդները. հիմնականում կանգնած վիճակում, սնունդն ընդունում են մանր կտորներով։

Քնի խանգարում
Հասարակությունից մեկուսացում
Քաշի ավելացման հետ կապված խուճապ
Բացի այդ, որպես հիվանդության հետեւանք, առաջանում են դաշտանային ցիկլի խախտումներ, առիթմիա, թուլության մշտական զգացողություն, մկանային սպազմաներ, ինչպես նաեւ նյարդայնություն, անարդարացված զայրույթ, մյուսների հանդեպ վիրավորանք։
Ինչպես բուժել անորեքսիան
Հիվանդության բուժման համար անհրաժեշտ է դիմել բուժող բժշկին, որպեսզի նա էլ ուղղորդի հոգեբուժի մոտ, որպեսզի հստակ մշակեք հիվանդության բուժման պլանը։

Անորեքսիայի դեպքում պարտադիր է հոգեբանական աջակցությունը ինչպես ընտանիքի, այնպես էլ շրջապատի կողմից։

Ներկայացնում ենք անորեքսիայով հիվանդ 23-ամյա Նոնայի պատմությունը։

Իմ հասակը 167 սմ է, քաշս 45 կգ.։
Ես երբեք չէի ցանկանում նիհարել։ Չնայած դրան հիվանդանոցում հայտնվեցի դաշտանային ցիկլի խախտմամբ, իսկ օրգանիզմի ներքին ճարպերի պաշարը դադարեց մյուս օրգաններս տեղում պահել։

Ինչպես դա տեղի ունեցավ։ Ես սիրում եմ ինքս ինձ վերահսկել։ Այդ ժամանակ ընդամենը քսան տարեկան էի, իմ կյանքում ամեն ինչ սխալ հունով էր ընթանում եւ միակ բանը, որը կարողանում էի վերահսկել, սեփական քաշս էր։

Երկու տարի շարունակ ինձ թույլ էի տալիս օրական ընդունել սննդի մի տեսակ։ Կար մի շրջան, երբ ուտում էի բացառապես խտացրած կաթ, հետո խնձոր, ավելի ուշ միայն կեֆիր։ Ես երկաթե կամք ունեմ, ինձ մոտ չէր առաջանում քաղցի զգացողություն։
Ես հեշտությամբ նիհարեցի 40 կգ-ով եւ այն էլ շատ պատահական։ Հետո սկսեցի վերահսկել քաշս, սակայն արդեն վախենում էի գիրանալ։

Իմ կյանքում ամեն բան կարգավորվեց այնպես, ինչպես խախտվել էր։ Հիվանդության դեմ պայքարում ինձ սկսեց օգնել ընկերս։ Հենց նա է հետեւում իմ սննդակարգին։ Մինչ օրս էլ ես ինձ գեր եմ թվում, սակայն երբ նայում եմ լուսանկարներիս, գիտակցում եմ, որ սխալ եմ։
Մինչ օրս ինձ դուր են գալիս նիհար մոդելները, սակայն այժմ նիհար մոդելների փոխարեն հիանում եմ օրինակ Քիմ Քարդաշյանի գեղեցկությամբ եւ հասկանում, որ կանացի գեղեցկության հանդեպ ընկալումներն այլ են։ Վերջ անիմաստ դիետաներին, ընդամենը պետք է հաճախակի մարզվել։